FOLLOWUP: 21 ರಿಂದ ಆನ್‌ಲೈನ್ ತರಗತಿಗಳು; ಸೋಮವಾರದ ಸಭೆಯ ನಂತರ ಸವಿವರ ಮಾರ್ಗಸೂಚಿ: ಸಚಿವ ವಿ. ಶಿವಂ ಕುಟ್ಟಿ

      ತಿರುವನಂತಪುರ: ರಾಜ್ಯದಲ್ಲಿ ಒಂದರಿಂದ ಒಂಭತ್ತರವರೆಗೆ ತರಗತಿಗಳನ್ನು ಈ ತಿಂಗಳ 21ರಿಂದ ಎರಡು ವಾರಗಳವರೆಗೆ ಆನ್‌ಲೈನ್‌ನಲ್ಲಿ ಮಾಡಲು ನಿರ್ಧರಿಸಲಾಗಿದೆ.  ಸೋಮವಾರ ಶಿಕ್ಷಣ ಇಲಾಖೆಯ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದ ನಂತರ ವಿವರವಾದ ಮಾರ್ಗಸೂಚಿಗಳನ್ನು ನೀಡಲಾಗುವುದು ಎಂದು ಸಚಿವ ವಿ ಶಿವಂ ಕುಟ್ಟಿ ಹೇಳಿದರು.

      ಫೆಬ್ರವರಿ ಎರಡನೇ ವಾರದ ವರೆಗೂ ಆನ್‌ಲೈನ್ ತರಗತಿಗಳು ಮುಂದುವರಿಯುತ್ತದೆಯೇ ಎಂದು ಪರಿಶೀಲಿಸುವುದಾಗಿ ಸಚಿವರು ಹೇಳಿದರು.                       ಇಂದು ಮುಖ್ಯಮಂತ್ರಿ ಅಧ್ಯಕ್ಷತೆಯಲ್ಲಿ ನಡೆದ ಪರಿಶೀಲನಾ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.  ಕೊರೊನಾ ಹೆಚ್ಚಳ ಪರಿಸ್ಥಿತಿಯಲ್ಲಿ ಶಾಲೆ ತೆರೆಯುವ ಬಗ್ಗೆ ಮಕ್ಕಳು, ಪೋಷಕರು ಮತ್ತು ಶಾಲಾ ಅಧಿಕಾರಿಗಳು ಚಿಂತಿತರಾಗಿದ್ದಾರೆ ಎಂದು ಸಾರ್ವಜನಿಕ ಶಿಕ್ಷಣ ಸಚಿವರು ಸಭೆಗೆ ತಿಳಿಸಿದರು.

       ಶಾಲೆಯಲ್ಲಿ 10, 11 ಮತ್ತು 12ನೇ ತರಗತಿಯ ಮಕ್ಕಳಿಗೆ ಲಸಿಕೆ ನೀಡಲು ಆರೋಗ್ಯ ಮತ್ತು ಶಿಕ್ಷಣ ಇಲಾಖೆ ಒಟ್ಟಾಗಿ ಕೆಲಸ ಮಾಡಲಿದೆ.  ಶಿಕ್ಷಣ ಸಂಸ್ಥೆಗಳಲ್ಲಿ ಕ್ಲಸ್ಟರ್‌ಗಳು ರಚನೆಯಾದರೆ ಎರಡು ವಾರಗಳವರೆಗೆ ಮುಚ್ಚಲು ಪ್ರಾಂಶುಪಾಲರು ಮತ್ತು ಮುಖ್ಯೋಪಾಧ್ಯಾಯರಿಗೆ ಅಧಿಕಾರ ನೀಡಲಾಗುವುದು.  ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉನ್ನತ ಅಧಿಕಾರಿಗಳೊಂದಿಗೆ ಚರ್ಚಿಸಿದ ನಂತರ ಶಾಲೆಯನ್ನು ನಡೆಸುವ ಮತ್ತು ಪುನರಾರಂಭದ ವಿವರವಾದ ಮಾರ್ಗಸೂಚಿಗಳನ್ನು ಸೋಮವಾರ ನಿರ್ಧರಿಸಲಾಗುತ್ತದೆ ಎಂದು  ಶಿವನಕುಟ್ಟಿ ಸ್ಪಷ್ಟಪಡಿಸಿದ್ದಾರೆ.