ಮುಖಕ್ಕೆ ಮಸಾಜ್ ಮಾಡಲು ಯಾವ ಎಣ್ಣೆ ಉತ್ತಮ?

            ಮುಖದ ಹೊಳಪು ಕಾಪಾಡಿಕೊಳ್ಳುವಲ್ಲಿ ಫೇಸ್ ಮಸಾಜ್ ಪ್ರಮುಖ ಪಾತ್ರ ವಹಿಸುತ್ತದೆ. ಈ ಮೂಲಕ ನಿಮ್ಮ ಮುಖದಲ್ಲಿ ರಕ್ತ ಪರಿಚಲನೆಯನ್ನು ಹೆಚ್ಚಿಸಿ, ಹೊಸ ಹೊಳಪನ್ನು ನೀಡುತ್ತದೆ. ಅದಕ್ಕಾಗಿಯೇ ಫೇಸ್ ಮಸಾಜ್ ನಿಮ್ಮ ದೈನಂದಿನ ತ್ವಚೆ ಆರೈಕೆಯ ಒಂದು ಭಾಗವಾಗಿರಬೇಕು. ಇಂದಿನ ಲೇಖನದಲ್ಲಿ ಮುಖಕ್ಕೆ ಮಸಾಜ್ ಮಾಡಲು ಯಾವ ಎಣ್ಣೆ ಉತ್ತಮ? ಯಾವ ಎಣ್ಣೆಯಲ್ಲಿ ಯಾವ ರೀತಿಯ ಗುಣಗಳು ಕಂಡುಬರುತ್ತವೆ ಎಂಬುದರ ಕುರಿತು ನಾವು ಮಾತನಾಡುತ್ತೇವೆ.

             ಮುಖಕ್ಕೆ ಮಸಾಜ್ ಮಾಡಲು ಯಾವ ಎಣ್ಣೆ ಒಳ್ಳೆಯದು ಎಂಬುದನ್ನು ಈ ಕೆಳಗೆ ನೀಡಲಾಗಿದೆ:

                    ತೆಂಗಿನ ಎಣ್ಣೆ:

          ತೆಂಗಿನ ಎಣ್ಣೆಯು ಚರ್ಮಕ್ಕೆ ನೈಸರ್ಗಿಕ ಮಾಯಿಶ್ಚರೈಸರ್ ಆಗಿ ಕಾರ್ಯನಿರ್ವಹಿಸುತ್ತದೆ, ಇದು ಡೆಡ್ ಸ್ಕಿನ್ ಸೆಲ್‌ಗಳನ್ನು ತೆಗೆದುಹಾಕುತ್ತದೆ ಮತ್ತು ಮೈಬಣ್ಣವನ್ನು ಹೊಳೆಯುಂತೆ ಮಾಡುತ್ತದೆ. ನಿಮ್ಮ ಚರ್ಮವು ತುಂಬಾ ಎಣ್ಣೆಯುಕ್ತವಾಗಿದ್ದರೆ, ತೆಂಗಿನ ಎಣ್ಣೆಯನ್ನು ಹಚ್ಚುವುದನ್ನು ತಪ್ಪಿಸಿ. ರಾತ್ರಿ ಮಲಗುವ ಮೊದಲು, ಸ್ವಲ್ಪ ತೆಂಗಿನ ಎಣ್ಣೆಯನ್ನು ತೆಗೆದುಕೊಂಡು ಅದನ್ನು ಮುಖದ ಮೇಲಿನ ಕಲೆಗಳ ಮೇಲೆ ಹಚ್ಚಿ. ಇದು ನಿಮ್ಮ ಚರ್ಮಕ್ಕೆ ತುಂಬಾ ಪ್ರಯೋಜನಕಾರಿ.

                  ಆಲಿವ್ ಎಣ್ಣೆ: ಇದು ಚರ್ಮವನ್ನು ಮೃದುವಾಗಿಡಲು ಸಹಾಯ ಮಾಡುತ್ತದೆ. ಆಲಿವ್ ಎಣ್ಣೆಯನ್ನು ಬಳಸಿ ಮೇಕಪ್ ಅನ್ನು ಸುಲಭವಾಗಿ ತೆಗೆಯಬಹುದು. ಇದಕ್ಕಾಗಿ ನೀವು ಹತ್ತಿಯ ಸಹಾಯದಿಂದ ಮುಖಕ್ಕೆ ಆಲಿವ್ ಎಣ್ಣೆಯನ್ನು ಹಚ್ಚಬೇಕು. ನಂತರ ಹೆಚ್ಚುವರಿ ಹತ್ತಿಯನ್ನು ತೆಗೆದುಕೊಂಡು ಚರ್ಮದ ಕೊಳೆಯನ್ನು ಸ್ವಚ್ಛಗೊಳಿಸಬೇಕು. ಮುಖ ಮತ್ತು ದೇಹಕ್ಕೆ ನಿಯಮಿತವಾಗಿ ಆಲಿವ್ ಎಣ್ಣೆಯನ್ನು ಅನ್ವಯಿಸುವುದರಿಂದ ನೈಸರ್ಗಿಕ ಹೊಳಪನ್ನು ಪಡೆಯಬಹುದು.

              ಬಾದಾಮಿ ಎಣ್ಣೆ: ಬಾದಾಮಿಯನ್ನು ತಿನ್ನುವುದಕ್ಕಿಂತ ಬಾದಾಮಿ ಎಣ್ಣೆಯು ಹೆಚ್ಚು ಪ್ರಯೋಜನಕಾರಿಯಾಗಿದೆ. ಇದು ತ್ವಚೆಯಲ್ಲಿರುವ ಕಲೆಗಳನ್ನು ಹೋಗಲಾಡಿಸುತ್ತದೆ, ಜೊತೆಗೆ ಮುಖವನ್ನು ಹೊಳೆಯುವಂತೆ ಮಾಡುತ್ತದೆ. ಪ್ರತಿದಿನ ರಾತ್ರಿ ಮಲಗುವ ಮುನ್ನ ಬಾದಾಮಿ ಎಣ್ಣೆಯಿಂದ ಮುಖಕ್ಕೆ ಮಸಾಜ್ ಮಾಡುವುದರಿಂದ ತ್ವಚೆಯ ಕಾಂತಿ ಸುಧಾರಿಸುತ್ತದೆ, ಜೊತೆಗೆ ಅನೇಕ ತ್ವಚೆಯ ಸಮಸ್ಯೆಗಳನ್ನು ದೂರ ಮಾಡುತ್ತದೆ.
                ಜೊಜೊಬೊ ಎಣ್ಣೆ: ಇದು ನಿಮ್ಮ ತ್ವಚೆಯ ಮೇಲೆ ಅದ್ಭುತವಾದ ಪ್ರಭಾವ ಬೀರುತ್ತದೆ. ನಿಮ್ಮ ತ್ವಚೆ ತುಂಬಾ ಒರಟಾಗಿದೆ ಎಂದು ಅನಿಸಿದರೆ ಮಲಗುವ ಮುಂಚೆ ಜೊಜೊಬೊ ಎಣ್ಣೆ ಹಚ್ಚಿ ಮಲಗಿ, ನಂತರ ಬೆಳಗ್ಗೆ ತೊಳೆದರೆ ಸಾಕು. ಕಜ್ಜಿ, ತ್ವಚೆ ಸಮಸ್ಯೆ ಇದ್ದಾಗ ಹತ್ತಿಯನ್ನು ಜೊಜೊಬೊ ಎಣ್ಣೆಗೆ ಅದ್ದಿ ಅದರಿಂದ ಒರೆಸುತ್ತಿದ್ದರೆ ಬೇಗನೆ ಗುಣಮುಖವಾಗುವುದು. ಇದು ಎಣ್ಣೆಯುಕ್ತ ತ್ವಚೆ ಇರುವವರಿಗೂ ಉತ್ತಮ.
              ಫೇಸ್ ಮಸಾಜ್ ಏಕೆ ಅಗತ್ಯ?: ಈ ಎಲ್ಲಾ ತೈಲಗಳು ಅನೇಕ ರೀತಿಯ ಗುಣಗಳನ್ನು ಹೊಂದಿವೆ. ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಎಣ್ಣೆಯನ್ನು ಆರಿಸಿಕೊಂಡು ಮುಖಕ್ಕೆ ಮಸಾಜ್ ಮಾಡಿಕೊಳ್ಳಬಹುದು. ಮುಖಕ್ಕೆ ಮಸಾಜ್ ಮಾಡುವುದರಿಂದ ರಕ್ತ ಪರಿಚಲನೆ ಹೆಚ್ಚುತ್ತದೆ ಎಂಬುದು ಖಚಿತ. ಇದರಿಂದ ಮುಖದ ಹೊಳಪು ವೇಗವಾಗಿ ಹೆಚ್ಚಾಗುತ್ತದೆ. ಆದ್ದರಿಂದ ನೀವು ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ಎಣ್ಣೆಯನ್ನು ಆರಿಸಿಕೊಳ್ಳಿ ಮತ್ತು ಮುಖಕ್ಕೆ ಮಸಾಜ್ ಮಾಡಲು ಪ್ರಾರಂಭಿಸಿ.