ಕೇರಳದಲ್ಲಿ ಗಣನೀಯ ನಿಯಂತ್ರಣಕ್ಕೊಳಪಟ್ಟ ಕೊರೊನಾ: ಇಂದು ರಾಜ್ಯದಲ್ಲಿ 495 ಮಂದಿಗೆ ಕೋವಿಡ್ ಪತ್ತೆ

        ತಿರುವನಂತಪುರ: ರಾಜ್ಯದಲ್ಲಿ ಇಂದು 495 ಮಂದಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಎರ್ನಾಕುಳಂ 117, ತಿರುವನಂತಪುರ 79, ಕೊಟ್ಟಾಯಂ 68, ಕೋಝಿಕ್ಕೋಡ್ 45, ಇಡುಕ್ಕಿ 33, ಕೊಲ್ಲಂ 31, ತ್ರಿಶೂರ್ 30, ಆಲಪ್ಪುಳ 18, ಮಲಪ್ಪುರಂ 17, ಕಣ್ಣೂರು 15, ಪತ್ತನಂತಿಟ್ಟ 13, ವಯನಾಡ್ 13, ಪಾಲಕ್ಕಾಡ್ 12 ಮತ್ತು ಕಾಸರಗೋಡು  4 ಎಂಬಂತೆ ಕೋವಿಡ್ ದೃಢಪಟ್ಟಿದೆ.          ಕಳೆದ 24 ಗಂಟೆಗಳಲ್ಲಿ 15,561 ಮಾದರಿಗಳನ್ನು ಪರೀಕ್ಷಿಸಲಾಗಿದೆ.

        ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಪ್ರಸ್ತುತ 18,024 ಮಂದಿ ಜನರು ನಿಗಾದಲ್ಲಿದ್ದಾರೆ.  ಇವರಲ್ಲಿ 17,399 ಮಂದಿ ಮನೆ/ ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿದ್ದಾರೆ ಮತ್ತು 625 ಮಂದಿ ಆಸ್ಪತ್ರೆಯ ನಿಗಾದಲ್ಲಿದ್ದಾರೆ.  ಒಟ್ಟು 64 ಮಂದಿ ಹೊಸದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ.  ಪ್ರಸ್ತುತ, 5433 ಕೊರೋನಾ ಪ್ರಕರಣಗಳಲ್ಲಿ, ಕೇವಲ 11 ಶೇ. ಜನರು  ಮಾತ್ರ ಆಸ್ಪತ್ರೆ / ಸ್ಥಳೀಯ ಆಸ್ಪತ್ರೆಗಳಿಗೆ ದಾಖಲಾಗಿದ್ದಾರೆ.

       ಕಳೆದ 24 ಗಂಟೆಗಳಲ್ಲಿ ಕೋವಿಡ್ ಬಾಧಿಸಿ ಯಾರೂ ಮೃತರಾಗಿಲ್ಲ.  ಇದಲ್ಲದೆ, ಹಿಂದಿನ ದಿನಗಳಲ್ಲಿ ದಾಖಲೆಗಳ ಸ್ವೀಕೃತಿಯ ವಿಳಂಬದಿಂದ ಎರಡು ಸಾವುಗಳು ಮತ್ತು ಸುಪ್ರೀಂ ಕೋರ್ಟ್‌ನ ಹೊಸ ಮಾರ್ಗಸೂಚಿಗಳ ಅಡಿಯಲ್ಲಿ ಕೇಂದ್ರ ಸರ್ಕಾರವು ಮೇಲ್ಮನವಿ ಸಲ್ಲಿಸಿದ್ದರಿಂದ 22 ಸಾವುಗಳು ವರದಿಯಾಗಿವೆ.  ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸಾವಿನ ಸಂಖ್ಯೆ 67,363ಕ್ಕೆ ಏರಿಕೆಯಾಗಿದೆ.

      ಇಂದು ಸೋಂಕು ದೃಢಪಟ್ಟವರಲ್ಲಿ  ರಾಜ್ಯದ ಹೊರಗಿನವರಿಲ್ಲ.  462 ಮಂದಿ ಸಂಪರ್ಕದಿಂದ ಸೋಂಕಿಗೆ ಒಳಗಾಗಿದ್ದಾರೆ. 28 ಮಂದಿಯ  ಸಂಪರ್ಕ ಮೂಲ ಸ್ಪಷ್ಟವಾಗಿಲ್ಲ.  ಐವರು ಆರೋಗ್ಯ ಕಾರ್ಯಕರ್ತರಿಗೆ ಇಂದು ಸೋಂಕು ದೃಢಪಟ್ಟಿದೆ.

       ಸೋಂಕು ಬಾಧಿಸಿ ಚಿಕಿತ್ಸೆಯಲ್ಲಿದ್ದವರಲ್ಲಿ ಇಂದು 850 ಮಂದಿ ಜನರು ಗುಣಮುಖರಾಗಿದ್ದಾರೆ.  ತಿರುವನಂತಪುರ 111, ಕೊಲ್ಲಂ 98, ಪತ್ತನಂತಿಟ್ಟ 38, ಆಲಪ್ಪುಳ 42, ಕೊಟ್ಟಾಯಂ 117, ಇಡುಕ್ಕಿ 68, ಎರ್ನಾಕುಲಂ 146, ತ್ರಿಶೂರ್ 58, ಪಾಲಕ್ಕಾಡ್ 20, ಮಲಪ್ಪುರಂ 33, ಕೋಝಿಕ್ಕೋಡ್ 53, ವಯನಾಡ್ 21, ಕಣ್ಣೂರು 36, ಕಾಸರಗೋಡು 9 ಮಂದಿ ಎಂಬಂತೆ ಗುಣಮುಖರಾಗಿದ್ದಾರೆ.  ಇದರೊಂದಿಗೆ 5433 ಮಂದಿ ಜನರಿಗೆ ಸೋಂಕು ಪತ್ತೆಯಾಗಿದ್ದು, ಇನ್ನೂ ಚಿಕಿತ್ಸೆ ಪಡೆಯುತ್ತಿದ್ದಾರೆ.  ಇದುವರೆಗೆ 64,54,022 ಮಂದಿ ಕೊರೊನಾದಿಂದ ಮುಕ್ತರಾಗಿದ್ದಾರೆ.