ಕಾಸರಗೋಡು: ಜನಜೀವನ, ಆಚರಣೆಗಳು ಏನೇ ಇರಲಿ. ಯಾವುದೇ ಹಬ್ಬಗಳಿಗೂ ರಂಗು ತುಂಬಲು ನೀಲೇಶ್ವರ ಕೋಟೆಗೆ ಇನ್ನು ಭೇಟಿ ನೀಡಬಹುದು. ಕಾರಣ, ಜಿಲ್ಲಾ ಪ್ರವಾಸೋದ್ಯಮ ಉತ್ತೇಜನಾ ಮಂಡಳಿಯ ಆಶ್ರಯದಲ್ಲಿ, ಕೋಟೆಯಲ್ಲಿ ಮೊದಲ ಬಯಲು ಬಹುಪಯೋಗಿ ಆಚರಣೆ ವೇದಿಕೆ (ಓಪನ್ ಯುಟಿಲಿಟಿ ಸೆಲೆಬ್ರೇಷನ್ ಪ್ಲಾಟ್‍ಫಾರ್ಮ್) ಸ್ಥಾಪಿಸಲಾಗಿದೆ.
ಕೊಟ್ಟಪುರಂನಲ್ಲಿರುವ 500 ಚದರ ಅಡಿ ಫೆÇ್ಲೀಟಿಂಗ್ ಬೋಟ್ ಜೆಟ್ಟಿಯನ್ನು ಜಿಲ್ಲಾ ಪ್ರವಾಸೋದ್ಯಮ ಉತ್ತೇಜನಾ ಮಂಡಳಿಯು ಮರುವಿನ್ಯಾಸಗೊಳಿಸಿದೆ. ಅಂತರರಾಷ್ಟ್ರೀಯ ಗುಣಮಟ್ಟದ ತೇಲುವ ವೇದಿಕೆಯಾಗಿ ಪರಿವರ್ತಿಸಲಾಗಿದ್ದು, ಸುಮಾರು ಮೂವತ್ತು ದೋಣಿಮನೆಗಳನ್ನು ಹೊಂದಿರುವ ಕೋಟೆಯಲ್ಲಿ ಇದು ಮೊದಲನೆಯದು.
ರಾಜ್ಯ ಪ್ರವಾಸೋದ್ಯಮ ಇಲಾಖೆಯು ಕೊತ್ತಾಪುರದಲ್ಲಿ 8 ಕೋಟಿ ರೂ.ವೆಚ್ಚದಲ್ಲಿ ನಿರ್ಮಿಸುತ್ತಿರುವ ಹೌಸ್‍ಬೋಟ್ ಟರ್ಮಿನಲ್ ಏಪ್ರಿಲ್‍ನಲ್ಲಿ ಕಾರ್ಯಾರಂಭ ಮಾಡುವುದರಿಂದ ಹೌಸ್‍ಬೋಟ್‍ಗಳ ಸಂಖ್ಯೆ ಮತ್ತು ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಹೆಚ್ಚಲಿದೆ ಎಂದು ಪ್ರವಾಸೋದ್ಯಮ ಇಲಾಖೆ ಅಂದಾಜಿಸಿದೆ.
ಹೌಸ್‍ಬೋಟ್ ಪ್ರಯಾಣದಿಂದ ವಿಭಿನ್ನ ಅನುಭವವನ್ನು ನೀಡುವ ಸ್ಥಳದ ನಿರ್ವಹಣೆಯನ್ನು ಹೊರಗುತ್ತಿಗೆ ನೀಡಲು ಉದ್ದೇಶಿಸಿದೆ. ಅತಿ ಹೆಚ್ಚು ಮಾಸಿಕ ಬಾಡಿಗೆಯನ್ನು ನೀಡುವವರಿಗೆ ಮೂರು ವರ್ಷಗಳ ಕಾಲ ಗುತ್ತಿಗೆ ಆಧಾರದ ಮೇಲೆ ಸ್ಥಳವನ್ನು ನಡೆಸಲು ಅವಕಾಶ ನೀಡಲಾಗುತ್ತದೆ. ಮೊದಲ ಹಂತವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ನಂತರ, ಗುತ್ತಿಗೆಯನ್ನು ಮತ್ತಷ್ಟು ವಿಸ್ತರಿಸಲಾಗುವುದು.
ವಿವಾಹ ಸಂಬಂಧಿ ಹೊರಾಂಗಣ ಫೆÇೀಟೋ ಶೂಟ್, ಹುಟ್ಟುಹಬ್ಬದ ಪಾರ್ಟಿ, ಡಿನ್ನರ್ ಪಾರ್ಟಿ, ಕುಟುಂಬ ಪುನರ್ಮಿಲನ, ಪ್ರೇಮಿಗಳ ದಿನಾಚರಣೆ ಮತ್ತು ಕ್ಯಾಂಡಲ್ ಲೈಟ್ ಡಿನ್ನರ್‍ಗೆ ಇದನ್ನು ಆಕರ್ಷಕ ಸ್ಥಳವಾಗಿ ಪರಿವರ್ತಿಸಬಹುದು ಎಂದು ಡಿಟಿಪಿಸಿ ಕಾರ್ಯದರ್ಶಿ ಲಿಜೋ ಜೋಸೆಫ್ ಹೇಳಿರುವರು.
ಗುತ್ತಿಗೆ ಕಾರ್ಯಾಚರಣೆಗೆ ಸ್ಥಳದ ಅಗತ್ಯವಿರುವವರು ಅರ್ಜಿ ನಮೂನೆಯನ್ನು ವಿದ್ಯಾನಗರದಲ್ಲಿರುವ ಡಿಟಿಪಿಸಿ ಕಚೇರಿಯಿಂದ ಪಡೆಯಬಹುದು. ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಫೆಬ್ರವರಿ 5. ದೂರವಾಣಿ 9746462679, +91 4994 256450 ಸಂಪರ್ಕಿಸಬಹುದು.
DOCTYPE html>
