ನವದೆಹಲಿ: ಶಿಕ್ಷಣ ಸಂಸ್ಥೆಗಳಲ್ಲಿ ಹಿಜಾಬ್ ನಿಷೇಧವನ್ನು ಎತ್ತಿ ಹಿಡಿದಿರುವ ಕರ್ನಾಟಕ ಹೈಕೋರ್ಟ್ ತೀರ್ಪಿನ ಬೆನ್ನಲ್ಲೇ ಮುಸ್ಲಿಂ ಸಮುದಾಯವನ್ನು ದಾರಿ ತಪ್ಪಿಸುವ ನಿಟ್ಟಿನಲ್ಲಿ ಸಿಪಿಎಂ ನಾಯಕತ್ವ ಕೋಮುವಾದಿ ಅಭಿಯಾನ ಆರಂಭಿಸಿದೆ. ಪಕ್ಷದ ಪಾಲಿಟ್‍ಬ್ಯುರೊ ಹೊರಡಿಸಿದ ಹೇಳಿಕೆಯಲ್ಲಿ, ಸತ್ಯ ಮತ್ತು ತೀರ್ಪಿನ ಸಾರವನ್ನು ತಿರುಚುವ ಮೂಲಕ ಮುಸ್ಲಿಂ ಸಮುದಾಯವನ್ನು ದಾರಿ ತಪ್ಪಿಸುವ ಪ್ರಯತ್ನ ಮಾಡಿದೆ.
ನಿಷೇಧದ ದೃಢೀಕರಣವು ಕರ್ನಾಟಕದ ಶಿಕ್ಷಣ ಸಂಸ್ಥೆಗಳಿಂದ ಮುಸ್ಲಿಂ ವಿದ್ಯಾರ್ಥಿಗಳನ್ನು ಹೊರಹಾಕಲು ಕಾರಣವಾಗಬಹುದು.
ಪೋಲಿಟ್‍ಬ್ಯೂರೊ ಹಸಿರು ನಿಶಾನೆ ತೋರುವ ಕುರಿತು ಅಧಿಕೃತ ಹೇಳಿಕೆ ನೀಡಿದೆ. ಪಿಬಿ ಹೇಳಿಕೆಯು ಅಗ್ಗದ ರಾಜಕೀಯ ಲಾಭ ಮತ್ತು ಕೋಮು ಶೋಷಣೆಯ ಗುರಿಯನ್ನು ಹೊಂದಿದೆ ಎಂಬ ಟೀಕೆ ವ್ಯಕ್ತವಾಗಿದೆ.
ಕರ್ನಾಟಕ ಹೈಕೋರ್ಟ್‍ನ ನಿಷೇಧವನ್ನು ಎತ್ತಿ ಹಿಡಿದಿರುವ ತೀರ್ಪು ದುರದೃಷ್ಟಕರ ಮತ್ತು ಸಂವಿಧಾನವು ಭರವಸೆ ನೀಡಿರುವ ತಾರತಮ್ಯರಹಿತ ಶಿಕ್ಷಣದ ಹಕ್ಕಿಗೆ ಗಂಭೀರವಾದ ಹೊಡೆತ ಎಂದು ಪೋಲಿಟ್‍ಬ್ಯೂರೊ ಹೇಳಿಕೆಯಲ್ಲಿ ತಿಳಿಸಿದೆ.
ಕರ್ನಾಟಕದ ಶಿಕ್ಷಣ ಸಂಸ್ಥೆಗಳಲ್ಲಿ ಶಿರಸ್ತ್ರಾಣವನ್ನು ಧರಿಸಲು ಅನುಮತಿ ನೀಡಬೇಕೆ ಎಂದು ನಿರ್ಧರಿಸಲು ಶಾಸಕರ ನೇತೃತ್ವದ ಸಮಿತಿಗಳಿಗೆ ಹೈಕೋರ್ಟ್‍ನಿಂದ ಅಧಿಕಾರ ನೀಡಲಾಗಿದೆ. ಕೋಮು ಧ್ರುವೀಕರಣವನ್ನು ಬಲಪಡಿಸುವ ಬಿಜೆಪಿಯ ಅಜೆಂಡಾದಲ್ಲಿ ಕಾರ್ಯನಿರ್ವಹಿಸಲು ಶಾಸಕರಿಗೆ ಅಧಿಕಾರ ನೀಡುವುದು ದೇಶಾದ್ಯಂತ ಅಪಾಯಕಾರಿ ಪರಿಣಾಮಗಳನ್ನು ಬೀರುತ್ತದೆ ಎಂದು ಪೆÇಲಿಟ್‍ಬ್ಯುರೊ ಹೇಳಿಕೆ ಗಮನಿಸಿದೆ. ಹೈಕೋರ್ಟ್ ತೀರ್ಪಿನ ವಿರುದ್ಧದ ಮೇಲ್ಮನವಿಯನ್ನು ತಕ್ಷಣವೇ ಪರಿಗಣಿಸುವಂತೆ ಸುಪ್ರೀಂ ಕೋರ್ಟ್‍ಗೆ ಮನವಿ ಮಾಡಿದೆ.
DOCTYPE html>
