ಕೇರಳದಲ್ಲಿ ಮತ್ತಷ್ಟು ಹೆಚ್ಚಳಗೊಂಡ ಒಮಿಕ್ರಾನ್: ನಿನ್ನೆ ಏಳು ಮಂದಿಗೆ ಸೋಂಕು ಪತ್ತೆ: ಒಬ್ಬ ವ್ಯಕ್ತಿಗೆ ಸಂಪರ್ಕದ ಮೂಲಕ ವೈರಸ್ ಸೋಂಕು: ಹೆಚ್ಚಿದ ಕಳವಳ

                                                   

                ತಿರುವನಂತಪುರ: ರಾಜ್ಯದಲ್ಲಿ ಒಮಿಕ್ರಾನ್ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಿದ್ದು, ಆತಂಕ ಮೂಡಿಸಿದೆ. ನಿನ್ನೆ ಏಳು ಹೊಸ ಪ್ರಕರಣಗಳು ದೃಢಪಟ್ಟಿವೆ. ಇವುಗಳಲ್ಲಿ ಒಬ್ಬರಿಗೆ  ಸಂಪರ್ಕದಿಂದ ರೋಗ ದೃಢಪಟ್ಟಿರುವುದು ಅತ್ಯಂತ ಕಳವಳಕಾರಿ ಸಂಗತಿ.

                    ಪತ್ತನಂತಿಟ್ಟ 4, ಆಲಪ್ಪುಳ 2 ಮತ್ತು ತಿರುವನಂತಪುರ 1 ಒಮಿಕ್ರಾನ್ ಪ್ರಕರಣಗಳು ದೃಢಪಟ್ಟಿವೆ. ಇಬ್ಬರು (32), (40) ಯುಎಇ ಮತ್ತು ಒಬ್ಬರು ಐಲೆರ್ಂಡ್‍ನಿಂದ (28) ಬಂದವರು ಎಂದು ಪತ್ತನಂತಿಟ್ಟದಲ್ಲಿ ವರದಿಯಾಗಿದೆ.  ಓಮಿಕ್ರಾನ್ ರೋಗಿಯೊಂದಿಗೆ ಸಂಪರ್ಕದಲ್ಲಿದ್ದ 51 ವರ್ಷ ವಯಸ್ಸಿನವರೊಬ್ಬರಿಗೂ ಜಿಲ್ಲೆಯಲ್ಲಿ ಸೋಂಕು ದೃಢಪಟ್ಟಿದೆ.  ಅಲಪ್ಪುಳದಲ್ಲಿ ರೋಗ ಪತ್ತೆಯಾದ ಬಾಲಕ (9) ಇಟಲಿ ಮೂಲದವನು ಮತ್ತು ಇನ್ನೊಬ್ಬ (37) ಕತಾರ್ ಮೂಲದವನು. ತಿರುವನಂತಪುರನಲ್ಲಿ (48) ರೋಗ ಪತ್ತೆಯಾದ ವ್ಯಕ್ತಿ ತಾಂಜಾನಿಯಾದವರು. ಓಮಿಕ್ರಾನ್ ಇರುವ ಬಗ್ಗೆ  ರಾಜೀವ್ ಗಾಂಧಿ ಸೆಂಟರ್ ಫಾರ್ ಬಯೋಟೆಕ್ನಾಲಜಿ ದೃಢಪಡಿಸಿದೆ.

                           ರಾಜ್ಯದಲ್ಲಿ ಇದುವರೆಗೆ 64 ಮಂದಿಗೆ ಒಮಿಕ್ರಾನ್ ಇರುವುದು ಪತ್ತೆಯಾಗಿದೆ. ರಾಜ್ಯದಲ್ಲಿ ಸೋಂಕು  ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಗುರುವಾರದಿಂದ ಕಠಿಣ ನಿಯಂತ್ರಣ ಹೇರಲು ಸರ್ಕಾರ ಸಜ್ಜಾಗಿದೆ.