ಪತ್ತನಂತಿಟ್ಟ: ಶಬರಿಮಲೆಯಲ್ಲಿ ಲಕ್ಷ ಲಕ್ಷ ವೆಚ್ಚದಲ್ಲಿ ನಿರ್ಮಿಸಿದ ಸೇತುವೆ ಮಳೆಯ ವೇಳೆ ಕುಸಿದು ಬಿದ್ದಿದೆ. ಪಂಪಾದಲ್ಲಿ ನೂನಂಗಾರ್ ಮೇಲಿನ ಸೇತುವೆ ಮಳೆಗೆ ಹಾಳಾಗಿದೆ. ಉದ್ಘಾಟನೆಗೊಂಡು ಮೂರನೇ ದಿನವೇ ಸೇತುವೆ ಕುಸಿದಿದ್ದು, ಪ್ರತಿಭಟನೆಗೆ ಕಾರಣವಾಗಿದೆ. .ದೇವಸ್ವಂ ಮಂಡಳಿ ಅಧ್ಯಕ್ಷ ಕೆ.ಅನಂತಗೋಪನ್ ಸೇತುವೆಯನ್ನು ಉದ್ಘಾಟಿಸಿದ್ದರು.
ಸುಮಾರು 20 ಲಕ್ಷ ರೂಪಾಯಿ ವೆಚ್ಚದಲ್ಲಿ ಸೇತುವೆ ಪೂರ್ಣಗೊಂಡಿದೆ. ನಿನ್ನೆ ರಾತ್ರಿ ಸುರಿದ ಭಾರೀ ಮಳೆಗೆ ಸೇತುವೆ ಕುಸಿದಿದೆ. ಮಂಡಲ ಯಾತ್ರೆಗಾಗಿ ಮೂಲಸೌಕರ್ಯ ಅಭಿವೃದ್ಧಿಯ ಭಾಗವಾಗಿ ನೂನಂಗಾರ್ ಮೇಲೆ ಸೇತುವೆಯನ್ನು ನಿರ್ಮಿಸಲಾಗಿದೆ. ನೀರಾವರಿ ಇಲಾಖೆಯ ನೇತೃತ್ವದಲ್ಲಿ ನಿರ್ಮಾಣ ಕಾಮಗಾರಿ ನಡೆದಿದೆ.
ಸೇತುವೆ 20 ಮೀಟರ್ ಉದ್ದ ಮತ್ತು 5 ಮೀಟರ್ ಅಗಲವಿದೆ. ನದಿಯ ನೀರನ್ನು ಸಾಗಿಸಲು ಇಪ್ಪತ್ತನಾಲ್ಕು ಪೈಪ್‍ಗಳನ್ನು ಎರಡು ಪದರಗಳಲ್ಲಿ ಹಾಕಲಾಗಿದೆ. 12 ದ್ವಾರಗಳನ್ನು ಸ್ಥಾಪಿಸಲಾಗಿದ್ದು, ಏಳು ಕೆಳಭಾಗದಲ್ಲಿ ಮತ್ತು ಐದು ಮೇಲ್ಭಾಗದಲ್ಲಿವೆ. ಇವುಗಳಲ್ಲಿ ನಾಲ್ಕು ಸ್ಫೋಟಗೊಂಡಿವೆ. ಸೇತುವೆಯನ್ನು ಬಲವರ್ಧನೆಗೊಳಿಸಲು ಎರಡೂ ಬದಿಗಳಲ್ಲಿ ತೆಂಗಿನ ಸಿಪ್ಪೆಗಳನ್ನು ರಾಶಿ ಹಾಕಲಾಗಿದ್ದು, ಪ್ರವಾಹದ ನೀರಿನಲ್ಲಿ ಸೇತುವೆಯು ಉರುಳಿ ಬೀಳದಂತೆ ಹೀಗೆ ಮಾಡಲಾಗಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ. 10 ರಿಂದ 15 ಟನ್ ಶೇಖರಣಾ ಸಾಮಥ್ರ್ಯದ ಟ್ರಾಕ್ಟರ್‍ಗಳನ್ನು ನಿಲ್ಲಿಸಲು ಸೇತುವೆಯನ್ನು ನಿರ್ಮಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
DOCTYPE html>
