ರಾಜ್ಯದಲ್ಲಿ ಏರುತ್ತಿರುವ ತಾಪಮಾನ: ಸನ್ ಸ್ಟ್ರೋಕ್ ತಡೆಗಟ್ಟುವಿಕೆಗೆ ಕಾರ್ಮಿಕ ಇಲಾಖೆಯಿಂದ ಸೂಚನೆ

                            

                     ತಿರುವನಂತಪುರ: ರಾಜ್ಯದಲ್ಲಿ ಹಗಲಿನ ತಾಪಮಾನ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಕಾರ್ಮಿಕ ಆಯುಕ್ತರು ಕೆಲಸದ ಸಮಯವನ್ನು ಮರು ನಿಗದಿಪಡಿಸಿದ್ದಾರೆ. ಕಾರ್ಮಿಕರಿಗೆ ಬಿಸಿಲ ಘಾಸಿಯಾಗದಂತೆ ನಿಯಂತ್ರಿಸಲು ಸೂಚಿಸಲಾಗಿದೆ. ಕಾರ್ಮಿಕ ಆಯುಕ್ತರು ಏಪ್ರಿಲ್ 30 ರವರೆಗೆ ಕೆಲಸದ ಸಮಯವನ್ನು ಮರುಹೊಂದಿಸಿ ಆದೇಶಿಸಿದ್ದಾರೆ.

                  ಹೊಸ ಆದೇಶದ ಪ್ರಕಾರ, ಹಗಲು ಪಾಳಿಯ ನೌಕರರಿಗೆ ಮಧ್ಯಾಹ್ನ 12 ರಿಂದ ಮಧ್ಯಾಹ್ನ 3 ರವರೆಗೆ ವಿಶ್ರಾಂತಿ ಇರುತ್ತದೆ. ಅವರ ಕೆಲಸದ ಸಮಯ ಬೆಳಿಗ್ಗೆ 7 ರಿಂದ ಸಂಜೆ 7 ರವರೆಗಿನ ಸಮಯದಲ್ಲಿ  8 ಗಂಟೆಗಳ ಕೆಲಸವಿರಲಿದೆ. 

                    ಬೆಳಿಗ್ಗೆ ಮತ್ತು ಮಧ್ಯಾಹ್ನದ ಇತರ ಪಾಳಿಗಳ ಕೆಲಸದ ಸಮಯವನ್ನು ಕ್ರಮವಾಗಿ 12 ಗಂಟೆಗೆ ಕೊನೆಗೊಳಿಸಲು ಮತ್ತು 3 ಗಂಟೆಗೆ ಪ್ರಾರಂಭವಾಗುವಂತೆ ಮರು ನಿಗದಿಪಡಿಸಲಾಗಿದೆ.

                ರಾಜ್ಯದಲ್ಲಿ ಬಿಸಿಲ ತಾಪ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಬಿಸಿಲಿನ ಬೇಗೆ ಹಾಗೂ ಇತರ ಆರೋಗ್ಯ ಸಮಸ್ಯೆಗಳಿಗೆ ಒಳಗಾಗದಂತೆ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ. ತಾಪಮಾನವು ನಿರ್ದಿಷ್ಟ ಮಟ್ಟಕ್ಕಿಂತ ಹೆಚ್ಚಾದಾಗ, ಮಾನವ ದೇಹದ ಥರ್ಮೋಗ್ರ್ಯುಲೇಟರಿ ವ್ಯವಸ್ಥೆಯು ಒಡೆಯುತ್ತದೆ, ಶಾಖವನ್ನು ಹೊರಹಾಕುವ ದೇಹದ ಸಾಮಥ್ರ್ಯಕ್ಕೆ ಅಡ್ಡಿಯಾಗುತ್ತದೆ ಮತ್ತು ದೇಹದ ಅನೇಕ ಪ್ರಮುಖ ಕಾರ್ಯಗಳನ್ನು ದುರ್ಬಲಗೊಳಿಸುತ್ತದೆ. ಈ ಸ್ಥಿತಿಯನ್ನು ಸನ್ಬರ್ನ್ ಎಂದು ಕರೆಯಲಾಗುತ್ತದೆ.

                          ಸನ್ಬರ್ನ್ ಲಕ್ಷಣಗಳು

ಅತಿ ಹೆಚ್ಚು ದೇಹದ ಉಷ್ಣತೆ, ಒಣ ಕೆಂಪು ಬಿಸಿಯಾದ ದೇಹ, ತೀವ್ರ ತಲೆನೋವು, ತಲೆತಿರುಗುವಿಕೆ, ನಿಧಾನ ನಾಡಿಮಿಡಿತ, ಮೂಡ್ ಸ್ವಿಂಗ್, ಪ್ರಜ್ಞಾಹೀನತೆ.

