ಮಲಪ್ಪುರಂನಲ್ಲಿ ಶಿಗೆಲ್ಲಾ? ರೋಗಲಕ್ಷಣಗಳಿದ್ದ ಏಳರ ಹರೆಯದ ಬಾಲಕ ಮೃತ್ಯು: ಜನರು ಜಾಗರೂಕರಾಗಿರಲು ಆರೋಗ್ಯ ಇಲಾಖೆ ಸೂಚನೆ

                                                   

                 ಮಲಪ್ಪುರಂ: ಮಲಪ್ಪುರಂ ಪುತ್ತನತ್ತೋಣಿಯಲ್ಲಿ ಏಳು ವರ್ಷದ ಬಾಲಕನ ಸಾವಿಗೆ ಶೀಗೆಲ್ಲಾ ಕಾರಣ ಎಂದು ಶಂಕಿಸಲಾಗಿದೆ. ಶುಕ್ರವಾರ ಏಳು ವರ್ಷದ ಬಾಲಕ ಮೃತಪಟ್ಟಿದ್ದ. ಕೋಝಿಕ್ಕೋಡ್‍ನ ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದ. ಭೇದಿ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಮಗುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಶಿಗೆಲ್ಲದ ಶಂಕೆಯ ಹಿನ್ನೆಲೆಯಲ್ಲಿ ಕ್ಷಿಪ್ರ ಪ್ರತಿಕ್ರಿಯೆ ತಂಡ ಮಲಪ್ಪುರಂನಲ್ಲಿ ಮುಂಜಾಗ್ರತಾ ಕ್ರಮಗಳನ್ನು ತೀವ್ರಗೊಳಿಸಿದೆ.

                  ಪ್ರಸ್ತುತ ಮಾದರಿಯನ್ನು ಪರೀಕ್ಷಿಸಲು ಪ್ರಯತ್ನಿಸಲಾಗುತ್ತಿದೆ. ಶಿಗೆಲ್ಲದ ಲಕ್ಷಣಗಳೊಂದಿಗೆ ಮಗು ಸಾವನ್ನಪ್ಪಿದ ಕಾರಣ ಪರೀಕ್ಷೆ ನಡೆಸಲು ತೀರ್ಮಾನಿಸಲಾಗಿದೆ. ಪರೀಕ್ಷಾ ಫಲಿತಾಂಶಗಳು ತಿಳಿದ ಬಳಿಕವಷ್ಟೇ ಶಿಗೆಲ್ಲ  ಖಚಿತಪಡಿಸುವುದಾಗಿ ಡಿಎಂಒ ಹೇಳಿದರು. ಮಗುವಿನ ತವರೂರಾದ ಪುತ್ತನತ್ತೋಣಿಯಲ್ಲಿ  ವಿಶೇಷ ಪರೀಕ್ಷೆ ಆರಂಭಿಸಲಾಗಿದೆ. ಜನರು ಜಾಗರೂಕರಾಗಿರಬೇಕು ಎಂದು ಆರೋಗ್ಯ ಇಲಾಖೆ ಸೂಚಿಸಿದೆ.