ಕೇರಳದಲ್ಲಿ ಇಂದು 4064 ಮಂದಿಗೆ ಕೋವಿಡ್ ಪತ್ತೆ: ಒಟ್ಟು ಸಾವಿನ ಸಂಖ್ಯೆ 64,803 ಕ್ಕೆ ಏರಿಕೆ: 41,675 ಮಂದಿ ಈಗಲೂ ಚಿಕಿತ್ಸೆಯಲ್ಲಿ

                 ತಿರುವನಂತಪುರ: ಕೇರಳದಲ್ಲಿ ಇಂದು 4064 ಮಂದಿ ಜನರಿಗೆ ಕೋವಿಡ್  ದೃಢಪಟ್ಟಿದೆ. ಎರ್ನಾಕುಳಂ 553, ತಿರುವನಂತಪುರ 543, ಕೋಝಿಕ್ಕೋಡ್ 425, ಕೊಟ್ಟಾಯಂ 399, ಕೊಲ್ಲಂ 348, ತ್ರಿಶೂರ್ 315, ಮಲಪ್ಪುರಂ 270, ಆಲಪ್ಪುಳ 229, ಇಡುಕ್ಕಿ 220, ಪಾಲಕ್ಕಾಡ್ 198, ಪತ್ತನಂತಿಟ್ಟ 195, ಕಣ್ಣೂರು 174, ವಯನಾಡ್ 135, ಕಾಸರಗೋಡು 60 ಎಂಬಂತೆ ಸೋಂಕು ದೃಢಪಡಿಸಲಾಗಿದೆ. 

                    ಕಳೆದ 24 ಗಂಟೆಗಳಲ್ಲಿ 51,974 ಮಾದರಿಗಳನ್ನು ಪರೀಕ್ಷಿಸಲಾಗಿದೆ. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಪ್ರಸ್ತುತ 1,27,341 ಜನರು ನಿಗಾದಲ್ಲಿದ್ದಾರೆ. ಇವರಲ್ಲಿ 1,24,493 ಮಂದಿ ಮನೆ/ ಸಾಂಸ್ಥಿಕ ಕ್ವಾರಂಟೈನ್‍ನಲ್ಲಿದ್ದಾರೆ ಮತ್ತು 2,848 ಮಂದಿ ಆಸ್ಪತ್ರೆಯ ನಿಗಾದಲ್ಲಿದ್ದಾರೆ. ಒಟ್ಟು 391 ಮಂದಿ ಹೊಸದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

              ಪ್ರಸ್ತುತ, 41,675 ಕೋವಿಡ್ ಪ್ರಕರಣಗಳಲ್ಲಿ, ಕೇವಲ 6.7 ಶೇಕಡಾ ಜನರು  ಆಸ್ಪತ್ರೆಗಳು / ಸ್ಥಳೀಯ ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ. ಕಳೆದ 24 ಗಂಟೆಗಳಲ್ಲಿ 15 ಮಂದಿ ಕೋವಿಡ್‍ನಿಂದ ಸಾವನ್ನಪ್ಪಿರುವುದು ದೃಢಪಟ್ಟಿದೆ. ಇದಲ್ಲದೆ, ಹಿಂದಿನ ದಿನಗಳಲ್ಲಿ ದಾಖಲೆಗಳನ್ನು ತಡವಾಗಿ ಸ್ವೀಕರಿಸಿದ ಕಾರಣ 37 ಸಾವುಗಳು ಮತ್ತು ಸುಪ್ರೀಂ ಕೋರ್ಟ್‍ನ ಹೊಸ ಮಾರ್ಗಸೂಚಿಗಳ ಅಡಿಯಲ್ಲಿ ಕೇಂದ್ರ ಸರ್ಕಾರವು ಮೇಲ್ಮನವಿ ಸಲ್ಲಿಸಿದ್ದರಿಂದ 160 ಸಾವುಗಳು ವರದಿಯಾಗಿವೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸಾವಿನ ಸಂಖ್ಯೆ 64,803ಕ್ಕೆ ಏರಿಕೆಯಾಗಿದೆ.

              ಇಂದು ಸೋಂಕು ಪತ್ತೆಯಾದವರಲ್ಲಿ 9 ಮಂದಿ ಹೊರ ರಾಜ್ಯದವರು. 3858 ಮಂದಿ ಜನರು ಸಂಪರ್ಕದಿಂದ ಸೋಂಕಿಗೆ ಒಳಗಾಗಿದ್ದಾರೆ. 162 ಮಂದಿಯ ಸಂಪರ್ಕ ಮೂಲ ಸ್ಪಷ್ಟವಾಗಿಲ್ಲ. ಇಂದು ಮೂವತ್ತೈದು ಮಂದಿ ಆರೋಗ್ಯ ಕಾರ್ಯಕರ್ತರಿಗೆ ಕೋವಿಡ್ ದೃಢ|ಪಡಿಸಲಾಗಿದೆ. 

                ರೋಗನಿರ್ಣಯ ಮತ್ತು ಚಿಕಿತ್ಸೆ ಪಡೆದ 9531 ಮಂದಿ ಜನರು ಗುಣಮುಖರಾಗಿದ್ದಾರೆ. ತಿರುವನಂತಪುರ 821, ಕೊಲ್ಲಂ 120, ಪತ್ತನಂತಿಟ್ಟ 550, ಆಲಪ್ಪುಳ 646, ಕೊಟ್ಟಾಯಂ 1562, ಇಡುಕ್ಕಿ 414, ಎರ್ನಾಕುಳಂ 2078, ತ್ರಿಶೂರ್ 912, ಪಾಲಕ್ಕಾಡ್ 428, ಮಲಪ್ಪುರಂ 471, ಕೋಝಿಕ್ಕೋಡ್ 602, ವಯನಾಡ್ 490, ಕಣ್ಣೂರು 357, ಕಾಸರಗೋಡು 80 ಎಂಬಂತೆ ಗುಣಮುಖರಾಗಿದ್ದಾರೆ. ಇದರೊಂದಿಗೆ 41,675 ಮಂದಿಗೆ ಸೋಂಕು ದೃಢಪಟ್ಟಿದ್ದು, ಇನ್ನೂ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದುವರೆಗೆ 63,80,561 ಮಂದಿ ಕೋವಿಡ್‍ನಿಂದ ಮುಕ್ತರಾಗಿದ್ದಾರೆ.