             ಸನ್ ಬರ್ನ್ ಎನ್ನುವುದು ಬಿಸಿಲಿನ ಬೇಗೆಗೆ ಕಡಿಮೆ ತೀವ್ರತೆಯ ಸ್ಥಿತಿಯಾಗಿದೆ. ದೀರ್ಘಕಾಲದವರೆಗೆ ಬಿಸಿಲಿನಲ್ಲಿ ಕೆಲಸ ಮಾಡುವ ಜನರು ನೇರ ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದರಿಂದ ಮೈ ಕೆಂಪಗಾಗುವುದು, ನೋವು ಮತ್ತು ಸುಟ್ಟಗಾಯಗಳನ್ನು ಅನುಭವಿಸಬಹುದು. ಅಂತಹವರು ತಕ್ಷಣ ಚಿಕಿತ್ಸೆ ಪಡೆಯಬೇಕು. ಸುಟ್ಟ ಜಾಗದಲ್ಲಿ ಉಂಟಾಗುವ ಗುಳ್ಳೆಗಳನ್ನು ಸಿಡಿಯಬಾರದು. 

                ಮುಖ್ಯ ಲಕ್ಷಣಗಳೆಂದರೆ ಆಯಾಸ, ತಲೆತಿರುಗುವಿಕೆ, ತಲೆನೋವು, ವಾಕರಿಕೆ ಮತ್ತು ವಾಂತಿ, ಅಸಹಜ ಬೆವರುವಿಕೆ, ತೀವ್ರ ಬಾಯಾರಿಕೆ, ಕಡಿಮೆಯಾದ ಮೂತ್ರದ ಉತ್ಪಾದನೆ ಮತ್ತು ಗಾಢ ಹಳದಿ ಬಣ್ಣದ ಮೂತ್ರ, ಮತ್ತು ಪ್ರಜ್ಞೆ ಕಳೆದುಕೊಳ್ಳುವುದು ಲಕ್ಷಣಗಳಾಗಿವೆ.

                    ಸನ್ಬರ್ನ್ ಅನುಮಾನಬಂದರೆ , ವಿಶ್ರಾಂತಿಗಾಗಿ ಬಿಸಿಲಿನ ಸ್ಥಳದಿಂದ ತಂಪಾದ ಸ್ಥಳಕ್ಕೆ ತೆರಳಿ. ಧರಿಸಿರುವ ದಪ್ಪವಾದ ಬಟ್ಟೆಯನ್ನು ಬದಲಾಯಿಸಬೇಕು. ತಣ್ಣೀರಿನಿಂದ ಮುಖ ಮತ್ತು ದೇಹವನ್ನು ಒರೆಸಿ ಫ್ಯಾನ್, ಏರ್ ಕಂಡಿಷನರ್  ಸಹಾಯದಿಂದ ದೇಹವನ್ನು ತಂಪಾಗಿಸಿ ಮತ್ತು ಸಾಕಷ್ಟು ದ್ರವಗಳನ್ನು ಕುಡಿಯಿರಿ. ಆರೋಗ್ಯ ಸ್ಥಿತಿ ಸುಧಾರಿಸದಿದ್ದಲ್ಲಿ ಅಥವಾ ಪ್ರಜ್ಞೆ ತಪ್ಪಿದಲ್ಲಿ ಕೂಡಲೇ ಹತ್ತಿರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವಂತೆ ಸೂಚಿಸಲಾಗಿದೆ.

                ಬೇಸಿಗೆಯಲ್ಲಿ ಬಾಯಾರಿಕೆಯಾಗದಿದ್ದರೂ ಸಾಕಷ್ಟು ನೀರು ಕುಡಿಯುವುದು ಮುಖ್ಯ ತಡೆಗಟ್ಟುವ ಕ್ರಮವಾಗಿದೆ. ಹೆಚ್ಚು ಬೆವರು ಇರುವ ಜನರು ಸಾಕಷ್ಟು ಉಪ್ಪುಸಹಿತ ಗಂಜಿ, ರಸ ಮತ್ತು ನಿಂಬೆ ಪಾನಕವನ್ನು ಕುಡಿಯಬೇಕು. ಆಹಾರದಲ್ಲಿ ಸಾಕಷ್ಟು ನೀರು ಭರಿತ ಹಣ್ಣುಗಳು, ತರಕಾರಿಗಳು ಮತ್ತು ಸಲಾಡ್‍ಗಳನ್ನು ಸೇರಿಸಿ.

             ಕಡಿಮೆ ನೀರು ಕುಡಿಯುವವರು, ಬಿಸಿಲಿನಲ್ಲಿ ಮತ್ತು ಬಯಲಿನಲ್ಲಿ ಕೆಲಸ ಮಾಡುವವರು ಮತ್ತು ಮದ್ಯಪಾನ ಮಾಡುವವರೂ ಹೆಚ್ಚಿನ ಅಪಾಯವನ್ನು ಎದುರಿಸುತ್ತಾರೆ. ಅಂತಹವರಲ್ಲಿ ಬಿಸಿಲಿನ ಬೇಗೆಯ ಲಕ್ಷಣಗಳು ಕಂಡುಬಂದರೆ ತಕ್ಷಣ ಚಿಕಿತ್ಸೆ ಪಡೆಯಬೇಕು.