ಮಾಧ್ಯಮಗಳ ಮೂಲಕ ಮುಖ್ಯಮಂತ್ರಿಯೊಂದಿಗೆ ಚರ್ಚೆ ಇಲ್ಲ: ಆರಿಫ್ ಮೊಹಮ್ಮದ್ ಖಾನ್

                                               

                     ತಿರುವನಂತಪುರ: ವಿಶ್ವವಿದ್ಯಾನಿಲಯದ ಉಪಕುಲಪತಿ ನೇಮಕ ವಿವಾದದಲ್ಲಿ ಮುಖ್ಯಮಂತ್ರಿಗಳ ವಿವರಣೆಯನ್ನು ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ತಿರಸ್ಕರಿಸಿದ್ದಾರೆ. ಮಾಧ್ಯಮಗಳ ಮೂಲಕ ಮುಖ್ಯಮಂತ್ರಿ ಜತೆ ಚರ್ಚೆ ನಡೆಸುತ್ತಿಲ್ಲ. ನಿಯಮಗಳು ಮತ್ತು ನಿಬಂಧನೆಗಳನ್ನು ಅನುಸರಿಸಲು ಹೇಳುತ್ತದೆ. ರಾಜ್ಯಪಾಲರಾಗಿ ರಾಜಕೀಯ ನಿಲುವು ತಳೆದಿಲ್ಲ ಎಂದೂ ಅವರು ಸ್ಪಷ್ಟಪಡಿಸಿದ್ದಾರೆ.

                  ಕುಲಪತಿ ಹುದ್ದೆಯಲ್ಲಿ ಯಾವುದೇ ಬದಲಾವಣೆ ಇಲ್ಲ. ಕಣ್ಣೂರು ವಿವಿಯ ಮರುನೇಮಕಕ್ಕೆ ಸಾಕಷ್ಟು ಒತ್ತಡವಿತ್ತು. ಘರ್ಷಣೆಯನ್ನು ತಪ್ಪಿಸಲು ನೇಮಕಾತಿಗೆ ಸಹಿ ಹಾಕಲಾಗಿದೆ. ನೇರವಾಗಿ ಮಾತನಾಡಲು ಬಾರದ ಕಾರಣ ಮುಖ್ಯಮಂತ್ರಿಗಳಿಗೆ ಪತ್ರ ಕಳುಹಿಸಲಾಗಿದೆ. ಪತ್ರದಲ್ಲಿ ಎಲ್ಲವನ್ನೂ ಹೇಳಿರುವೆ. ರಾಜ್ಯಪಾಲರು ತಮ್ಮದೇ ಸರ್ಕಾರದೊಂದಿಗೆ ಘರ್ಷಣೆ ಮಾಡುವುದಿಲ್ಲ ಎಂದು ಹೇಳಿದರು.

                   ಸ್ವಪಕ್ಷೀಯರ  ಆರೋಪ ತಪ್ಪಿಸಲು ವಿಸಿ ನೇಮಕ ಮಾಡಲಾಗಿದೆ. ಅವರು ಎಜಿ ಅವರ ಕಾನೂನು ಸಲಹೆಯನ್ನು ಪಡೆದಿಲ್ಲ. ಕಾಲಡಿ ವಿಶ್ವವಿದ್ಯಾನಿಲಯದಲ್ಲಿ ಒಂದೇ ಒಂದು ಹೆಸರನ್ನು ಅಂಗೀಕರಿಸಲಾಗಿದೆ ಎಂಬ ಮುಖ್ಯಮಂತ್ರಿಯವರ ಹೇಳಿಕೆಯನ್ನು ಅವರು ತಳ್ಳಿಹಾಕಿದರು. ಒಂದೇ ಒಂದು ಹೆಸರನ್ನು ಅಂಗೀಕರಿಸಿದರೆ, ಹೆಸರನ್ನು ಏಕೆ ಹಿಂತಿರುಗಿಸಲಾಯಿತು ಎಂದು ಅವರು ಕೇಳಿದರು.

                ಕಾನೂನು ಕರ್ತವ್ಯಗಳನ್ನು ನಿರ್ವಹಿಸಲು ಸರ್ಕಾರವು ಅವಕಾಶ ನೀಡುವುದಿಲ್ಲ. ಒಮ್ಮೆ ಒತ್ತಡಕ್ಕೆ ಮಣಿದಿರುವುದು ಹೌದಾದರೂ ಇನ್ನು ಮುಂದೆ ಹಾಗಾಗದು.  ಹೀಗಾಗಿ ಕುಲಪತಿ ಹುದ್ದೆಯಿಂದ ಕೆಳಗಿಳಿಯುತ್ತಿರುವುದು ಸೂಕ್ತವೆಂದು ತೀರ್ಮಾನಿಸಿದೆ ಎಂದರು. 

                    ಇದೇ ವೇಳೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ನಿನ್ನೆ ಮಾತನಾಡಿ, ಕುಲಪತಿಗಳಿಗೆ ಆತ್ಮಸಾಕ್ಷಿಗೆ ವಿರುದ್ಧವಾಗಿ ಏನನ್ನೂ ಮಾಡುವಂತೆ ಸರ್ಕಾರ ಎಂದಿಗೂ ಕೇಳಿಲ್ಲ. ಸರ್ಕಾರದ ಅಭಿಪ್ರಾಯಗಳನ್ನು ಕುಲಪತಿಗಳಿಗೆ ತಿಳಿಸುವುದು ಆಡಳಿತಾತ್ಮಕ ಮಟ್ಟದಲ್ಲಿ ಸಹಜ ಸಂವಹನವಾಗಿದೆ. ಅವುಗಳನ್ನು ಪರಿಗಣಿಸಿ ಸೂಕ್ತ ನಿರ್ಧಾರ ಕೈಗೊಳ್ಳುವುದು ಮಾನ್ಯ ಕುಲಪತಿಗಳಿಗೆ ಬಿಟ್ಟದ್ದು. ಆದರೂ ರಾಜ್ಯಪಾಲರಿಗೆ ಆ ಸ್ವಾತಂತ್ರ್ಯವಿದೆ. ಯಾವುದೇ ಕೋನದಿಂದ ಟೀಕೆಗೆ ಹೆದರಿ ನಿರ್ಧಾರಗಳನ್ನು ತೆಗೆದುಕೊಳ್ಳದೇ ಇರುವುದಕ್ಕೆ ಸರ್ಕಾರ ಜವಾಬ್ದಾರರಲ್ಲ ಎಂದು ಸಿಎಂ ಹೇಳಿದ್ದರು.