6.6 ಕೋಟಿ ವರ್ಷ ಹಳೆಯ ಡೈನೋಸಾರ್ ಭ್ರೂಣ ಸಂರಕ್ಷಿತ ಸ್ಥಿತಿಯಲ್ಲಿ ಪತ್ತೆ

          ವಾಷಿಂಗ್ಟನ್: ಅಮೆರಿಕ ಸಂಶೋಧಕರು ತಾವು ಸಂರಕ್ಷಿತ ಸ್ಥಿತಿಯಲ್ಲಿರುವ ಡೈನೋಸಾರ್(Oviraptorosaurs) ಭ್ರೂಣವನ್ನು ಪತ್ತೆ ಹಚ್ಚಿರುವುದಾಗಿ ತಿಳಿಸಿದ್ದಾರೆ. 

             6.6 ಕೋಟಿ ವರ್ಷಗಳ ಹಿಂದೆ ಹಕ್ಕಿ ಪ್ರಭೇದಕ್ಕೆ ಸೇರಿದ ಡೈನೋಸಾರ್ ಮೊಟ್ಟೆ ಇದಾಗಿದೆ. ದಕ್ಷಿಣ ಚೀನಾದ ಗಾಂಜೊ ಪ್ರಾಂತ್ಯದಲ್ಲಿ ಈ ಪಳೆಯುಳಿಕೆ ಸಂಶೋಧಕರಿಗೆ ಲಭ್ಯವಾಗಿದೆ. 

          ಇದುವರೆಗೂ ಸಿಕ್ಕ ಪಳೆಯುಳಿಕೆಗಳು ಕಾಲನ ಹೊಡೆತಕ್ಕೆ ಸಿಕ್ಕೋ, ಪ್ರಾಕೃತಿಕ ವಿಕೋಪಗಳಿಗೆ ತುತ್ತಾಗಿಯೋ ಘಾಸಿಗೊಂಡಿತ್ತು.  ಇಷ್ಟೊಂದು ಸುಸ್ಥಿತಿಯಲ್ಲಿರುವ ಡೈನೊಸಾರ್ ಭ್ರೂಣ ಪತ್ತೆಯಾಗಿರುವುದು ಜಗತ್ತಿನಲ್ಲಿ ಇದೇ ಮೊದಲನೆಯದು ಎನ್ನಲಾಗಿದೆ. ಭ್ರೂಣದ ಅಳತೆ ಅಡಿಯಿಂದ ಮುಡಿಯವರೆಗೆ 27 ಸೆ.ಮೀ ಇದೆ.