ಕೆ ಪೋನ್, ಲೈಫ್ ಮಿಷನ್ ಹೋಮ್ಸ್; ಎರಡನೇ ಪಿಣರಾಯಿ ಸರ್ಕಾರದ ಮೊದಲ ವರ್ಷಾಚರಣೆ; 100 ದಿನಗಳ ಕಾರ್ಯಕ್ರಮ ಘೋಷಣೆ

                        ತಿರುವನಂತಪುರ: ಎರಡನೇ ಪಿಣರಾಯಿ ಸರ್ಕಾರದ ಮೊದಲ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ 100 ದಿನಗಳ ಕಾರ್ಯಕ್ರಮವನ್ನು ಘೋಷಿಸಿರುವರು. ಸರ್ಕಾರ ಅಧಿಕಾರಕ್ಕೆ ಬಂದು ಮೇ 20ಕ್ಕೆ ಒಂದು ವರ್ಷ. ಈ ಸಮಯದಲ್ಲಿ ಕೋವಿಡ್‍ನ ಎರಡು ಅಥವಾ ಮೂರು ಅಲೆಗಳು ಜನರ ಜೀವನದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರಿತು. ಎಂದಿನಂತೆ ನಡೆಯಬೇಕಿದ್ದ ಹಲವು ಚಟುವಟಿಕೆಗಳಿಗೆ ಅಡ್ಡಿಯಾದವು ಎಂದು ಸಿಎಂ ಹೇಳಿದರು.

                        ಆದರೆ, ಜನಕಲ್ಯಾಣ ಕಾರ್ಯಗಳು, ಜನಜೀವನ ಸುಭದ್ರವಾಗಿಸುವ ನಿಟ್ಟಿನಲ್ಲಿ ಸರಕಾರ ಯಾವುದೇ ಅಡೆತಡೆಯಿಲ್ಲದೆ ಈ ಅವಧಿಯಲ್ಲಿ ಸಾಗುತ್ತಿದೆ ಎಂದು ಸಂತಸ ವ್ಯಕ್ತಪಡಿಸಿದರು. ಅಧಿಕಾರಕ್ಕೆ ಬಂದ 100 ದಿನಗಳಲ್ಲಿ ಪೂರ್ಣಗೊಳ್ಳುವ ವಿಶೇಷ ಕಾರ್ಯಕ್ರಮವನ್ನು ಸರ್ಕಾರ ಘೋಷಿಸಿತ್ತು. ನಿಗದಿತ ಅವಧಿಯೊಳಗೆ ಪೂರ್ಣಗೊಳಿಸುವ ವರದಿಯನ್ನೂ ಜನರ ಮುಂದಿಡಲಾಗಿದೆ. ಇದೀಗ ಮೊದಲ ವರ್ಷಾಚರಣೆಗೂ ಮುನ್ನ 100 ದಿನಗಳ ಮತ್ತೊಂದು ಕಾರ್ಯಕ್ರಮ ಘೋಷಣೆ ಮಾಡಲಾಗುತ್ತಿದೆ ಎಂದು ಸಿಎಂ ಹೇಳಿದರು.

              ಫೆಬ್ರವರಿ 10 ರಂದು ಪ್ರಾರಂಭವಾಗಿ ಮೇ 20 ರಂದು  ಮೊದಲ ವಾರ್ಷಿಕೋತ್ಸವದಂದು ಕೊನೆಗೊಳ್ಳುತ್ತದೆ. ಮೊದಲ 100 ದಿನಗಳ ಕಾರ್ಯಕ್ರಮವನ್ನು ಜೂನ್ 11 ರಿಂದ ಸೆಪ್ಟೆಂಬರ್ 19, 2021 ರವರೆಗೆ ನಡೆಸಲಾಯಿತು. ಹಿಂದಿನ ಸರಕಾರ ಎರಡು ಬಾರಿ 100 ದಿನದ ಕಾರ್ಯಕ್ರಮಗಳನ್ನು ಘೋಷಿಸಿ ಸಮಯಕ್ಕೆ ಸರಿಯಾಗಿ ಅನುಷ್ಠಾನಗೊಳಿಸಿತ್ತು. ಹಿಂದಿನ ಮುನ್ನೂರು ದಿನಗಳ ಕಾರ್ಯಕ್ರಮಗಳು ಸಾಮಾಜಿಕ, ಮೂಲಸೌಕರ್ಯ ಮತ್ತು ಉದ್ಯೋಗ ಕ್ಷೇತ್ರಗಳಲ್ಲಿ ಗಮನಾರ್ಹ ಪ್ರಗತಿಯನ್ನು ಸಾಧಿಸಿವೆ.

