ಕೇರಳ ಸಿ.ಎಂಗೆ ತರೂರ್‌ ಪ್ರಶಂಸೆ: ಕಾಂಗ್ರೆಸ್‌ಗೆ ಮುಜುಗರ

             ತಿರುವನಂತಪುರ: ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಅವರ ಅಭಿವೃದ್ಧಿ ದೃಷ್ಟಿಕೋನವನ್ನು ಕಾಂಗ್ರೆಸ್‌ ಸಂಸದ ಶಶಿ ತರೂರ್‌ ಅವರು ಪ್ರಶಂಸಿಸಿರುವುದು ಕೇರಳದಲ್ಲಿನ ವಿರೋಧ ಪಕ್ಷ ಕಾಂಗ್ರೆಸ್‌ಗೆ ಮುಜುಗರ ಉಂಟುಮಾಡಿದೆ.

           ತಿರುವನಂತಪುರದಲ್ಲಿ ಗುರುವಾರ ಶಾಪಿಂಗ್‌ ಮಾಲ್‌ವೊಂದರ ಉದ್ಘಾಟನೆ ನೆರವೇರಿಸಿ ಮಾತನಾಡಿದ ತರೂರ್‌, 'ಪಿಣರಾಯಿ ವಿಜಯನ್‌ ಅವರು ಕೇರಳದ ಅಭಿವೃದ್ಧಿಯಲ್ಲಿನ ಅಡೆತಡೆಗಳನ್ನು ನಿವಾರಿಸಲು ಮತ್ತು ರಾಜ್ಯವನ್ನು ಹೂಡಿಕೆದಾರರ ಸ್ನೇಹಿಯಾಗಿಸಲು ಪ್ರಯತ್ನಿಸುತ್ತಿದ್ದಾರೆ.

            ಅಭಿವೃದ್ಧಿಯನ್ನು ಸ್ವಾಗತಿಸುವವರು ಇದನ್ನು ಪ್ರಶಂಸಿಸಲಿದ್ದಾರೆ' ಎಂದು ಹೇಳಿದ್ದಾರೆ.

ಕೇರಳ ಸರ್ಕಾರದ ಸೆಮಿ ಹೈಸ್ಪೀಡ್‌ ರೈಲು ಯೋಜನೆ ವಿರೋಧಿಸಿ ಕೇರಳದ ಕಾಂಗ್ರೆಸ್‌ ಸಂಸದರು ಈಚೆಗೆ ಕೇಂದ್ರ ರೈಲ್ವೆ ಸಚಿವರಿಗೆ ಸಲ್ಲಿಸಿದ್ದ ಮನವಿಗೂ ಶಶಿ ತರೂರು ಅವರು ಸಹಿ ಹಾಕಿರಲಿಲ್ಲ. ಬಳಿಕ ಸ್ಪಷ್ಟನೆ ನೀಡಿದ್ದ ಅವರು, ಯೋಜನೆ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿದುಕೊಳ್ಳುವ ಅಗತ್ಯ ಇದೆ ಎಂದಿದ್ದರು.