ನಾಗಬ್ರಹ್ಮ ಫ್ರಂಡ್ಸ್ ಕ್ಲಬ್ ತಲೇಕಳ ಸಂಭ್ರಮದ 33ನೇ ವಾರ್ಷಿಕೋತ್ಸವ

             ಮಂಜೇಶ್ವರ: ನಾಗಬ್ರಹ್ಮ ಫ್ರಂಡ್ಸ್ ಕ್ಲಬ್ ತಲೇಕಳ  ಸಂಘದ 33ನೇ ವಾರ್ಷಿಕೋತ್ಸವವು ಇತ್ತೀಚೆಗೆ ಶ್ರೀ ಮಹಾಗಣಪತಿ ಭಜನಾಸಂಘ ಮದಂಗಲ್ಲುಕಟ್ಟೆ ಮಂದಿರದ ವಠಾರದಲ್ಲಿ ಸಂಭ್ರಮದಿಂದ ಜರಗಿತು.

                 ಸಭಾ ಕಾರ್ಯಕ್ರಮದಲ್ಲಿ ಕರ್ನಾಟಕ ಯಕ್ಷಗಾನ ಅಕಾಡೆಮಿ ಸದಸ್ಯ ಯೋಗೀಶ ರಾವ್ ಚಿಗುರುಪಾದೆ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭ ಮಾತನಾಡಿದ ಅವರು ಸಂಘಸಂಸ್ಥೆಗಳು ಸಮಾಜ ಸೇವೆಯಲ್ಲಿ ಹೆಚ್ಚು ಹೆಚ್ಚು ತಮ್ಮನ್ನು ತೊಡಗಿಸಿಕೊಳ್ಳಬೇಕಿದೆ.  ಸರ್ಕಾರದ ಸೇವೆಗಳನ್ನು ಜನರಿಗೆ ತಲುಪಿಸುವಲ್ಲಿ ಕೊಂಡಿಯಾಗಿ ಕೆಲಸಮಾಡಬೇಕಿದೆ. ಇಂದು ಇ ಮಾದ್ಯಮದ ಸೇವೆಯನ್ನು ಹಳ್ಳಿಗರಿಗೆ ಒದಗಿಸಿ ಸೇವೆ ಗೈಯಲು ವಿಪುಲ ಅವಕಾಶವಿದೆ. ಕಲೆ, ಸಂಸ್ಕøತಿ, ಕ್ರೀಡೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಯುವಕರು ಭಾಗವಹಿಸಿ ಆರೋಗ್ಯಪೂರ್ಣ ಸಮಾಜನಿರ್ಮಾಣದಲ್ಲಿ ಯುವಕ ಸಂಘಗಳು ಸೇವೆ ಗೈಯುವಂತಾಗಲಿ ಎಂದು ಹಾರೈಸಿದರು.

                     ಶ್ರೀ ಸಾಯಿ ಸೇವಾಶ್ರಮ ದೈಗೋಳಿ ಇದರ ಆಡಳಿತ ಟ್ರಸ್ಟಿ ಡಾ.ಉದಯಕುಮಾರ್ ನೂಜಿ, ಜಮುನಾ ಜನಸೇವಾ ಸಮಿತಿ ಕಾಸರಗೋಡು ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಸದಾಶಿವ ಕಡಂಬಾರು, ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ಹಾಗೂ ಮಂಜೇಶ್ವರ ಬ್ಲಾಕ್ ಪಂಚಾಯತಿ ಸದಸ್ಯ ರಾಧಾಕೃಷ್ಣ ಭಟ್.ಕೆ.ವಿ., ಮೀಂಜ ಗ್ರಾಮ ಪಂಚಾಯತಿ ಸದಸ್ಯೆ ಜ್ಯೋತಿ ಪಿ ರೈ , ನಾಗಬ್ರಹ್ಮ ಫ್ರಂಡ್ಸ್ ಕ್ಲಬ್ ತಲೇಕಳ  ಸಂಘದ ಅಧ್ಯಕ್ಷ ಪ್ರಕಾಶ್ ಮದಂಗಲ್ಲು ಕಂಬ್ಲ ಗೌರವ ಉಪಸ್ಥಿತರಿದ್ದರು. 

                  ಹಿರಿಯ ಪ್ರಗತಿಪರ ಕೃಷಿಕ, ಭಜನಾ ಕೀರ್ತನಕಾರ ಶ್ರೀ ಸದಾಶಿವಗೋಪಾಲಕೃಷ್ಣ ಭಜನಾಸಂಘದ ಸ್ಥಾಪಕ ಸದಸ್ಯ ಜನಾರ್ಧನ ರೈ ತಲೇಕಳ ಇವರನ್ನು ಕ್ಲಬ್ ವತಿಯಿಂದ ಗಣ್ಯರ ಸಮಕ್ಷಮ ಸನ್ಮಾನಿಸಿ ಗೌರವಿಸಲಾಯಿತು.

                  ನಾಗಬ್ರಹ್ಮ ಫ್ರಂಡ್ಸ್ ಕ್ಲಬ್ ನ ಹಿರಿಯ ಸದಸ್ಯ ಯಶವಂತ ಮಾಡ ನಿರ್ವಹಿಸಿದ ಸಭಾ ಸಮಾರಂಭದಲ್ಲಿ ವಿಠ್ಠಲ್ ಶೆಟ್ಟಿಗಾರ್ ಸ್ವಾಗತಿಸಿ, ರವಿರಾಜ್ ಪೆಲತ್ತೋಡಿ ಸನ್ಮಾನಪತ್ರ ವಾಚಿಸಿದರು, ಯಶವಂತ ಮಾಡ ವಂದಿಸಿದರು. 

                  ಆರಂಭದಲ್ಲಿ ಸ್ಥಳೀಯ ಬಾಲ ಪ್ರತಿಭೆಗಳಿಂದ ನೃತ್ಯ ವೈವಿದ್ಯ ಜರಗಿತು, ಸಭೆಯ ಬಳಿಕ ಮಂಗಳೂರಿನ ಪ್ರಸಿದ್ದ ನಾಟಕ ತಂಡ ಕುಸಲ್ದ ಕಲಾವಿದೆರ್ ಕುಡ್ಲ ತಂಡದವರಿಂದ ಎನ್ನ ಬಂಗ ಎಂಕೇ ಗೊತ್ತು ಎಂಬ ಸಾಮಾಜಿಕ ತುಳುನಾಟಕ ಪ್ರಸ್ತುತಿ ಗೊಂಡಿತು.