ಲೈಫ್ ಯೋಜನೆಗೆ ನೆರವಿನ ಅಪೇಕ್ಷೆ: ಕೇರಳದಲ್ಲಿ ಫುಡ್ ಪಾರ್ಕ್ ಸ್ಥಾಪನೆ: ಯುಎಇ ಸಚಿವರಿಗೆ ಪಿಣರಾಯಿ ಮನವಿ

  

                 ತಿರುವನಂತಪುರ: ಲೈಫ್ ಯೋಜನೆಯನ್ನು ಪೂರ್ಣಗೊಳಿಸಲು ಸಹಾಯ ಮಾಡುವಂತೆ ಯುಎಇ ಸಚಿವರಿಗೆ ಪಿಣರಾಯಿ ಮನವಿ ಮಾಡಿರುವರು. ಯುಎಇ ಸಚಿವ ಡಾ. ಥಾನಿ ಅಹಮದ್ ಅವರನ್ನು ಭೇಟಿಯಾದ ಸಂದರ್ಭದಲ್ಲಿ ಈ ಬೇಡಿಕೆಯನ್ನು ಸಲ್ಲಿಸಲಾಯಿತು.

                      ಚಿನ್ನ ಕಳ್ಳಸಾಗಣೆ ವಿವಾದದ ಹಿನ್ನೆಲೆಯಲ್ಲಿ ಯೋಜನೆ ಸ್ಥಗಿತಗೊಂಡಿದೆ. ವಿದೇಶಿ ಸಾಲ ಮತ್ತು ಕಮಿಷನ್ ವಂಚನೆ ಕುರಿತು ಇಡಿ ಮತ್ತು ಸಿಬಿಐ ತನಿಖೆ ನಡೆಸುತ್ತಿದೆ. ಫ್ಲಾಟ್ ನಿರ್ಮಾಣದಲ್ಲಿ ನಡೆದ ಭ್ರಷ್ಟಾಚಾರ ಪ್ರಕರಣದಲ್ಲಿ ಮುಖ್ಯಮಂತ್ರಿಗಳ ಮಾಜಿ ಪ್ರಧಾನ ಕಾರ್ಯದರ್ಶಿ ವಿರುದ್ಧ ಜಾರಿ ನಿರ್ದೇಶನಾಲಯ ಚಾರ್ಜ್ ಶೀಟ್ ಸಲ್ಲಿಸಿದೆ. ಈ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ಯುಎಇ ಸಚಿವರ ನೆರವು ಕೋರಿದ್ದಾರೆ. 

                    ಕೇರಳದಲ್ಲಿ ಫುಡ್ ಪಾರ್ಕ್‍ಗಳನ್ನು ಸ್ಥಾಪಿಸುವಂತೆ ಮುಖ್ಯಮಂತ್ರಿ ಡಾ.ಥಾನಿ ಅಹ್ಮದ್ ಅಲ್ ಸೋಯುದಿ ಅವರಿಗೆ ಮನವಿ ಮಾಡಿದರು. ಯುಎಇ ಸರ್ಕಾರವು ಭಾರತದಲ್ಲಿ ಮೂರು ಫುಡ್ ಪಾರ್ಕ್‍ಗಳನ್ನು ತೆರೆಯಲು ಯೋಜಿಸಿದೆ. ಅವರಲ್ಲಿ ಒಂದು ಕೇರಳದಲ್ಲಿರಬೇಕು ಎಂದು ಮುಖ್ಯಮಂತ್ರಿ ಮನವಿ ಮಾಡಿದರು. ಇದಕ್ಕೆ ಡಾ.ಥಾನಿ ಅಹಮದ್ ಸಮ್ಮತಿ ನೀಡಿದ್ದಾರೆ ಎಂದು ತಿಳಿದು ಬಂದಿದೆ. ಹೆಚ್ಚಿನ ವಿವರಗಳನ್ನು ನಂತರ ಚರ್ಚಿಸಲಾಗುವುದು.