ಕೋಝಿಕ್ಕೋಡ್: ಆಸ್ಪತ್ರೆಗೆ ತೆರಳುವ ಮಾರ್ಗಮಧ್ಯೆ ಆಂಬ್ಯುಲೆನ್ಸ್ ನಲ್ಲಿ ಮಹಿಳೆಗೆ ಹೆರಿಗೆಯಾಗಿದೆ. ಪನ್ನಿಕೋಡ್‍ನ ಇರಂಜಿಮಾವು ನಿವಾಸಿ ರಶೀದಾ (40) ಆಂಬುಲೆನ್ಸ್‍ನಲ್ಲಿ ಹೆರಿಗೆಯಾದ ಮಹಿಳೆ. ಭಾನುವಾರ ಬೆಳಗ್ಗೆ 6 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ.
ಬೆಳಗ್ಗೆ ಹೆರಿಗೆ ನೋವು ಕಂಡುಬಂದಿದ್ದರಿಂದ ರಶೀದಾ ಅವರನ್ನು ತಾಮರಶ್ಶೇರಿ ತಾಲೂಕು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ತಜ್ಞ ಚಿಕಿತ್ಸೆಗಾಗಿ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿಗೆ ಕರೆದೊಯ್ಯಲಾಯಿತು. ಇಲ್ಲಿಗೆ ತೆರಳುವ ಮಧ್ಯೆ ರಶೀದಾ ಅವರಿಗೆ ಹೆರಿಗೆ ನೋವು ತೀವ್ರಗೊಂಡಿತು. ರಶೀದಾ ಕಣಿವ್ 108 ಆಂಬ್ಯುಲೆನ್ಸ್‍ನಲ್ಲಿ ತೆರಳುತ್ತಿದ್ದರು.
ಆಂಬ್ಯುಲೆನ್ಸ್‍ನಲ್ಲಿ ತುರ್ತು ವೈದ್ಯಕೀಯ ತಂತ್ರಜ್ಞ ನಿಖಿಲ್ ವರ್ಗೀಸ್ ಮತ್ತು ನರ್ಸಿಂಗ್ ಸಹಾಯಕ ಗಿಗಿಮೋಲ್ ಇದ್ದರು. ಪ್ರಯಾಣದ ವೇಳೆ ರಶೀದಾ ಅವರ ಆರೋಗ್ಯ ಹದಗೆಟ್ಟಿದ್ದು, ತಂಡ ಆಕೆಯನ್ನು ವಾಹನದಲ್ಲೇ ಹೆರಿಗೆಮಾಡಿಸಿದರು. ಬೆಳಗ್ಗೆ 7.30ಕ್ಕೆ ರಶೀದಾ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.
ಹೊಕ್ಕುಳಬಳ್ಳಿ ತುಂಡರಿಸಿ ನಿಖಿಲ್ ವರ್ಗೀಸ್ ತಾಯಿ ಹಾಗೂ ಮಗುವಿಗೆ ಪ್ರಥಮ ಚಿಕಿತ್ಸೆ ನೀಡಿದ್ದಾರೆ. ಜೊತೆಗೆ ಚಾಲಕ ಸಲ್ಮಾನ್ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ಕರೆದೊಯ್ದರು. ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ.
DOCTYPE html>
