ತುಡಿತಾಳಂ-2022: ಜಿಲ್ಲಾ ಮಟ್ಟದ ಸಾಂಪ್ರದಾಯಿಕ ಬುಡಕಟ್ಟು ಉತ್ಸವ ಮುಕ್ತಾಯ

                 ಕಾಸರಗೋಡು: ಮೂರು ದಿನಗಳ ಕಾಲ ಕಾಞಂಗಾಡ್‍ನ ಅಲಾಮಿಪಳ್ಳಿಯಲ್ಲಿ ನಡೆದ ತುಡಿತಾಳಂ ಜನಪ್ರಿಯತೆ ಗಳಿಸಿದೆ ಎಂದು ಕಾಞಂಗಾಡ್ ಬ್ಲಾಕ್ ಪಂಚಾಯಿತಿ ಅಧ್ಯಕ್ಷ ಕೆ. ಮಣಿಕಂಠನ್ ಹೇಳಿದರು.

                   ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ಇಲಾಖೆ ವತಿಯಿಂದ ಆಯೋಜಿಸಿದ್ದ ಜಿಲ್ಲಾ ಮಟ್ಟದ ಬುಡಕಟ್ಟು ಜನಾಂಗದ ಸಾಂಪ್ರದಾಯಿಕ ಕಲಾ ಪ್ರದರ್ಶನ ಮತ್ತು ಮಾರುಕಟ್ಟೆ ಮೇಳದ ತುಡಿತಾಳಂ-2022ರ ನಿನ್ನೆ ನಡೆದ ಸಮಾರೋಪ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. 

                    ಮೇಳವು ತನ್ನ ಹಲವು ನಿರ್ಮಾಣಗಳ ಮೂಲಕ ಪ್ರೇಕ್ಷಕರ ಮನಸ್ಸಿನಲ್ಲಿ ಸ್ಥಾನ ಪಡೆಯಲು ಸಾಧ್ಯವಾಯಿತು. ಕಾಸರಗೋಡು ಗಿರಿಜನ ಅಭಿವೃದ್ಧಿ ಅಧಿಕಾರಿ ಎಂ ಮಲ್ಲಿಕಾ

ಅಧ್ಯಕ್ಷತೆ ವಹಿಸಿದ್ದರು. ಸಾಂಸ್ಕøತಿಕ ಕಾರ್ಯಕರ್ತ ಹರಿದಾಸ ಕೋಳಿಕುಂಡು, ಪರಪ್ಪ ಸಹಾಯಕ ಗಿರಿಜನ ಅಭಿವೃದ್ಧಿ ಅಧಿಕಾರಿ ಎಂ.ಶಶಿ ಮಾತನಾಡಿದರು. ಪರಪ್ಪ ಗಿರಿಜನ ಅಭಿವೃದ್ಧಿ ಅಧಿಕಾರಿ ಹೆರಾಲ್ಡ್ ಜಾನ್ ಸ್ವಾಗತಿಸಿ, ಕಾಸರಗೋಡು ಎಟಿಡಿಒ ಕೆ.ಕೆ.ಮೋಹನ್ ದಾಸ್ ವಂದಿಸಿದರು. 

                        ಪರಿಶಿಷ್ಟ ಪಂಗಡದವರು ಸಾಂಪ್ರದಾಯಿಕವಾಗಿ ಉತ್ಪಾದಿಸುವ ಉತ್ಪನ್ನಗಳಿಗೆ ಮಾರುಕಟ್ಟೆಯನ್ನು ಕಂಡುಕೊಳ್ಳಲು ಮತ್ತು ಅವರ ವಿಶೇಷ ಕಲಾ ಪ್ರಕಾರಗಳನ್ನು ಸಂರಕ್ಷಿಸಲು ತುದಿತಾಳಂ-2022 ಅನ್ನು ಆಯೋಜಿಸಲಾಗಿತ್ತು. ಮೂರು ದಿನಗಳ ಕಾಲ ನಡೆದ ಸಾಂಸ್ಕೃತಿಕ ವೈಭವ ಸಮಾರೋಪಗೊಂಡಿತು. ಈ ಸಂದರ್ಭ ಮಂಗಳಂಕಳಿ, ವಾದಿನೃತ್ಯ ಮತ್ತು ಎರುತುಕಳಿ ನಡೆಯಿತು.