ಡಿಯೋರಾಮಾ ಫಿಲ್ಮ್ ಫೆಸ್ಟಿವಲ್‍ನಲ್ಲಿ ಮಿಂಚಿದ 'ನಾಯಾಟ್': ಅತ್ಯುತ್ತಮ ನಟ ಜೊಜೊ ಜಾರ್ಜ್ ಮತ್ತು ನಟಿ ರಿಮಾ ಕಲ್ಲಿಂಗಲ್

                                                 

                 ತಿರುವನಂತಪುರ: ಡಿಯೋರಮಾ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ನಟ ಜೊಜೊ ಜಾರ್ಜ್ ಅವರು ಅತ್ಯುತ್ತಮ ನಟನಿಗಾಗಿ ಗೋಲ್ಡನ್ ಸ್ಪ್ಯಾರೋ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಮಾರ್ಟಿನ್ ಪ್ರಕತ್ ನಿರ್ದೇಶನದ ನಾಯಾಟ್ ಚಿತ್ರದಲ್ಲಿನ ಅವರ ಅಭಿನಯಕ್ಕಾಗಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ಅತ್ಯುತ್ತಮ ನಟನ ಜೊತೆಗೆ, ನಾಯಾಟ್ ಎರಡನೇ ಅತ್ಯುತ್ತಮ ಚಲನಚಿತ್ರ ಪ್ರಶಸ್ತಿಯನ್ನು ಸಹ ಪಡೆದಿದೆ.  ಅತ್ಯುತ್ತಮ ಹಿಂದಿ ಚಿತ್ರ 'ಬಾರಾ ಬಾರಾ' ಆಯ್ಕೆಯಾಗಿದೆ.

                 ತೀರ್ಪುಗಾರ ಸದಸ್ಯರು ನಾಯಾಟ್  ಚಲನಚಿತ್ರ ಮತ್ತು ಜೋಜೊ ಅವರ ಅಭಿನಯದ ಬಗ್ಗೆ ತಮ್ಮ ಅತ್ಯುತ್ತಮ ಕಾಮೆಂಟ್‍ಗಳನ್ನು ಹಂಚಿಕೊಂಡಿರುವರು. ರಿಮಾ ಕಲ್ಲಿಂಗಲ್ ಅವರು ಸಂತೋಶಿಂಡೆ ಒನ್ನಾಂ ರಹಸ್ಯಂ ಚಿತ್ರದ ಪಾತ್ರಕ್ಕಾಗಿ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದರು. ತೀರ್ಪುಗಾರರ ಸದಸ್ಯರಾಗಿ ಗಿರೀಶ್ ಕಾಸರವಳ್ಳಿ, ಮನೀಶಾ ಕೊಯಿರಾಲ, ಸುರೇಶ್ ಪೈ, ಸುದೀಪ್ ಚಟರ್ಜಿ ಮತ್ತು ಸಚಿನ್ ಚಟ್ಟೆ ಇದ್ದರು.

                 ಉತ್ಸವದಲ್ಲಿ 84 ದೇಶಗಳ 130 ಕ್ಕೂ ಹೆಚ್ಚು ಚಲನಚಿತ್ರಗಳನ್ನು ಪ್ರದರ್ಶಿಸಲಾಯಿತು. ದೆಹಲಿಯ ಸಿರಿ ಪೋರ್ಟ್ ಆಡಿಟೋರಿಯಂನಲ್ಲಿ ಚಲಚಿತ್ರ ಮೇಳ ಆಯೋಜಿಸಲಾಗಿತ್ತು. ಜೊಜೊ ಜಾರ್ಜ್ ಅಭಿನಯದ ನಾಯಾಟ್ ಚಿತ್ರದ ಮಣಿಯನ್ ಪಾತ್ರವು ಹೆಚ್ಚು ಚರ್ಚಿಸಲ್ಪಟ್ಟಿತು. ಸರ್ವೈವಲ್ ಥ್ರಿಲ್ಲರ್ ವರ್ಗಕ್ಕೆ ಸೇರಿದ ಈ ಚಿತ್ರದ ಲೇಖಕ ಶಾಹಿ ಕಬೀರ್.

                ಗೋಲ್ಡ್ ಕಾಯಿನ್ ಮೋಷನ್ ಪಿಕ್ಚರ್ ಕಂಪನಿ ಮತ್ತು ಮಾರ್ಟಿನ್ ಪ್ರಕತ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ದೇಶಕ ರಂಜಿತ್, ಪಿಎಂ ಶಶಿಧರನ್ ಮತ್ತು ಮಾರ್ಟಿನ್ ಪ್ರಕತ್ ನಿರ್ಮಿಸಿದ್ದಾರೆ. ಶೈಜು ಖಾಲಿದ್ ಛಾಯಾಗ್ರಹಣವಿದೆ. 'ಚಾರ್ಲಿ' ಬಿಡುಗಡೆಯಾದ ಆರು ವರ್ಷಗಳ ನಂತರ ಮಾರ್ಟಿನ್ ಪ್ರಕತ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ.