ಮಲಯಾಳಂನ ಅಭಿನಯಶ್ರೀ; ಕೆಪಿಎಸಿ ಲಲಿತಾ ಪ್ರಕೃತಿಯಲ್ಲಿ ಲೀನ

                   ತ್ರಿಶೂರ್: ಐದು ದಶಕಗಳ ಅಮೂಲ್ಯ ಅಭಿನಯ ಚತುರತೆಯಿಂದ ಕೆಪಿಎಸಿ ಲಲಿತಾ ರಂಗದಿಂದ ನಿರ್ಗಮಿಸಿದ್ದಾರೆ. ಅವರ ಪಾರ್ಥಿವ ಶರೀರವನ್ನು ವಡಕ್ಕಂಚೇರಿಯಲ್ಲಿರುವ ಎಂಗಕಟ್ಟೆ ಮನೆಯಲ್ಲಿ ನಿನ್ನೆ ಸಂಜೆ ಬರಮಾಡಿಕೊಳ್ಳಲಾಯಿತು. ಹಲವು ಪಾತ್ರಗಳನ್ನು ಬಿಟ್ಟು ಮರಳಿದ ಕೆಪಿಎಸಿ ಲಲಿತಾ ಇನ್ನು ನೆನಪಾಗಿರುವರು. 

                   ಸಂಜೆ 6 ಗಂಟೆಗೆ ಅಧಿಕೃತ ಗೌರವಗಳೊಂದಿಗೆ ಅಂತ್ಯಕ್ರಿಯೆ ನಡೆಯಿತು. ಅವರ ಪುತ್ರ ಸಿದ್ಧಾರ್ಥ್ ಚಿತೆಗೆ ಅಗ್ನಿಸ್ಪರ್ಶ ಮಾಡಿದರು. ಕೆಪಿಎಸಿ ಲಲಿತಾ ಅವರ ಅಂತಿಮ ದರ್ಶನಕ್ಕೆ ಕೇರಳದ ವಿವಿಧ ಭಾಗಗಳಿಂದ ಅನೇಕ ಜನರು ಅವರ ಮನೆ ಮತ್ತು ಸಾರ್ವಜನಿಕ ವೀಕ್ಷಣಾ ಸ್ಥಳಗಳಿಗೆ ಆಗಮಿಸಿದ್ದರು.

               ಸಾರ್ವಜನಿಕ ದರ್ಶನದ ಬಳಿಕ ಸಂಜೆ 5.45ಕ್ಕೆ ಅಂತ್ಯಕ್ರಿಯೆ ನೆರವೇರಿಸಲಾಯಿತು.  ಕೆಪಿಎಸಿ ಲಲಿತಾ ಅವರ ಪತಿ ಭರತನ್ ಅವರನ್ನು ಚಿತೆಗೇರಿಸಿದ ಸ್ಥಳದ ಬಳಿ ಅಂತ್ಯಕ್ರಿಯೆ ನಡೆಸಲಾಯಿತು.

                ವಡಕ್ಕಂಚೇರಿ ಮುನ್ಸಿಪಲ್ ಕಾಪೆರ್Çರೇಷನ್ ಮತ್ತು ಸಂಗೀತ ನಾಟಕ ಅಕಾಡೆಮಿಯಲ್ಲಿ ಸಾರ್ವಜನಿಕ ದರ್ಶನಕ್ಕೆ ಇರಿಸಿದ ನಂತರ ಶವವನ್ನು ಅಂತ್ಯಕ್ರಿಯೆಗಾಗಿ ಎಂಕಕಟ್ಟೆ ಅವರ ಮನೆಗೆ ತರಲಾಯಿತು. ಅರ್ಧ ಗಂಟೆ ಕಾಲ ಮನೆಯಲ್ಲಿ ಸಾರ್ವಜನಿಕ ಪ್ರದರ್ಶನಕ್ಕೂ ಇಡಲಾಗಿತ್ತು. ಮಧ್ಯಾಹ್ನ ಎರ್ನಾಕುಳಂನಿಂದ ವಿಶೇಷವಾಗಿ ಸಿದ್ಧಪಡಿಸಿದ ಕೆಎಸ್‍ಆರ್‍ಟಿಸಿ ಬಸ್‍ನಲ್ಲಿ ಪಾರ್ಥಿವ ಶರೀರವನ್ನು ವಡಕ್ಕಂಚೇರಿಗೆ ತರಲಾಯಿತು. ತ್ರಿಪುಣಿತುರಾ ಲಯಂ ಸಭಾಂಗಣದಲ್ಲಿ ಬೆಳಿಗ್ಗೆ 8 ರಿಂದ 11.30 ರವರೆಗೆ ಸಾರ್ವಜನಿಕರಿಗೆ ಮುಕ್ತವಾಗಿತ್ತು.

                ತಮ್ಮ ನಟನೆಯ ಮೂಲಕ ಮಲಯಾಳಂ ಚಿತ್ರರಂಗವನ್ನು ಬೆರಗುಗೊಳಿಸಿದ್ದ ಕೆಪಿಎಸಿ ಲಲಿತಾ ಮೊನ್ನೆ ರಾತ್ರಿ ಇಹಲೋಕ ತ್ಯಜಿಸಿದ್ದರು.  ಅವರು ತ್ರಿಪುನಿತುರಾದಲ್ಲಿರುವ ತಮ್ಮ ಪುತ್ರ ಸಿದ್ಧಾರ್ಥ್ ಅವರ ಫ್ಲಾಟ್‍ನಲ್ಲಿ ನಿಧನರಾದರು. ಕಳೆದ ಕೆಲವು ಕಾಲಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದರು.