ಕೈತಪ್ರಂ ವಿಶ್ವನಾಥನ್ ನಂಬೂದಿರಿ ನಿಧನ

                 ಕಣ್ಣೂರು: ಸಂಗೀತ ನಿರ್ದೇಶಕ ಕೈತಪ್ರಂ ವಿಶ್ವನಾಥನ್ ನಂಬೂದಿರಿ ನಿನ್ನೆ ನಿಧನರಾದರು. ಅವರಿಗೆ 58 ವರ್ಷ ವಯಸ್ಸಾಗಿತ್ತು. ಕ್ಯಾನ್ಸರ್‍ನಿಂದಾಗಿ ಕೋಝಿಕ್ಕೋಡ್‍ನ ಎಂವಿಆರ್ ಕ್ಯಾನ್ಸರ್ ಕೇಂದ್ರದಲ್ಲಿ ದೀರ್ಘಕಾಲದಿಂದ ಚಿಕಿತ್ಸೆ ಪಡೆಯುತ್ತಿದ್ದರು. ಕೈತಪ್ರಂ ವಿಶ್ವನಾಥನ್ ಅವರು ಸಂಗೀತ ನಿರ್ದೇಶಕ ಮತ್ತು ಗೀತರಚನೆಕಾರ ಕೈತಪ್ರಂ ದಾಮೋದರನ್ ನಂಬೂದಿರಿ ಅವರ ಸಹೋದರರಾಗಿದ್ದಾರೆ.

                  ಕೈತಪ್ರಂ ವಿಶ್ವನಾಥನ್ ನಂಬೂದಿರಿ ಮಲಯಾಳಂ ಚಿತ್ರರಂಗಕ್ಕೆ ಅವಿಸ್ಮರಣೀಯ ಸಂಗೀತದ ಅನುಭವ ನೀಡಿದ ಮಹಾನ್ ಸಾಧಕ. ಅವರು ದೇಶದಾನಂ ಚಿತ್ರದಲ್ಲಿ ಸಹಾಯಕರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅದರಲ್ಲಿ ಅವರ ಅಣ್ಣ ಸಾಹಿತ್ಯವನ್ನು ರಚಿಸಿ ಸಂಗೀತ ಸಂಯೋಜಿಸಿದ್ದರು. ಜಯರಾಜ್ ಅವರ ‘ಕನ್ನಕಿ’ ಚಿತ್ರದ ಮೂಲಕ ಸ್ವತಂತ್ರ ಸಂಗೀತ ನಿರ್ದೇಶಕರಾದರು.

                   25ಕ್ಕೂ ಹೆಚ್ಚು ಚಿತ್ರಗಳಿಗೆ ಹಿನ್ನೆಲೆ ಸಂಗೀತವನ್ನು ವಿಶ್ವನಾಥನ್ ನಂಬೂದಿರಿ ನೀಡಿದ್ದಾರೆ. ಕಣ್ಣಕಿ ಚಿತ್ರದ ಹಿನ್ನೆಲೆ ಸಂಗೀತಕ್ಕೆ ರಾಜ್ಯ ಸರ್ಕಾರದ ಪ್ರಶಸ್ತಿ ಲಭ್ಯವಾಗಿತ್ತು. ಅವರ ಹಾಡುಗಳು ಕಯ್ಯೆತ್ತು ದೂರ ಒರು ಕುಟ್ಟಿಕ್ಕಾಲಂ(ಒಂಟಿತನ), ನೀನೊಂದು ನದಿಯಾಗಿ, ಎನಿಕ್ಕೊರು ಪೆಣ್ಣುಂಡ್ (ಪ್ರಕಾಶಮಾನ) ಆಟೆಟಿ ಆಲಿಲಕ್ಕಿಳಿಯೆ ಮೊದಲಾದವುಗಳು ಅವರ ಗಮನಾರ್ಹ ಗಾನಗಳಾಗಿದ್ದವು.