ನೇತಾಜಿ ಕಣ್ಮರೆ ಕುರಿತ ಗೌಪ್ಯ ದಾಖಲೆ ಬಹಿರಂಗಕ್ಕೆ ಆಗ್ರಹ: ಸ್ಥಬ್ದಚಿತ್ರ ವಿವಾದದ ನಡುವೆ ಟಿಎಂಸಿ ಹೊಸ ಬೇಡಿಕೆ

     ಕೋಲ್ಕತಾ: ಪಶ್ಚಿಮ ಬಂಗಾಳದ ಟಿಎಂಸಿ ಪಕ್ಷ ಹೊಸ ಬೇಡಿಕೆಯನ್ನು ಕೇಂದ್ರ ಸರ್ಕಾರದ ಮುಂದೆ ಇರಿಸಿದೆ. ನೇತಾಜಿ ಸುಭಾಷ್ ಚಂದ್ರ ಬೋಸ್ ಕಣ್ಮರೆ ಕುರಿತಾದ ಗೌಪ್ಯ ದಾಖಲೆಯನ್ನು ಬಹಿರಂಗಪಡಿಸುವಂತೆ ಆಗ್ರಹಿಸಿದೆ. 

         ಗಣರಾಜ್ಯದಿನದಂದು ನೇತಾಜಿ ಸ್ಥಬ್ದಚಿತ್ರ ಪ್ರದರ್ಶನಕ್ಕೆ ಟಿಎಂಸಿ ಸಲ್ಲಿಸಿದ್ದ ಮನವಿಗೆ ಕೇಂದ್ರ ಸರ್ಕಾರ ಅನುಮತಿ ನಿರಾಕರಿಸಿತ್ತು.

          ನೇತಾಜಿ ಕಣ್ಮರೆ ಕುರಿತು ತಿಳಿದುಕೊಳ್ಳಲು ದೇಶದ ಜನರು ಕಾತರರಾಗಿದ್ದಾರೆ. ಆದರೆ ಕೇಂದ್ರ ಯಾಕೆ ಗೌಪ್ಯ ದಾಖಲೆಗಳನ್ನು ಬಹಿರಂಗಪಡಿಸುತ್ತಿಲ್ಲ ಎಂದು ಅರ್ಥವಾಗುತ್ತಿಲ್ಲ ಎಂದು ಟಿಎಂಸಿ ವಕ್ತಾರ ಕುನಾಲ್ ಘೋಷ್ ಹೇಳಿದ್ದಾರೆ.