ಕಾಸರಗೋಡು ಅಭಿವೃದ್ಧಿ ಪ್ಯಾಕೇಜ್: ಶಾಲೆಗಳ ಕಟ್ಟಡ ನಿರ್ಮಾಣಕ್ಕೆ `11.56 ಕೋಟಿ ಮಂಜೂರು

            ಕಾಸರಗೋಡು: ಕಾಸರಗೋಡು ಅಭಿವೃದ್ಧಿ ಪ್ಯಾಕೇಜ್‍ನ ಭಾಗವಾಗಿ ಜಿಲ್ಲೆಯ ವಿವಿಧ ಶಾಲೆಗಳಿಗೆ ನೂತನ ಕಟ್ಟಡಗಳ ನಿರ್ಮಾಣಕ್ಕೆ ಆಡಳಿತಾತ್ಮಕ ಅನುಮೋದನೆ ನೀಡಲಾಗಿದೆ. ಜಿಎಚ್‍ಎಸ್ ಚಾಮುಂಡಿಕುನ್ನು, ಜಿಎಚ್‍ಎಸ್ ಕಾಲಿಚ್ಚಾನಡ್ಕ, ಜಿಎಚ್‍ಎಸ್ ಬಳಾಲ್, ಜಿಎಚ್‍ಎಸ್ ಚಂದ್ರಗಿರಿ, ಜಿಎಚ್‍ಎಸ್ ಅಂಗಡಿಮೊಗರು, ಜಿಎಚ್‍ಎಸ್ ಬಾರೆ, ಜಿಜೆಬಿಎಸ್ ಪೇರಾಲ್ ಮತ್ತು ಜಿಎಲ್‍ಪಿಎಸ್ ಮುಕ್ಕೂಟ್  ಎಂಬ ಎಂಟು ಶಾಲೆಗಳು ಕಟ್ಟಡ ನಿರ್ಮಾಣಕ್ಕೆ ಆಡಳಿತಾತ್ಮಕ ಅನುಮೋದನೆ ಪಡೆದಿವೆ.

              ಪನತ್ತಡಿ ಪಂಚಾಯತಿಯ  ಜಿಎಚ್‍ಎಸ್ ಚಾಮುಂಡಿಕುನ್ನು ಶಾಲೆಗೆ 5 ತರಗತಿ ಕೊಠಡಿಗಳ ನಿರ್ಮಾಣಕ್ಕೆ `2.10 ಕೋಟಿ ಮೀಸಲಿಡಲಾಗಿದೆ. ಎರಡು ಅಂತಸ್ತಿನ ಕಟ್ಟಡವು ಮೇಲ್ಮಟ್ಟದ ಯೋಜನೆಯಲ್ಲಿ 5 ತರಗತಿ ಕೊಠಡಿಗಳ ಜೊತೆಗೆ ಲ್ಯಾಬ್ ಮತ್ತು ಶೌಚಾಲಯಗಳನ್ನು ಹೊಂದಿದ್ದು, ಲೋಕೋಪಯೋಗಿ ಇಲಾಖೆ ಕಟ್ಟಡ ವಿಭಾಗದ ಕಾರ್ಯನಿರ್ವಾಹಕ ಅಧಿಕಾರಿ ಕಾರ್ಯನಿರ್ವಾಹಕ ಅಧಿಕಾರಿಯಾಗಿರುತ್ತಾರೆ. 

            ಕೋಡೋಂಬೆಳ್ಳೂರು ಪಂಚಾಯಿತಿಯ ಜಿಎಚ್‍ಎಸ್ ಕಾಲಿಚ್ಚಾನಡ್ಕ  ಶಾಲೆಯಲ್ಲಿ 6 ತರಗತಿ ಕೊಠಡಿಗಳ ಎರಡು ಅಂತಸ್ತಿನ ಕಟ್ಟಡವನ್ನು `1.6 ಕೋಟಿ ವೆಚ್ಚದಲ್ಲಿ ನಿರ್ಮಿಸಲು ಆಡಳಿತಾತ್ಮಕ ಮಂಜೂರಾತಿ ನೀಡಲಾಗಿದೆ.

