ದೇಶದ ಆರ್ಥಿಕತೆಗೆ ಯೂಟ್ಯೂಬ್ ಕೊಡುಗೆ 6,800 ಕೋಟಿ ರೂ.!

               ನವದೆಹಲಿ: ಯೂಟ್ಯೂಬ್ ವಿಡಿಯೊ ಸೃಷ್ಟಿಕರ್ತರು 2020ರಲ್ಲಿ ಭಾರತದ ಆರ್ಥಿಕತೆಗೆ 6,800 ಕೋಟಿ ರೂಪಾಯಿ ಕೊಡುಗೆ ನೀಡಿದ್ದಾರೆ ಎಂದು ಗೂಗಲ್ ಮಾಲೀಕತ್ವದ ವೇದಿಕೆ ತಿಳಿಸಿದೆ.

           ಯೂಟ್ಯೂಬ್​ನ ಆರ್ಥಿಕ ಮೌಲ್ಯ ಹೆಚ್ಚಾಗುತ್ತಿದ್ದು 6.83 ಲಕ್ಷ ಪೂರ್ಣಾವಧಿಗೆ ಸಮನಾದ ಉದ್ಯೋಗಗಳನ್ನು ಅದು ಸೃಷ್ಟಿಸಿದೆ ಎಂದು ಗುರುವಾರ ಹೇಳಿದೆ. ಭಾರತದಲ್ಲಿ ಪ್ರಸ್ತುತ 40,000 ಯೂಟ್ಯೂಬ್ ಚಾನೆಲ್​ಗಳಿದ್ದು ಒಂದು ಲಕ್ಷಕ್ಕೂ ಅಧಿಕ ಚಂದಾದಾರರಿದ್ದಾರೆ.

            ಭಾರತದಲ್ಲಿ ಬಹಳಷ್ಟು ಜನರು ಯೂಟ್ಯೂಬ್​ನಲ್ಲಿ ಅವಕಾಶಗಳನ್ನು ಹಾಗೂ ಪ್ರೇಕ್ಷಕರನ್ನು ಪಡೆಯುತ್ತಿದ್ದಾರೆ ಎಂದು ಭಾರತದಲ್ಲಿ ಯೂಟ್ಯೂಬ್​ನ ಆರ್ಥಿಕ, ಸಾಮಾಜಿಕ ಮತ್ತು ಸಾಂಸ್ಕೃತಿಕ ಪರಿಣಾಮ ಕುರಿತ ಹೊಸ ವರದಿಯಲ್ಲಿ 'ಆಕ್ಸ್​ಫರ್ಡ್ ಇಕನಾಮಿಕ್ಸ್' ಹೇಳಿದೆ.