ತಿರುವನಂತಪುರ; ಕೆ ರೈಲ್ ವಿರುದ್ಧ ರಾಜ್ಯಾದ್ಯಂತ ಪ್ರತಿಭಟನೆ ನಡೆಯುತ್ತಿದ್ದರೂ ಯೋಜನೆ ಮುಂದುವರಿಸಲು ಸರ್ಕಾರ ಸಿದ್ಧತೆ ನಡೆಸಿದೆ. ಯೋಜನೆಯ ಭೂಮಿ ಸಂಬಂಧಿತ ವೆಚ್ಚಕ್ಕೆ `20.50 ಕೋಟಿ ಮಂಜೂರಾಗಿದೆ. ಆದಷ್ಟು ಬೇಗ ಭೂಸ್ವಾಧೀನ ಪ್ರಕ್ರಿಯೆ ಪೂರ್ಣಗೊಳಿಸಬೇಕು ಎಂಬ ಕಾರಣಕ್ಕೆ ಕೆ.ರೈಲು ಅಭಿವೃದ್ಧಿ ನಿಗಮದ ಎಂಡಿ ಮನವಿ ಮೇರೆಗೆ ಹಣ ಬಿಡುಗಡೆ ಮಾಡಲಾಗಿದೆ. ಈ ಬಗ್ಗೆ ಸಾರಿಗೆ ಇಲಾಖೆ ಮಾಹಿತಿ ನೀಡಿದೆ.
63,941 ಕೋಟಿ ರೂ.ಗಳ ಯೋಜನೆಗೆ ಪುನರ್ವಸತಿ ಸೇರಿದಂತೆ 1,383 ಹೆಕ್ಟೇರ್ ಭೂಮಿ ಬೇಕಾಗುತ್ತದೆ. ಇದರಲ್ಲಿ 1,198 ಹೆಕ್ಟೇರ್ ಖಾಸಗಿ ಜಮೀನು. ಭೂಸ್ವಾಧೀನಕ್ಕೆ ಬರೋಬ್ಬರಿ 13,362.32 ಕೋಟಿ ರೂ. ಸರ್ಕಾರ ನೀಡಬೇಕಾಗಿದೆ.
ಆದರೆ ರಾಜ್ಯದಲ್ಲಿ ಕೆ ರೈಲ್ ವಿರುದ್ಧ ಪ್ರತಿಭಟನೆ ತೀವ್ರವಾಗಿದೆ. ಉಪಯೋಗವಿಲ್ಲದ ಯೋಜನೆಗೆ ಭೂಮಿ ಬಿಟ್ಟುಕೊಡುವುದಿಲ್ಲ ಎಂಬುದು ಜನರ ಅಭಿಪ್ರಾಯ. ಏತನ್ಮಧ್ಯೆ, ಕೆ ರೈಲ್‍ನಿಂದ ಸಾಮಾಜಿಕ ಪರಿಣಾಮಗಳ ಕುರಿತು ಅಧ್ಯಯನ ನಡೆಸಲು ರಾಜ್ಯ ಸರ್ಕಾರ ಯೋಜಿಸುತ್ತಿದೆ.
DOCTYPE html>
.jpg)
