ಗುಜರಾತ್‌: ಬಿಜೆಪಿ ಸೇರಿದ ಕಾಂಗ್ರೆಸ್‌ ಮುಖಂಡ ಜಯರಾಜ್ ಸಿಂಹ ಪರ್ಮಾರ್‌

           ಅಹಮದಾಬಾದ್‌: ಗುಜರಾತ್‌ ಕಾಂಗ್ರೆಸ್‌ನ ಮಾಜಿ ವಕ್ತಾರ ಜಯರಾಜ್ ಸಿಂಹ ಪರ್ಮಾರ್‌ ಅವರು ತಮ್ಮ ಬೆಂಬಲಿಗರೊಂದಿಗೆ ಮಂಗಳವಾರ ಗಾಂಧಿನಗರದಲ್ಲಿ ಆಡಳಿತಾರೂಢ ಬಿಜೆಪಿ ಸೇರ್ಪಡೆಯಾದರು.

            37 ವರ್ಷಗಳ ಕಾಂಗ್ರೆಸ್‌ನಲ್ಲಿದ್ದ ತಮ್ಮನ್ನು ದೀರ್ಘಕಾಲದಿಂದಲೂ ತೆರೆಮೆರೆಗೆ ಸರಿಸಲಾಗಿದೆ ಎಂದು ದೂರಿದ್ದ ಅವರು, ಫೆ.17ರಂದು ಕಾಂಗ್ರೆಸ್‌ ತೊರೆದಿದ್ದರು.

            'ಪ್ರತಿಕೂಲ ಪರಿಸ್ಥಿತಿಯಲ್ಲೂ ಕಾಂಗ್ರೆಸ್‌ಗಾಗಿ ನಾನು 37 ವರ್ಷಗಳ ಕಾಲ ಬದ್ಧತೆಯಿಂದ ದುಡಿದ್ದೇನೆ. ನನ್ನ ಪ್ರಕಾರ ರಾಜಕೀಯ ಎಂದರೆ ಜನರ ಸೇವೆ ಮಾಡುವುದು ಎಂದರ್ಥ. ಯಾವುದೇ ಆಪೇಕ್ಷೆಯೂ ಇಲ್ಲದೆ, ನಾನು ಕಳೆದುಕೊಂಡಿದ್ದನ್ನು ಭರಿಸಲು ಬಿಜೆಪಿ ಸೇರುತ್ತಿದ್ದೇನೆ' ಎಂದು ಜಯರಾಜ್ ಸಿಂಹ ಹೇಳಿದರು.