              ಫೆಬ್ರವರಿ 10 ರಿಂದ ಮೇ 2022 ರವರೆಗೆ 100 ದಿನಗಳ ಕಾರ್ಯಕ್ರಮವು ಒಟ್ಟು 1,557 ಯೋಜನೆಗಳು ಮತ್ತು `17,183.89 ಕೋಟಿ ಹಂಚಿಕೆಯನ್ನು ಒಳಗೊಂಡಿದೆ. ಕಾರ್ಯಕ್ರಮದ ಅಂಗವಾಗಿ, ವಿದ್ಯುತ್ ಇಲಾಖೆಯು 5,87,000 ಕೆಲಸದ ದಿನಗಳನ್ನು ಸೃಷ್ಟಿಸುವ ನಿರೀಕ್ಷೆಯಿದೆ, ಜಲಸಂಪನ್ಮೂಲ ಇಲಾಖೆ 3,91,282 ಮತ್ತು ಸ್ಥಳೀಯಾಡಳಿತ ಇಲಾಖೆ 7,73,669 ರೂ ಮೀಸಲಿರಿಸಲಾಗಿದೆ. ನಿರ್ಮಾಣ ಕಾರ್ಯದ ಮೂಲಕ ಕೆಲಸದ ದಿನವಾಗಿರುವುದರಿಂದ ಸಹಜವಾಗಿಯೇ ಅದರ ಒಂದು ಭಾಗ ಅತಿಥಿ ಕಾರ್ಮಿಕರಿಗೂ ಲಭ್ಯವಾಗುತ್ತದೆ.

                   ನಿರ್ಮಾಣ ಕಾರ್ಯಕ್ಕೆ ಸಂಬಂಧಿಸಿದ ಕೆಲಸದ ದಿನಗಳನ್ನು ಹೊರತುಪಡಿಸಿ, ನೇರವಾಗಿ ಮತ್ತು ಪರೋಕ್ಷವಾಗಿ 4,64,714 ಉದ್ಯೋಗಗಳನ್ನು ಸೃಷ್ಟಿಸಲಾಗಿದೆ. ಇದರಲ್ಲಿ ಕೃಷಿ ಇಲಾಖೆಯು 1,12,000 ನೇರ ಉದ್ಯೋಗಗಳು, 56,500 ಪರೋಕ್ಷ ಉದ್ಯೋಗಗಳನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ ಮತ್ತು ಅರಣ್ಯ ಇಲಾಖೆಯು ಸಮುದಾಯ ಅರಣ್ಯೀಕರಣ ಕಾರ್ಯಕ್ರಮದ (ಒಉಓಖಇಉS) ಮೂಲಕ 93,750 ಉದ್ಯೋಗಗಳನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ.

