ಎಂಡೋ ಪೀಡಿತ ಬಾಲಕಿಯ ಸಾವು: ಒಂದೂವರೆ ವರ್ಷದ ಬಾಲಕಿಯ ಶವದೊಂದಿಗೆ ಪ್ರತಿಭಟನೆ

                              

               ಕಾಸರಗೋಡು: ಕಾಸರಗೋಡಲ್ಲಿ ಎಂಡೋಸಲ್ಫಾನ್ ಸಂತ್ರಸ್ತರ ಪ್ರತಿಭಟನೆ ಮತ್ತೊಮ್ಮೆ ತಾರಕಕ್ಕೇರುವ ಸಾಧ್ಯತೆ ಕಂಡುಬಂದಿದೆ.  ಎಂಡೋಸಲ್ಫಾನ್ ದುರಂತದಲ್ಲಿ ಸಾವನ್ನಪ್ಪಿದ ಒಂದೂವರೆ ವರ್ಷ ಹರೆಯದ ಬಾಲಕಿಯ ಶವದೊಂದಿಗೆ ಹೋರಾಟ ಸಮಿತಿ ಪ್ರತಿಭಟನೆ ನಡೆಸುತ್ತಿದೆ.

              ಎಂಡೋಸಲ್ಫಾನ್ ದುರಂತದ ಪ್ರದೇಶದಲ್ಲಿ ಕಳೆದ ಮೂರು ವರ್ಷಗಳಿಂದ ಒಂದೇ ಒಂದು ಶಿಬಿರ ನಡೆದಿಲ್ಲ ಎಂದು ಹೋರಾಟ ಸಮಿತಿ  ಆರೋಪಿಸಿದೆ. ಇದರಿಂದಾಗಿ ಮೊನ್ನೆ ಮೃತಪಟ್ಟ ಶಿಶುವಿಗೆ ಎಂಡೋಸಲ್ಫಾನ್ ಸೋಂಕು ತಗುಲಿದೆ ಎಂಬ ಪ್ರಮಾಣ ಪತ್ರವೂ ಸಿಕ್ಕಿಲ್ಲ ಎಂದು ಹೋರಾಟ ಸಮಿತಿ ಆರೋಪಿಸಿದೆ. ಇದಾದ ನಂತರ ಮಗುವಿಗೆ ತಜ್ಞ ಚಿಕಿತ್ಸೆ ಸೇರಿದಂತೆ ಭಾರಿ ಹಿನ್ನಡೆಯಾಗಿದೆ.

               ಎಂಡೋಸಲ್ಫಾನ್ ನಿಂದ ಬಳಲುತ್ತಿರುವವರ ಪತ್ತೆಗೆ ವಿಶೇಷ ವೈದ್ಯಕೀಯ ಶಿಬಿರ ನಡೆಸುವುದಾಗಿ ಮೂರು ವರ್ಷಗಳ ಹಿಂದೆ ಮುಖ್ಯಮಂತ್ರಿಗಳು ಘೋಷಿಸಿದ್ದರು. 2019ರ ಜನವರಿ 30ರಂದು ತಾಯಂದಿರು ಸೆಕ್ರೆಟರಿಯೇಟ್ ಎದುರು ನಡೆಸುತ್ತಿರುವ ಉಪವಾಸ ಸತ್ಯಾಗ್ರಹದ ಫಲವಾಗಿ ಮುಖ್ಯಮಂತ್ರಿಗಳು ಈ ಘೋಷಣೆ ಮಾಡಿದ್ದರು. 

               ಜಿಲ್ಲೆಯ ಕುಂಬ್ಡಾಜೆ ಪಂಚಾಯತ್ ವ್ಯಾಪ್ತಿಯ ಪೆರಿಂಜದ ಮೊಗೇರ ಬುಡಕಟ್ಟು ಕಾಲೋನಿಯ ಮೋಹನ ಮತ್ತು ಉಷಾ ದಂಪತಿಯ ಪುತ್ರಿ  ಹರ್ಷಿತಾ ಮೊನ್ನೆ ಸಾವನ್ನಪ್ಪಿದೆ. ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜಿನಲ್ಲಿ ಮಗು ಕೊನೆಯುಸಿರೆಳೆಯಿತು. ಮಗು ದೈಹಿಕ ನ್ಯೂನತೆಗಳೊಂದಿಗೆ ಜನಿಸಿತ್ತು. ತಲೆ ದೊಡ್ಡದಾಗಿತ್ತು ಮತ್ತು ದೇಹದ ಹಿಂಭಾಗದಲ್ಲಿ ಗಡ್ಡೆಯಿತ್ತು. ಮಗುವಿಗೆ ಸಂಚರಿಸುವ ಅಥವಾ ಮಾತನಾಡುವ ಸಾಮಥ್ರ್ಯ ಇರಲಿಲ್ಲ. ಎಂಡೋಸಲ್ಫಾನ್ ದುರಂತದ ಪರಿಣಾಮವಾಗಿ ಕಾಸರಗೋಡಿನಲ್ಲಿ ಒಂದು ತಿಂಗಳಲ್ಲಿ ಮೂರನೇ ಮಗು ಸಾವನ್ನಪ್ಪಿದೆ.