              ಜಿಎಚ್‍ಎಸ್ ಬಳಾಲ್ ಶಾಲೆಗೆ 6 ತರಗತಿ ಕೊಠಡಿಗಳು ಮತ್ತು ಶೌಚಾಲಯಗಳಿರುವ ಎರಡು ಅಂತಸ್ತಿನ ಕಟ್ಟಡ ನಿರ್ಮಾಣಕ್ಕೆ `1.63 ಕೋಟಿ ರೂ.ಗಳ ಆಡಳಿತಾತ್ಮಕ ಮಂಜೂರಾತಿ ದೊರೆತಿದೆ. ಒಂದೂವರೆ ವರ್ಷದೊಳಗೆ ಯೋಜನೆ ಪೂರ್ಣಗೊಳ್ಳಲಿದೆ.

           ಅಜಾನೂರು ಪಂಚಾಯಿತಿ ವ್ಯಾಪ್ತಿಯ ಜಿಎಲ್‍ಪಿಎಸ್ ಮುಕ್ಕೂಟ್ ಶಾಲೆಗೆ 4 ತರಗತಿ ಕೊಠಡಿ ಒಳಗೊಂಡ ನೂತನ ಕಟ್ಟಡ ನಿರ್ಮಾಣಕ್ಕೆ 80 ಲಕ್ಷ ರೂ.ಗೆ ಆಡಳಿತಾತ್ಮಕ ಮಂಜೂರಾತಿ ದೊರೆತಿದೆ. ಜಿಎಚ್‍ಎಸ್‍ಎಸ್ ಚಾಮುಂಡಿಕುನ್ನು, ಜಿಎಚ್‍ಎಸ್ ಕಾಲಿಚ್ಚಾನಡ್ಕ, ಜಿಎಚ್‍ಎಸ್ ಬಳಾಲ್, ಜಿಎಲ್‍ಪಿಎಸ್ ಮುಕ್ಕೂಟ್  ಶಾಲೆಗಳಲ್ಲಿ ನೂತನ ಕಟ್ಟಡಗಳ ನಿರ್ಮಾಣಕ್ಕೆ ಶಾಸಕ ಇ.ಚಂದ್ರಶೇಖರನ್ ಮನವಿ ಸಲ್ಲಿಸಿದ್ದರು.

                ಚೆಮ್ಮನಾಡು ಪಂಚಾಯಿತಿಯ ಜಿಎಚ್‍ಎಸ್‍ಎಸ್ ಚಂದ್ರಗಿರಿ ಶಾಲೆಯಲ್ಲಿ `1.65 ಕೋಟಿ ವೆಚ್ಚದಲ್ಲಿ 6 ತರಗತಿ ಕೊಠಡಿಗಳ ಎರಡು ಅಂತಸ್ತಿನ ಕಟ್ಟಡ ನಿರ್ಮಾಣಕ್ಕೆ ಆಡಳಿತಾತ್ಮಕ ಮಂಜೂರಾತಿ ನೀಡಲಾಗಿದೆ. ಒಂದೂವರೆ ವರ್ಷದಲ್ಲಿ ಪೂರ್ಣಗೊಳ್ಳಲಿದೆ.

                 ಉದುಮ ಪಂಚಾಯತಿಯ  ಜಿಎಚ್ ಎಸ್ ಬಾರ ಶಾಲೆಗೆ 86 ಲಕ್ಷ ರೂ.ವೆಚ್ಚದಲ್ಲಿ 6 ತರಗತಿ ಕೊಠಡಿಗಳ ಕಟ್ಟಡಕ್ಕೆ ಆಡಳಿತಾತ್ಮಕ ಮಂಜೂರಾತಿ ನೀಡಲಾಗಿದೆ. ಸ್ಥಳೀಯಾಡಳಿತ ಇಲಾಖೆಯ ಇಂಜಿನಿಯರಿಂಗ್ ವಿಭಾಗದಿಂದ ಒಂದೂವರೆ ವರ್ಷದೊಳಗೆ ಕಟ್ಟಡ ನಿರ್ಮಾಣ ಪೂರ್ಣಗೊಳ್ಳಲಿದೆ. ಜಿಎಚ್‍ಎಸ್‍ಎಸ್ ಚಂದ್ರಗಿರಿ ಹಾಗೂ ಜಿಎಚ್‍ಎಸ್ ಬಾರ ಶಾಲೆಗಳಲ್ಲಿ ನೂತನ ಕಟ್ಟಡ ನಿರ್ಮಾಣಕ್ಕೆ ಅನುವು ಮಾಡಿಕೊಡುವಂತೆ ಶಾಸಕ ಸಿ.ಎಚ್.ಕುಂಞಂಬು ಮನವಿ ಸಲ್ಲಿಸಿದ್ದರು.