                      ಕೆಲವು ಪ್ರಮುಖ ಯೋಜನೆಗಳು

             ಸರ್ಕಾರದ ಎರಡನೇ 100 ದಿನಗಳು 53 ಉತ್ತಮ ಗುಣಮಟ್ಟದ ಶಾಲೆಗಳ ಸಮರ್ಪಣೆಯೊಂದಿಗೆ ಪ್ರಾರಂಭವಾಯಿತು. ಕಳೆದ ಸರ್ಕಾರದ ಅವಧಿಯಲ್ಲಿ ಸಾರ್ವಜನಿಕ ಶಿಕ್ಷಣ ಸಂರಕ್ಷಣಾ ಕಾಯ್ದೆಯ ಮೂಲಕ ಹಲವು ಶಾಲೆಗಳನ್ನು ಅಂತಾರಾಷ್ಟ್ರೀಯ ಗುಣಮಟ್ಟಕ್ಕೆ ಮೇಲ್ದರ್ಜೆಗೇರಿಸಲಾಗಿತ್ತು. ರಾಜ್ಯದ ಎಲ್ಲಾ ಸರ್ಕಾರಿ ಶಾಲೆಗಳನ್ನು ಶ್ರೇಷ್ಠತೆಯ ಕೇಂದ್ರಗಳನ್ನಾಗಿ ಪರಿವರ್ತಿಸುವ ಕೆಲಸ ಮುಂದುವರಿಯುತ್ತದೆ.

ಈ 100 ದಿನಗಳಲ್ಲಿ 140 ವಿಧಾನಸಭಾ ಕ್ಷೇತ್ರಗಳ 100 ಕುಟುಂಬಗಳಿಗೆ ಹಾಗೂ 30,000 ಸರ್ಕಾರಿ ಕಚೇರಿಗಳಿಗೆ ಕೆ ಫೆÇೀನ್ ಸಂಪರ್ಕ ನೀಡಲಾಗುವುದು. ಕೇರಳದಾದ್ಯಂತ ಮತ್ತು ಗ್ರಾಮೀಣ ಮತ್ತು ನಗರ ಪ್ರದೇಶಗಳಲ್ಲಿ ಉತ್ತಮ ಇಂಟರ್ನೆಟ್ ಬ್ರಾಡ್‍ಬ್ಯಾಂಡ್ ಸಂಪರ್ಕವನ್ನು ಒದಗಿಸುವ ಮತ್ತು ಲಕ್ಷಾಂತರ ಕುಟುಂಬಗಳಿಗೆ ಉಚಿತ ಇಂಟರ್ನೆಟ್ ಒದಗಿಸುವ ಗುರಿಯನ್ನು ಹೊಂದಿರುವ ಕೆಫೆÇೀನ್ ಯೋಜನೆಯು ವೇಗವಾಗಿ ಪ್ರಗತಿಯಲ್ಲಿದೆ. 2019 ರಲ್ಲಿ ಸಹಿ ಹಾಕಲಾದ ಬೃಹತ್ ಯೋಜನೆಯು ಪ್ರವಾಹ ಮತ್ತು ಮಣ್ಣು ಕುಸಿತ ಸೇರಿದಂತೆ ಪ್ರತಿಕೂಲ ಪರಿಸ್ಥಿತಿಗಳನ್ನು ನಿವಾರಿಸುವ ಗುರಿಯತ್ತ ಸಾಗುತ್ತಿದೆ.

ಲೈಫ್ ಮಿಷನ್ ಈ ಹಂತದಲ್ಲಿ 20,000 ವೈಯಕ್ತಿಕ ಮನೆಗಳು ಮತ್ತು ಮೂರು ವಸತಿ ಎಸ್ಟೇಟ್‍ಗಳನ್ನು ಉದ್ಘಾಟಿಸಲಿದೆ. ರಾಜ್ಯಾದ್ಯಂತ ಮನೆ-ಮನೆ ಸೇವೆ ಆರಂಭಿಸಲಾಗುವುದು.

ಮೀನುಗಾರರಿಗೆ ನಿರ್ಮಿಸಿರುವ ಮನೆಗಳ ಕೀ ಹಸ್ತಾಂತರಿಸಲಿದ್ದು, ಪುನರ್ಗೋಹಂ ಯೋಜನೆ ಮೂಲಕ ನಿರ್ಮಿಸಿರುವ 532 ಮನೆಗಳ ಉದ್ಘಾಟನೆ ನಡೆಯಲಿದೆ.

