ತಿರುವನಂತಪುರ: ಚಿಕಿತ್ಸೆಗಾಗಿ ಅಮೇರಿಕಾ ತೆರಳಿರುವ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಇಂದು ಕೇರಳಕ್ಕೆ ಹಿಂತಿರುಗುವುದಿಲ್ಲ ಎಂದು ತಿಳಿದುಬಂದಿದೆ. ಅಮೆರಿಕದಿಂದ ದುಬೈಗೆ ಮರಳಲಿದ್ದಾರೆ ಎಂದು ವರದಿಯಾಗಿದೆ.
ನಂತರ ಒಂದು ವಾರದ ಕಾಲ ಯುಎಇಯ ವಿವಿಧ ಎಮಿರೇಟ್ಗಳಿಗೆ ಭೇಟಿ ನೀಡಲಿದ್ದಾರೆ.ದುಬೈ ಎಕ್ಸ್ಪೆÇೀದಲ್ಲಿ ಕೇರಳ ಪೆವಿಲಿಯನ್ನ ಉದ್ಘಾಟನೆಯನ್ನೂ ಮಾಡಲಿದ್ದಾರೆ. ಆದರೆ, ಈ ಸುದ್ದಿಯನ್ನು ಸಿಎಂ ಕಚೇರಿ ಖಚಿತಪಡಿಸಿಲ್ಲ. ಇದರ ಬೆನ್ನಲ್ಲೇ ಅವರ ವಾಪಸಾಗುವುದು ತಡವಾಗಲಿದೆ ಎಂಬ ಸುದ್ದಿ ಹಬ್ಬಿದೆ.
ಇದೇ ತಿಂಗಳ ಜನವರಿ 15ರಂದು ಕೊಚ್ಚಿಯಿಂದ ಅಮೆರಿಕಕ್ಕೆ ಚಿಕಿತ್ಸೆಗಾಗಿ ಪಿಣರಾಯಿ ವಿಜಯನ್ ಅವರು ಪತ್ನಿ ಕಮಲಾ ಹಾಗೂ ಸಹಾಯಕ ಸುನೀಶ್ ರೊಂದಿಗೆ ತೆರಳಿದ್ದರು. ಮುಖ್ಯಮಂತ್ರಿಗಳು ಅಮೆರಿಕದ ಮೇಯೊ ಕ್ಲಿನಿಕ್ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.
ಈ ಹಿಂದೆ 2018ರ ಸೆಪ್ಟೆಂಬರ್ನಲ್ಲಿ ಮುಖ್ಯಮಂತ್ರಿಗಳು ಅಮೆರಿಕದಲ್ಲಿ ಚಿಕಿತ್ಸೆ ಪಡೆದಿದ್ದರು. ಆಗಲೂ ಸಚಿವ ಸಂಪುಟದ ಜವಾಬ್ದಾರಿಯನ್ನು ಬೇರೆಯವರಿಗೆ ಹಸ್ತಾಂತರಿಸದೆ ಇ-ಫೈಲಿಂಗ್ ಮೂಲಕ ಆಡಳಿತ ನಿರ್ವಹಿಸಿದ್ದರು. ಮೂರು ವರ್ಷಗಳ ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಮತ್ತೆ ವಿದೇಶಕ್ಕೆ ತೆರಳಿದ್ದರು.