ಕಾಸರಗೋಡಿನಲ್ಲಿ ಹೊಸ ವರ್ಷಾಚರಣೆ

 

    

                 ಕಾಸರಗೋಡು: ಕಾಸರಗೋಡು ಥಿಯೇಟ್ರಿಕಲ್ ಸೊಸೈಟಿಯು ಹೊಸ ವರ್ಷವನ್ನು ರೋಮಾಂಚನಕಾರಿಯಾಗಿ ಆಚರಿಸಿತು. ಜಿಲ್ಲಾಡಳಿತ, ಕಾಸರಗೋಡು ಪುರಸಭೆ ಮತ್ತು ಬೇಕಲ್ ರೆಸಾರ್ಟ್‍ಗಳ ಅಭಿವೃದ್ಧಿ ನಿಗಮದ (ಬಿಆರ್‍ಡಿಸಿ) ಸಹಯೋಗದಲ್ಲಿ ಪಿಲಿಕುಂಜೆ ಸಂಧ್ಯಾರಾಗಂ ಸಭಾಂಗಣದಲ್ಲಿ ಡಿ.31 ರಂದು ಸಂಜೆ 7 ರಿಂದ 10 ರವರೆಗೆ ಸಂಭ್ರಮಾಚರಣೆ ಆಯೋಜಿಸಲಾಗಿತ್ತು. ಕೋಝಿಕ್ಕೋಡ್ ಶಾನ್-ಶಬಾನಾ ತಂಡದ ವಾದ್ಯಮೇಳ ಗಮನ ದೆಳೆಯಿತು. ಸಂಭ್ರಮಾಚರಣೆಗೆ ಬಂದಿದ್ದವರು ದ್ವೇಷದ ಸಂಕೇತವಾದ ಮಿಸ್ಟರ್ ಹೀಥ್ರೂ ಪ್ರತಿಮೆಗೆ ಬೆಂಕಿ-ಪಟಾಕಿಗಳನ್ನು ಹಚ್ಚಿ  ಹೊಸ ವರ್ಷವನ್ನು ಸ್ವಾಗತಿಸಿದರು.

              ಶಾಸಕ ಎನ್.ಎ.ನೆಲ್ಲಿಕುನ್ನು ಮಾತನಾಡಿ ಹೊಸ ವರ್ಷವು ಭರವಸೆ ಮತ್ತು ಆಶಾವಾದದಿಂದ ಕೂಡಿದೆ ಎಂದರು. ಶಾಸಕ ಚಂದ್ರಶೇಖರನ್, ಅಡ್ವ. ಸಿ.ಎಚ್.ಕುಂಞಂಬು,  ಜಿಲ್ಲಾ ಪಂಚಾಯಿತಿ ಅಧ್ಯಕ್ಷೆ ಬೇಬಿ ಬಾಲಕೃಷ್ಣನ್, ನಗರಸಭೆ ಅಧ್ಯಕ್ಷೆ ಅಡ್ವ. ವಿ.ಎಂ.ಮುನೀರ್ ವಂದಿಸಿದರು. 

             ಕಾಸರಗೋಡು ಥಿಯೇಟ್ರಿಕ್ಸ್ ಸೊಸೈಟಿ ಕಾರ್ಯದರ್ಶಿ ಟಿ.ಎ.ಶಾಫಿ ಸ್ವಾಗತಿಸಿ, ಚಲನಚಿತ್ರ ತಾರೆಯರಾದ ಅನಘಾ ನಾರಾಯಣನ್ ಮತ್ತು ಶಾಸಕ ಇ. ಚಂದ್ರಶೇಖರನ್,   ಅಡ್ವ.ಸಾಯಿಕೃಷ್ಣ, ಶಾಸಕÀ ಸಿ.ಎಚ್.ಕುಂಞಂಬು ಅವರನ್ನು ಸನ್ಮಾನಿಸಲಾಯಿತು. ಅಡ್ವ. ವಿ.ಎಂ.ಮುನೀರ್ ದ್ವೇಷದ ಸಂಕೇತಕ್ಕೆ ಬೆಂಕಿ ಹಚ್ಚಿದರು. ನಗರಸಭೆ ಉಪಾಧ್ಯಕ್ಷೆ ಶಂಸೀದಾ ಫಿರೋಜ್, ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಅಬ್ಬಾಸ್ ಬೇಗಂ, ಖಾಲಿದ್ ಪಚ್ಚಕ್ಕಾಡ್, ಸಿಯಾನಾ ಹನೀಫಾ, ನಗರಸಭೆ ಕಾರ್ಯದರ್ಶಿ ಬಿಜು, ಕುಂಬಳೆ ಪಂಚಾಯತ್ ಉಪಾಧ್ಯಕ್ಷ ನಾಸರ್ ಮೊಗ್ರಾಲ್, ಪ್ರವಾಸೋದ್ಯಮ ಉಪನಿರ್ದೇಶಕ ಥಾಮಸ್ ಆಂಟನಿ, ಪ್ರವಾಸೋದ್ಯಮ ಮಾಹಿತಿ ಅಧಿಕಾರಿ ಬಾಬು ಮಹೀಂದ್ರನ್, ಬಿಆರ್‍ಡಿಸಿ ಆಡಳಿತಾಧಿಕಾರಿ, ಕಲೆಕ್ಟರೇಟ್ ಮುಖ್ಯಸ್ಥ ನಾರಾಯಣನ್, ಪ್ರಭಾಕರನ್, ಥಿಯೇಟ್ರಿಕ್ಸ್ ಸೊಸೈಟಿ ಖಜಾಂಚಿ ಅಡ್ವ. ಟಿ.ವಿ.ಗಂಗಾಧರನ್, ಸುಬಿನ್ ಜೋಸ್, ಉಮೇಶ್ ಎಂ.ಸಾಲಿಯಾನ್, ಕೆ.ಎಸ್.ಗೋಪಾಲಕೃಷ್ಣನ್ ಉಪಸ್ಥಿತರಿದ್ದರು. ಕಾಸರಗೋಡು ಥಿಯೇಟ್ರಿಕಲ್ ಸೊಸೈಟಿಯು ಹೊಸ ವರ್ಷವನ್ನು ಅದ್ಧೂರಿಯಾಗಿ ಆಚರಿಸುತ್ತಿರುವುದು ಇದು ನಾಲ್ಕನೇ ವರ್ಷ.