 ಬಡತನ ಸಮೀಕ್ಷೆ ಮೈಕ್ರೋಪ್ಲಾನ್ ಪ್ರಕಟಿಸಲಾಗುವುದು.

ಎಲ್ಲ ಜಿಲ್ಲೆಗಳಲ್ಲಿ ಸುಭಿಕ್ಷಾ ಹೋಟೆಲ್‍ಗಳನ್ನು ತೆರೆಯಲಾಗುವುದು.

ಪ್ರತಿಯೊಬ್ಬರ ಪಡಿತರ ಚೀಟಿಯನ್ನು ಸ್ಮಾರ್ಟ್ ಕಾರ್ಡ್ ಗಳನ್ನಾಗಿ ಪರಿವರ್ತಿಸುವ ಯೋಜನೆ ಉದ್ಘಾಟನೆಯಾಗಲಿದೆ.

15,000 ಭೂರಹಿತರಿಗೆ ಪಟ್ಟಾ ವಿತರಿಸಲಾಗುವುದು.

ಭೂಮಿಯ ಆಯಾಮಗಳನ್ನು ನಿಖರವಾಗಿ ದಾಖಲಿಸಲು ಡಿಜಿಟಲ್ ಸಮೀಕ್ಷೆಯನ್ನು ಪ್ರಾರಂಭಿಸಲಾಗುವುದು.

ವಿಪತ್ತು ನಿರ್ವಹಣೆ ಶಿಕ್ಷಣ ಮತ್ತು ವಿಪತ್ತು ನಿರ್ವಹಣೆ ಸಾಕ್ಷರತೆಯನ್ನು ಜನರಿಗೆ ಒದಗಿಸುವ ಯೋಜನೆಯನ್ನು ಪ್ರಾರಂಭಿಸಲಾಗುವುದು.

ಕೃಷಿ ಉತ್ತೇಜನದ ಅಂಗವಾಗಿ ‘ನಾವು ಕೂಡ ಕೃಷಿ’ ಯೋಜನೆ ಉದ್ಘಾಟನೆ ನಡೆಯಲಿದೆ.

10,000 ಹೆಕ್ಟೇರ್‍ನಲ್ಲಿ ಸಾವಯವ ಕೃಷಿ ಆರಂಭಿಸಲಾಗುವುದು.

ರಾಜ್ಯ ವಿಶೇಷ ಶಾಖೆಯ ಪ್ರಧಾನ ಕಛೇರಿ, ಕೇರಳ ಪೆÇಲೀಸ್ ಅಕಾಡೆಮಿಯಲ್ಲಿ ಸ್ಥಾಪಿಸಲಾಗುವ ಪೆÇಲೀಸ್ ಸಂಶೋಧನಾ ಕೇಂದ್ರ ಮತ್ತು ಮಲಪ್ಪುರಂನಲ್ಲಿ ಮಹಿಳಾ ಮತ್ತು ಮಕ್ಕಳ ಸ್ನೇಹಿ ಪೆÇಲೀಸ್ ಠಾಣೆಯನ್ನು ಉದ್ಘಾಟಿಸಲಾಗುವುದು. 23 ಹೊಸ ಪೆÇಲೀಸ್ ಠಾಣೆಗಳಿಗೆ ಶಂಕುಸ್ಥಾಪನೆ ನಡೆಯಲಿದೆ.

ತವನೂರು ಕೇಂದ್ರ ಕಾರಾಗೃಹ ಕಾರ್ಯಾರಂಭ ಮಾಡಲಿದೆ.

ಕುಟ್ಟನಾಡ್ ಪ್ಯಾಕೇಜ್ ಹಂತ 1 ರ ಭಾಗ ಜಾರಿಯಾಗಲಿದೆ