ತ್ರಿಶೂರ್: ಮುಖ್ಯಮಂತ್ರಿಗಳ ವಿಪತ್ತು ಪರಿಹಾರ ನಿಧಿಗೆ ಗುರುವಾಯೂರು ದೇವಸ್ವಂ ದೇಣಿಗೆ ನೀಡಿದ ವಿಚಾರವಾಗಿ ಬಿಜೆಪಿ ಪ್ರತಿಭಟನೆ ನಡೆಸಲು ಸಜ್ಜಾಗಿದೆ. ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ನೀಡಿರುವ ದೇಣಿಗೆ ಅಕ್ರಮ ಎಂಬ ಹೈಕೋರ್ಟ್ ತೀರ್ಪಿನ ವಿರುದ್ಧ ದೇವಸ್ವಂ ಮಂಡಳಿ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿತ್ತು. ಇದೇ ಪ್ರತಿಭಟನೆಗೆ ಕಾರಣವಾಗಿದೆ.
ದೇವಸ್ವಂ ಮಂಡಳಿಯು ಸಿಎಂ ಪರಿಹಾರ ನಿಧಿಗೆ ೧೦ ಕೋಟಿ ರೂ. ನೀಡಿತ್ತು. ಪ್ರವಾಹ ಮತ್ತು ಕೊರೋನಾ ಪರಿಹಾರ ಕಾರ್ಯಾಚರಣೆಗಳಿಗೆ ಹಣವನ್ನು ಒದಗಿಸಲಾಗಿದೆ. ಆದರೆ, ವಿಪತ್ತು ಪರಿಹಾರ ನಿಧಿಗೆ ದೇಣಿಗೆ ನೀಡುವುದು ದೇವಸ್ವಂ ಮಂಡಳಿಯ ವ್ಯಾಪ್ತಿಯಲ್ಲಿಲ್ಲ ಎಂದು ಹೈಕೋರ್ಟ್ ಅಭಿಪ್ರಾಯಪಟ್ಟಿತ್ತು. ಇದರ ವಿರುದ್ಧ ದೇವಸ್ವಂ ಮಂಡಳಿ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿತ್ತು.
ಡಿಸೆಂಬರ್ ೨೦೨೦ ರಲ್ಲಿ, ಪರಿಹಾರ ನಿಧಿಗೆ ಮಂಡಳಿಯ ಪಾವತಿ ಕಾನೂನುಬಾಹಿರ ಎಂದು ಹೈಕೋರ್ಟ್ ತೀರ್ಪು ನೀಡಿತು. ಆದರೆ, ದೇವಸ್ವಂ ಕಾಯ್ದೆಯಡಿ ದೇಣಿಗೆಯನ್ನು ವರ್ಗಾಯಿಸುವ ಹಕ್ಕು ತನಗಿದೆ ಎಂದು ದೇವಸ್ವಂ ಮಂಡಳಿ ಸುಪ್ರೀಂ ಕೋರ್ಟ್ಗೆ ಸಲ್ಲಿಸಿರುವ ಅರ್ಜಿಯಲ್ಲಿ ತಿಳಿಸಿದೆ.
ವಿಪತ್ತು ಪರಿಹಾರ ನಿಧಿಗೆ ದೇಣಿಗೆ ನೀಡುವುದು ಕಾನೂನುಬದ್ಧವಾಗಿದೆ ಎಂದು ದೇವಸ್ವಂ ಮಂಡಳಿ ಅಭಿಪ್ರಾಯಪಟ್ಟಿದೆ. ಭಕ್ತರ ಹಿತದೃಷ್ಟಿಯಿಂದ ಈ ಹಣವನ್ನು ಪರಿಹಾರ ನಿಧಿಗೆ ನೀಡಿರುವುದಾಗಿ ದೇವಸ್ವಂ ಮಂಡಳಿ ಹೇಳಿಕೊಂಡಿದೆ.
ದೇವಸ್ಥಾನದ ಉದ್ದೇಶಕ್ಕೆ ಹೊರತು ಪಡಿಸಿ ಬೇರೆಡೆಗೆ ಹಣವನ್ನು ನೀಡುವುದರಲ್ಲಿ ತಪ್ಪೇನಿಲ್ಲ ಎಂದು ಮಂಡಳಿ ಸುಪ್ರೀಂ ಕೋರ್ಟ್ಗೆ ಸಲ್ಲಿಸಿರುವ ಅರ್ಜಿಯಲ್ಲಿ ಪ್ರತಿಪಾದಿಸಿದೆ. ಗುರುವಾಯೂರು ದೇವಸ್ಥಾನದ ಆಸ್ತಿಗೆ ಗುರುವಾಯೂರಪ್ಪನ್ ವಾರಸುದಾರರು. ಟ್ರಸ್ಟಿಯಾಗಿ, ಆಸ್ತಿ ನಿರ್ವಹಣೆಯ ಸಂಪೂರ್ಣ ಹೊಣೆಯನ್ನು ದೇವಸ್ವಂ ಮಂಡಳಿ ಹೊಂದಿದೆ ಎಂದು ಪೀಠ ಹೇಳಿದೆ
ಆದರೆ, ಗುರುವಾಯೂರ್ ದೇವಸ್ವಂ ಆಕ್ಟ್ ನಲ್ಲಿ ಪ್ರದಿವಾದಿಯಾಗಿ ತಾವು ಮುಂದುವರಿದಿರುವುದರಲ್ಲಿ ತಮಗೆ ಯಾವುದೇ ತಪ್ಪು ಭಾವನೆಗಳಿಲ್ಲವೆಎಂದೂ ದೇವಸ್ವಂ ಬೋರ್ಡ್ ಅಧ್ಯಕ್ಷರ ಕ್ರಮವನ್ನು ಖಂಡಿಸುವುದಾಗಿ ರಾಜ್ಯ ಬಿಜೆಪಿ ನಿರ್ದೇಶಕ, ನ್ಯಾಯವಾದಿ ಅಡ್ವ. ಬಿ ಗೋಪಾಲಕೃಷ್ಣನ್ ಹೇಳಿರುವರು. ಹೈಕೋರ್ಟ್ ತೀರ್ಪಿನ ವಿರುದ್ಧ ಸುಪ್ರೀಂ ಕೋರ್ಟ್ನ ವಿಧಾನವು ಖಂಡನಾರ್ಹವಾಗಿದೆ. ಮಂಡಳಿಯು ದೇವಸ್ವಂನ ಹಣದಲ್ಲಿ ಪ್ರಕರಣವನ್ನು ನಡೆಸುತ್ತಿದೆ. ಭಗವಂತನ ಹಣವನ್ನು ತೆಗೆದುಕೊಂಡು ಭಗವಂತನ ವಿರುದ್ಧ ಸುಪ್ರೀಂ ಕೋರ್ಟ್ ಮೆಟ್ಟಿಲೇರುವ ಮಂಡಳಿಯ ಅಧ್ಯಕ್ಷರು ಮೊದಲನೆಯವರಾಗಿದ್ದಾರೆ ಎಂದು ಅವರು ಹೇಳಿದರು.
DOCTYPE html>
.jpg)