                ಪುತ್ತಿಗೆ ಪಂಚಾಯಿತಿಯ ಜಿಎಚ್‍ಎಸ್ ಅಂಗಡಿಮೊಗರು ಶಾಲೆಗೆ 10 ತರಗತಿ ಕೊಠಡಿಗಳಿರುವ 3 ಅಂತಸ್ತಿನ ಕಟ್ಟಡಕ್ಕೆ `1.98 ಲಕ್ಷ ಆಡಳಿತಾತ್ಮಕ ಮಂಜೂರಾತಿ ನೀಡಲಾಗಿದೆ. ಒಂದೂವರೆ ವರ್ಷದೊಳಗೆ ಯೋಜನೆ ಪೂರ್ಣಗೊಳ್ಳಲಿದೆ. ಎಲ್ ಎಸ್ ಡಿ ವಿಭಾಗ ನಿರ್ಮಿಸುವ ಕುಂಬಳೆ ಪಂಚಾಯತಿ ಜಿಜೆಬಿಎಸ್ ಪೇರಾಲು ಶಾಲೆಗೆ ನೂತನ ಕಟ್ಟಡ ನಿರ್ಮಾಣಕ್ಕೆ ಆಡಳಿತಾತ್ಮಕ ಅನುಮತಿ ದೊರೆತಿದೆ. `94 ಲಕ್ಷ ವೆಚ್ಚದಲ್ಲಿ ಆಡಳಿತಾತ್ಮಕ ಅನುಮೋದನೆ ಪಡೆದು ನಿರ್ಮಿಸುತ್ತಿರುವ ನೂತನ ಕಟ್ಟಡದಲ್ಲಿ ಐದು ತರಗತಿ ಕೊಠಡಿಗಳನ್ನು ನಿರ್ಮಿಸಲಾಗುತ್ತಿದೆ. ಜಿಎಚ್‍ಎಸ್ ಅಂಗಡಿಮೊಗರು ಮತ್ತು ಜಿಜೆಬಿಎಸ್ ಪಾರಾಲು ಶಾಲೆಗಳಲ್ಲಿ ನೂತನ ಕಟ್ಟಡ ನಿರ್ಮಾಣಕ್ಕೆ ಅನುವು ಮಾಡಿಕೊಡುವಂತೆ ಶಾಸಕ ಎಕೆಎಂ ಅಶ್ರಫ್ ಮನವಿ ಸಲ್ಲಿಸಿದ್ದರು.

                        ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣವೀರ್ ಚಂದ್ ಮಾತನಾಡಿ, ಪ್ರಸ್ತುತ ಶಾಲೆಗಳು ವಿದ್ಯಾರ್ಥಿಗಳ ಅಗತ್ಯಗಳನ್ನು ಪೂರೈಸಲು ಸಾಧ್ಯವಾಗದ ಕಾರಣ ಶಾಲೆಗಳಿಗೆ ಹೊಸ ಕಟ್ಟಡಗಳನ್ನು ನಿರ್ಮಿಸಲು ಅನುಮತಿ ನೀಡಲಾಗಿದೆ ಎಮದು ತಿಳಿಸಿರುವರು. ಕಾಸರಗೋಡು ಅಭಿವೃದ್ಧಿ ಪ್ಯಾಕೇಜ್ ವಿಶೇಷಾಧಿಕಾರಿ ಇ.ಪಿ.ರಾಜಮೋಹನ್ ಮಾತನಾಡಿ, ಕಾಮಗಾರಿಗೆ ಶೀಘ್ರದಲ್ಲಿ ಟೆಂಡರ್ ಕರೆಯಲಾಗುವುದು ಎಮದು ಮಾಹಿತಿ ನೀಡಿರುವರು.