ತಿರುವನಂತಪುರ: ಎಸ್‍ಎಸ್‍ಎಲ್‍ಸಿ, ಹೈಯರ್ ಸೆಕೆಂಡರಿ ಮತ್ತು ಪೊಕೇಶನಲ್ ಹೈಯರ್ ಸೆಕೆಂಡರಿ ಲಿಖಿತ ಪರೀಕ್ಷೆಗಳನ್ನು ಮೊದಲು ನಡೆಸಲಾಗುವುದು ಎಂದು ಶಿಕ್ಷಣ ಸಚಿವ ವಿ ಶಿವಂಕುಟ್ಟಿ ಹೇಳಿದ್ದಾರೆ.
ಲಿಖಿತ ಪರೀಕ್ಷೆಯ ನಂತರ ಪ್ರಾಯೋಗಿಕ ಪರೀಕ್ಷೆಗಳನ್ನು ನಡೆಸಲಾಗುವುದು. ಪ್ರಾಯೋಗಿಕ ಪರೀಕ್ಷೆಗಳನ್ನು ಮೊದಲು ನಡೆಸಲು ನಿರ್ಧರಿಸಲಾಗಿತ್ತು. ಕೊರೊನಾ ಪಾಸಿಟಿವ್ ಇರುವ ಮಕ್ಕಳಿಗೆ ಪರೀಕ್ಷೆ ಬರೆಯಲು ವಿಶೇಷ ಕೊಠಡಿಯನ್ನು ಸ್ಥಾಪಿಸಲಾಗುವುದು ಎಂದು ಅವರು ತಿಳಿಸಿದರು. ಪರೀಕ್ಷೆಗೂ ಮುನ್ನವೇ ಪಾಠಗಳನ್ನು ಪೂರ್ಣಗೊಳಿಸಲಾಗುವುದು ಎಂದು ತಿಳಿಸಿದರು.
ಪ್ರತಿ ಶಾಲೆಯ ಪರಿಸ್ಥಿತಿಗೆ ಅನುಗುಣವಾಗಿ ಮಾದರಿ ಪರೀಕ್ಷೆ ನಡೆಸಲಾಗುವುದು. 31 ರಂದು ಹೈಯರ್ ಸೆಕೆಂಡರಿ ಸುಧಾರಣೆ ಮತ್ತು ಪೂರಕ ಪರೀಕ್ಷೆಗಳು ಆರಂಭವಾಗಲಿವೆ. ಸಾಮಾನ್ಯ ಪರೀಕ್ಷೆಗೆ ಶೇಕಡಾ 60 ರಷ್ಟು ಪೋಕಸ್ ಏರಿಯಾದಿಂದ ಶೇಕಡಾ 70 ರಷ್ಟು ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. 30 ಶೇ. ಪ್ರಶ್ನೆಗಳಿಗೆ ನಾನ್ ಪೋಕಸ್ ವಿಭಾಗದಿಂದ ಉತ್ತರಿಸಬೇಕು ಎಂದರು.
ವಿದ್ಯಾರ್ಥಿಗಳ ದರ್ಜೆಯನ್ನು ನಿರ್ಧರಿಸಲು ಆಂತರಿಕ ಮತ್ತು ಪ್ರಾಯೋಗಿಕ ಅಂಕಗಳನ್ನು ಸಹ ಪರಿಗಣಿಸಲಾಗುತ್ತದೆ. ಒಂಬತ್ತನೇ ತರಗತಿವರೆಗಿನ ಆನ್‍ಲೈನ್ ತರಗತಿಗಳನ್ನು ಬಲಪಡಿಸಲಾಗುವುದು. ಎಂಟರಿಂದ ಪ್ಲಸ್ ಎರಡು ತರಗತಿಗಳಲ್ಲಿ ಜೆ ಸ್ಯೂಟ್ ಮೂಲಕ ಆನ್‍ಲೈನ್ ತರಗತಿಗಳನ್ನು ನಡೆಸಲಾಗುವುದು. ಆನ್‍ಲೈನ್ ತರಗತಿಗಳಲ್ಲಿ ಹಾಜರಾತಿ ದಾಖಲಿಸಲಾಗುವುದು ಎಂದು ಸಚಿವರು ಹೇಳಿದರು.
DOCTYPE html>
