ರಾಜ್ಯದಲ್ಲಿ ಇಂದು 3795 ಮಂದಿಗೆ ಕೋವಿಡ್ ಪತ್ತೆ: 4308 ಮಂದಿ ಗುಣಮುಖ

       ತಿರುವನಂತಪುರ: ರಾಜ್ಯದಲ್ಲಿ ಇಂದು 3795 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ.  ತಿರುವನಂತಪುರ 681, ಎರ್ನಾಕುಳಂ 543, ತ್ರಿಶೂರ್ 445, ಕೋಝಿಕ್ಕೋಡ್ 413, ಕೊಟ್ಟಾಯಂ 312, ಕೊಲ್ಲಂ 310, ಕಣ್ಣೂರು 202, ಮಲಪ್ಪುರಂ 192, ಪತ್ತನಂತಿಟ್ಟ 146, ಆಲಪ್ಪುಳ 139, ಇಡುಕ್ಕಿ 132, ಪಾಲಕ್ಕಾಡ್ 110, ಕಣ್ಣೂರು 91, ಕಾಸರಗೋಡು 79 ಎಂಬಂತೆ ಸೋಂಕು ಪತ್ತೆಯಾಗಿದೆ.

         ಕಳೆದ 24 ಗಂಟೆಗಳಲ್ಲಿ 58,344 ಮಾದರಿಗಳನ್ನು ಪರೀಕ್ಷಿಸಲಾಗಿದೆ.  ಸಾಪ್ತಾಹಿಕ ಸೋಂಕಿನ ಜನಸಂಖ್ಯೆಯ ಅನುಪಾತ (WIPR) 10 ಕ್ಕಿಂತ ಹೆಚ್ಚಿನ 5 ಸ್ಥಳೀಯಾಡಳಿತ  ಪ್ರದೇಶಗಳಲ್ಲಿ 6 ವಾರ್ಡ್‌ಗಳಿವೆ.  ಇಲ್ಲಿ ಕಟ್ಟುನಿಟ್ಟಿನ ನಿಯಂತ್ರಣ ಇರಲಿದೆ.

         ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಪ್ರಸ್ತುತ 1,61,939 ಮಂದಿ ಜನರು ನಿಗಾದಲ್ಲಿದ್ದಾರೆ.  ಇವರಲ್ಲಿ 1,57,425 ಮಂದಿ ಮನೆ/ ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿದ್ದಾರೆ ಮತ್ತು 4,514 ಮಂದಿ ಆಸ್ಪತ್ರೆಯ ನಿಗಾದಲ್ಲಿದ್ದಾರೆ.  ಒಟ್ಟು 206 ಮಂದಿ ಹೊಸದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

       ಪ್ರಸ್ತುತ, 38,583 ಕೊರೋನಾ ಪ್ರಕರಣಗಳಲ್ಲಿ, ಕೇವಲ 8.1 ಪ್ರತಿಶತದಷ್ಟು ಜನರು ಆಸ್ಪತ್ರೆ / ಸ್ಥಳೀಯ ಆಸ್ಪತ್ರೆಗಳಿಗೆ ದಾಖಲಾಗಿದ್ದಾರೆ.  ಕಳೆದ 24 ಗಂಟೆಗಳಲ್ಲಿ ಕೋವಿಡ್ ಬಾಧಿಸಿ  50 ಮಂದಿ ಮೃತರಾಗಿದ್ದಾರೆ.  ಇದಲ್ಲದೆ, ಸುಪ್ರೀಂ ಕೋರ್ಟ್‌ನ ಹೊಸ ಮಾರ್ಗಸೂಚಿಗಳ ಅಡಿಯಲ್ಲಿ ಕೇಂದ್ರ ಸರ್ಕಾರವು ಮೇಲ್ಮನವಿ ಸಲ್ಲಿಸಿದ 195 ಸಾವುಗಳು ವರದಿಯಾಗಿವೆ.  ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸಾವಿನ ಸಂಖ್ಯೆ 42,824ಕ್ಕೆ ಏರಿಕೆಯಾಗಿದೆ.

       ಇಂದು ಸೋಂಕು ಪತ್ತೆಯಾದವರಲ್ಲಿ 14 ಮಂದಿ ಹೊರ ರಾಜ್ಯದವರು.  3556 ಮಂದಿ ಜನರು ಸಂಪರ್ಕದಿಂದ ಸೋಂಕಿಗೆ ಒಳಗಾಗಿದ್ದಾರೆ. 200 ಮಂದಿಯ ಸಂಪರ್ಕ ಮೂಲ ಸ್ಪಷ್ಟವಾಗಿಲ್ಲ. ಇಂದು  ಇಪ್ಪತ್ತೈದು ಮಂದಿ  ಆರೋಗ್ಯ ಕಾರ್ಯಕರ್ತರಿಗೆ ಸೋಂಕು ದೃಢಪಟ್ಟಿದೆ.

        ರೋಗನಿರ್ಣಯ ಮತ್ತು ಚಿಕಿತ್ಸೆ ಪಡೆದ 4308 ಮಂದಿ ಜನರು ಗುಣಮುಖರಾಗಿದ್ದಾರೆ.  ತಿರುವನಂತಪುರ 595, ಕೊಲ್ಲಂ 249, ಪತ್ತನಂತಿಟ್ಟ 222, ಆಲಪ್ಪುಳ 141, ಕೊಟ್ಟಾಯಂ 370, ಇಡುಕ್ಕಿ 185, ಎರ್ನಾಕುಳಂ 768, ತ್ರಿಶೂರ್ 389, ಪಾಲಕ್ಕಾಡ್ 14, ಮಲಪ್ಪುರಂ 209, ಕೋಝಿಕ್ಕೋಡ್ 522, ವಯನಾಡ್ 267, ಕಣ್ಣೂರು 309,  ಕಾಸರಗೋಡು 68 ಎಂಬಂತೆ ಗುಣಮುಖರಾಗಿದ್ದಾರೆ. ಇದರೊಂದಿಗೆ 38,583 ಮಂದಿಗೆ ಸೋಂಕು ದೃಢಪಟ್ಟಿದ್ದು, ಇನ್ನೂ ಚಿಕಿತ್ಸೆ ಪಡೆಯುತ್ತಿದ್ದಾರೆ.  ಇದುವರೆಗೆ 51,08,764 ಮಂದಿ ಕೊರೊನಾದಿಂದ ಮುಕ್ತರಾಗಿದ್ದಾರೆ.