ಕಾಂಡಕೋಶ ಕಸಿಯಿಂದ ಏಯ್ಡ್ಸ್​​ ರೋಗಿ ಗುಣಮುಖ: ಹೀಗೆ ಎಚ್​ಐವಿ ಮುಕ್ತರಾದ ಜಗತ್ತಿನ ಪ್ರಥಮ ಮಹಿಳೆ ಈಕೆ

              ನವದೆಹಲಿ: ಏಯ್ಡ್ಸ್​ ಪೀಡಿತ ಮಹಿಳೆಯೊಬ್ಬರು ಕಾಂಡಕೋಶ ಕಸಿಯಿಂದ ಗುಣಮುಖರಾಗಿದ್ದಾರೆ. ಮಾತ್ರವಲ್ಲ ಸ್ಟೆಮ್​ ಸೆಲ್​ ಟ್ರಾನ್ಸ್​ಪ್ಲಾಂಟ್​ನಿಂದಾಗಿ ಏಯ್ಡ್ಸ್​ನಿಂದ ಗುಣಮುಖಗೊಂಡ ಜಗತ್ತಿನ ಪ್ರಪ್ರಥಮ ಮಹಿಳೆ ಎಂಬ ಖ್ಯಾತಿಗೂ ಈಕೆ ಪಾತ್ರರಾಗಿದ್ದಾರೆ.

             ಯುಎಸ್​ನ ಡೆನ್ವರ್​ನಲ್ಲಿ ನಡೆದ ರೆಟ್ರೊವೈರಸಸ್​ ಆಯಂಡ್ ಅಪಾರ್ಚುನಿಸ್ಟಿಕ್​ ಇನ್​ಫೆಕ್ಷನ್ಸ್​ ಎಂಬ ಸಮ್ಮೇಳನದಲ್ಲಿ ಮಂಗಳವಾರ ಈ ಕುರಿತ ಪ್ರಕರಣವನ್ನು ಮಂಡಿಸಲಾಗಿದೆ.

           ಮಿಶ್ರಜನಾಂಗದ ಮಧ್ಯವಯಸ್ಕ ಈ ಮಹಿಳೆ ಆಯಂಟಿರೆಟ್ರೊವೈರಲ್ ಥೆರಪಿಯ ಅಗತ್ಯವಿರದೆ ಕಾಂಡಕೋಶ ಕಸಿಯಿಂದ ಎಚ್​ಐವಿ ಮುಕ್ತರಾಗಿದ್ದಾರೆ. ಹೀಗೆ ಮಹಿಳೆಯೊಬ್ಬರು                ಗುಣಮುಖರಾಗಿರುವುದು ಇದೇ ಪ್ರಥಮ ಎಂದು ಇಂಟರ್​ನ್ಯಾಷನಲ್ ಏಯ್ಡ್ಸ್​ ಸೊಸೈಟಿಯ ಚುನಾಯಿತ ಅಧ್ಯಕ್ಷರಾದ ಶರೊನ್ ಲೆವಿನ್ ತಿಳಿಸಿದ್ದಾರೆ. ಈ ಹಿಂದೆ ಇದೇ ಚಿಕಿತ್ಸೆಯಲ್ಲಿ ಇಬ್ಬರು ಪುರುಷರು ಏಯ್ಡ್ಸ್​ನಿಂದ ಗುಣವಾಗಿದ್ದರು ಎಂದೂ ಅವರು ಹೇಳಿದ್ದಾರೆ.