ತಿರುವನಂತಪುರಂ: ಪೆರಿಯ ಜೋಡಿ ಹತ್ಯೆ ಪ್ರಕರಣದ ಸಿಬಿಐ ತನಿಖೆಯನ್ನು ತಡೆಯಲು ಪಿಣರಾಯಿ ಸರ್ಕಾರ ಲಕ್ಷಗಟ್ಟಲೆ ಖರ್ಚು ಮಾಡಿದೆ ಎಂಬ ಅಂಶ ಬೆಳಕಿಗೆ ಬಂದಿದೆ. ಕೆಪಿಸಿಸಿ ಕಾರ್ಯಕಾರಿ ಸಮಿತಿ ಸದಸ್ಯ ಬಾಬೂಜಿ ಇಸೋಯಿಕ್ ಅವರು ಅಡ್ವೊಕೇಟ್ ಜನರಲ್ ಕಚೇರಿಯಿಂದ ಆರ್‍ಟಿಐ ಮೂಲಕ ಪಡೆದ ಮಾಹಿತಿ ಈ ಬಗ್ಗೆ ಬೆಳಕು ಚೆಲ್ಲಿದೆ.
ಕೊಲೆ ಪ್ರಕರಣದ ಸಿಬಿಐ ತೀರ್ಪಿನ ವಿರುದ್ಧ ಸಿಪಿಎಂ ಕಾರ್ಯಕರ್ತರು ಸಲ್ಲಿಸಿದ್ದ ಮೇಲ್ಮನವಿಯಲ್ಲಿ ಸರ್ಕಾರದ ಪರ ವಾದ ಮಂಡಿಸಿದ ವಕೀಲರ ಪರವಾಗಿ 90,92,337 ಲಕ್ಷ ರೂಪಾಯಿ ಖರ್ಚು ಮಾಡಲಾಗಿದೆ ಎಂದು ದಾಖಲೆಯಲ್ಲಿ ಹೇಳಲಾಗಿದೆ.ಪ್ರಕರಣದಲ್ಲಿ ಸರ್ಕಾರ ವಾದ ಮಂಡಿಸಿತ್ತು.
ಮಣಿಂದರ್ ಸಿಂಗ್ ಎಂಬ ವಕೀಲರಿಗೆ 60 ಲಕ್ಷ ರೂ.ನೀಡಲಾಗಿದೆ. ಇವರಲ್ಲದೆ ಪ್ರಕರಣಕ್ಕೆ ಹಾಜರಾಗಿದ್ದ ಇಬ್ಬರು ವಕೀಲರಾದ ರಜಿತ್ ಕುಮಾರ್ ಅವರಿಗೆ 25 ಲಕ್ಷ ಹಾಗೂ ಪ್ರಭಾಸ್ ಬಜಾಜ್ 3 ಲಕ್ಷ ರೂ.ಗಳನ್ನೂ ನೀಡಲಾಗಿದೆ. ಈ ನಿಟ್ಟಿನಲ್ಲಿ ಒಟ್ಟು ಖರ್ಚು ಮಾಡಿದ ಮೊತ್ತ `88 ಲಕ್ಷ.ರೂ. ನಾಲ್ಕು ದಿನಗಳ ಕಾಲ ವಿವಿಧ ಹಂತಗಳಲ್ಲಿ ವಕೀಲರು ನ್ಯಾಯಾಲಯಕ್ಕೆ ಹಾಜರಾಗಿ ಅದರಲ್ಲಿ ವಿಮಾನ ಪ್ರಯಾಣ ದರ, ವಸತಿ ಮತ್ತು ಆಹಾರಕ್ಕಾಗಿ ಸರ್ಕಾರ 2,92,337 ರೂ.ವಿನಿಯೋಗಿಸಿದೆ.
ಯುವ ಕಾಂಗ್ರೆಸ್ ಕಾರ್ಯಕರ್ತರಾದ ಶರತ್ ಲಾಲ್ ಮತ್ತು ಕೃಪೇಶ್ ಅವರನ್ನು ಫೆಬ್ರವರಿ 17, 2019 ರಂದು ಪೆರಿಯದಲ್ಲಿ ಹತ್ಯೆಗೈಯ್ಯಲಾಗಿತ್ತು. 2019ರ ಸೆಪ್ಟೆಂಬರ್‍ನಲ್ಲಿ ತನಿಖೆಯನ್ನು ಸಿಬಿಐಗೆ ವಹಿಸಲಾಗಿತ್ತು.
DOCTYPE html>
