ವಿದೇಶಿಯರಿಗೆ 5 ವರ್ಷಗಳ ಇ-ಟೂರಿಸ್ಟ್ ವೀಸಾ ಮರುಸ್ಥಾಪನೆ: ಕೇಂದ್ರ ಸರ್ಕಾರ ಘೋಷಣೆ

        ನವದೆಹಲಿ: ಭಾರತ ಸರ್ಕಾರ 156 ದೇಶಗಳ ನಾಗರಿಕರಿಗೆ 5 ವರ್ಷಗಳ ಇ-ಟೂರಿಸ್ಟ್ ವೀಸಾ ಮತ್ತು ಎಲ್ಲಾ ದೇಶಗಳ ಪ್ರಜೆಗಳಿಗೆ ನಿಯಮಿತ ಪೇಪರ್ ವೀಸಾವನ್ನು ತಕ್ಷಣದಿಂದಲೇ ಜಾರಿಗೆ ತಂದಿದೆ. ಕೊರೊನಾ ಕಾರಣದಿಂದ ಕೇಂದ್ರ ಸರ್ಕಾರ ಇ- ಟೂರಿಸ್ಟ್ ವೀಸಾ ನೀಡಿಕೆ ಪ್ರಕ್ರಿಯೆಯನ್ನು ಸ್ಥಗಿತಗೊಳಿಸಿತ್ತು.  

      ಅಲ್ಲದೆ ಈ ಹಿಂದೆ ಅಮೆರಿಕ ಮತ್ತು ಜಪಾನ್ ನಾಗರಿಕರಿಗೆ ನೀಡಲಾಗಿದ್ದ 10 ವರ್ಷಗಳ ಅವಧಿಯ ಟೂರಿಸ್ಟ್ ವೀಸಾವನ್ನು ಮರುಸ್ಥಾಪಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

      ಟೂರಿಸ್ಟ್ ಮತ್ತು ಇ-ಟೂರಿಸ್ಟ್ ವೀಸಾ ಹೊಂದಿದ ವಿದೇಶಿಯರು ಭಾರತ ದೇಶವನ್ನು ನಿರ್ದಿಷ್ಟ Sea Immigration ಚೆಕ್ ಪೋಸ್ಟ್ ಅಥವಾ ವಿಮಾನ ನಿಲ್ದಾಣದ Immigration ಚೆಕಿಂಗ್ ಗೆ ಒಳಗಾದ ನಂತರವೇ ಪ್ರವೇಶಿಸಬಹುದಾಗಿದೆ. ಭೂಗಡಿ ಅಥವಾ ನದಿ ಮುಖಾಂತರ ವಿದೇಶಿಯರು ಭಾರತವನ್ನು ಪ್ರವೇಶಿಸುವಂತಿಲ್ಲ.