ಕಾಸರಗೋಡು ಬ್ಲಾಕ್ ಪಂಚಾಯತ್ ಅಭಿವೃದ್ಧಿಯ ಹಂತಗಳಲ್ಲಿ ಮೇಲ್ಮೈ: ಅಧ್ಯಕ್ಷೆ

                ಕಾಸರಗೋಡು: ಕಾಸರಗೋಡು ಬ್ಲಾಕ್ ಪಂಚಾಯತ್ ತುಳುನಾಡಿನ ಅಭಿವೃದ್ಧಿಗೆ ಬೆಂಬಲ ನೀಡುವ ಪ್ರಮುಖ ಸ್ಥಳೀಯ ಆಡಳಿತ ಸಂಸ್ಥೆಯಾಗಿದೆ. ಈ ಕ್ಷೇತ್ರವು ಚೆಂಗಳ, ಚೆಮ್ಮನಾಡು, ಮಧೂರು, ಬದಿಯಡ್ಕ,  ಮೊಗ್ರಾಲ್ ಪುತ್ತೂರು ಮತ್ತು ಕುಂಬಳೆ ಗ್ರಾಮ ಪಂಚಾಯತ್‍ಗಳನ್ನು ಒಳಗೊಂಡಿದೆ. ಬ್ಲಾಕ್ ಪಂಚಾಯಿತಿ ಅಧ್ಯಕ್ಷೆ ಸಿ.ಎ.ಸೈಮಾ ಈ ಬಗ್ಗೆ ಮಾಹಿತಿ ನೀಡಿದ್ದು, ಅಲ್ಪಸಂಖ್ಯಾತರು ಹಾಗೂ ವೈವಿಧ್ಯಮಯ ಸಂಸ್ಕøತಿಗಳಿಂದ ಕೂಡಿರುವ ಈ ಭಾಗದ ಭವಿಷ್ಯದ ಅಭಿವೃದ್ಧಿ ದೃಷ್ಟಿ ಹಾಗೂ ಯೋಜನೆಗಳ ಕುರಿತು ಮಾತನಾಡಿರುವರು.

                                ಕುಡಿಯುವ ನೀರು ಮತ್ತು ನೀರಿನ ಸಂರಕ್ಷಣೆಗೆ ಆದ್ಯತೆ:

               ಅಂತರ್ಜಲ ಗಣನೀಯವಾಗಿ ಕುಸಿದು ನೀರಿನ ಅಭಾವ ಎದುರಿಸುತ್ತಿರುವ ಬ್ಲಾಕ್ ಪಂಚಾಯತ್ ಕಾಸರಗೋಡು. ಬ್ಲಾಕ್ ಪಂಚಾಯಿತಿಯು ಜಲ ಸಂರಕ್ಷಣೆಗಾಗಿ ಸಮಗ್ರ ಯೋಜನೆಗಳನ್ನು ರೂಪಿಸಿ ಅನುಷ್ಠಾನಗೊಳಿಸಿದೆ. ವಿವಿಧ ಜಲ ಸಂರಕ್ಷಣಾ ಯೋಜನೆಗಳ ಭಾಗವಾಗಿ ಬ್ಲಾಕ್‍ನಲ್ಲಿ ಅಂತರ್ಜಲ ಮಟ್ಟವನ್ನು ಶೇಕಡಾ ನಾಲ್ಕು ರಷ್ಟು ಹೆಚ್ಚಿಸಲಾಗಿದೆ. ಎಲ್.ಜಿ. ಆರ್.ಇ ಜಿ ನಿಧಿಯ ಸುಮಾರು 75 ಶೇ. ನೀರಿನ ಸಂರಕ್ಷಣೆ ಮತ್ತು ಜಲ ಸಂಪನ್ಮೂಲಗಳ ಸಂರಕ್ಷಣೆಗಾಗಿ ಬಳಸಲಾಗುತ್ತದೆ. ಈ ವರ್ಷ 1 ಕೋಟಿ ರೂ.ಗಳ ಕುಡಿಯುವ ನೀರಿನ ಯೋಜನೆಗಳನ್ನು ಬ್ಲಾಕ್ ಪಂಚಾಯಿತಿ ನಡೆಸುತ್ತಿದೆ. 53 ಲಕ್ಷ ಮೌಲ್ಯದ ಕುಡಿಯುವ ನೀರಿನ ಯೋಜನೆಗಳನ್ನು 2022-23ರ ಯೋಜನೆಯಲ್ಲಿ ಸೇರಿಸಲಾಗಿದೆ. ಮಿಷನ್ ಜಲ ಸಂರಕ್ಷಣಾ ಯೋಜನೆಯನ್ನು ವ್ಯಾಪಕವಾಗಿ ಅನುಷ್ಠಾನಗೊಳಿಸಲಾಗುತ್ತಿದೆ.

                            ಕೊರಗ ವಿಭಾಗಕ್ಕೆ ವಿಶೇಷ ಯೋಜನೆಗಳು

            ಬದಿಯಡ್ಕ  ಪಂಚಾಯತ್ ವ್ಯಾಪ್ತಿಯ ಪೆರಡಾಲ ಕೊರಗ ಕಾಲೋನಿಯ ಸಮಗ್ರ ಅಭಿವೃದ್ಧಿಗೆ ಬ್ಲಾಕ್ ಪಂಚಾಯತ್ ಹಣ ಮೀಸಲಿಟ್ಟಿದೆ. ಕಾಲೋನಿಯಲ್ಲಿ 44 ಕುಟುಂಬಗಳು ಯೋಜನೆಯ ಫಲಾನುಭವಿಗಳು. ವಸತಿ, ಮನೆ ನವೀಕರಣ, ಶೌಚಾಲಯ ನಿರ್ಮಾಣ, ನೀರಾವರಿ ಬಾವಿ, ಕುಡಿಯುವ ನೀರಿನ ಪೈಪ್‍ಲೈನ್, ಗ್ಯಾಸ್ ಸಂಪರ್ಕ, ಸೋಲಾರ್ ಲೈಟ್, ದನ, ಕುರಿ ಸಾಕಣೆ, ಬಾವಿ ರೀಚಾರ್ಜ್, ಮಳೆನೀರು ಕೊಯ್ಲು  ಮತ್ತು ಭೂಕುಸಿತ ತಡೆಗಟ್ಟುವಿಕೆಗೆ ಯೋಜನೆ ಇರಿಸÀಲಾಗಿದೆ.

                                         ಕ್ರೀಡಾ ಕ್ಷೇತ್ರಕ್ಕೂ ಪರಿಗಣನೆ: 

                 ಚೆಂಗಳ ಪಂಚಾಯಿತಿಯ ತೆರೆದ ಕ್ರೀಡಾಂಗಣದಲ್ಲಿ ಒಳಾಂಗಣ ಕ್ರೀಡಾಂಗಣ ನಿರ್ಮಿಸಲಾಗುತ್ತಿದೆ. ಏಪ್ರಿಲ್ ವೇಳೆಗೆ ನನಸಾಗಲಿರುವ ಬ್ಲಾಕ್ ಪಂಚಾಯಿತಿಯ ಕನಸಿನ ಯೋಜನೆ ಕಾಮಗಾರಿಯ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಂಡಿದೆ. ಬ್ಲಾಕ್ ಪಂಚಾಯಿತಿ, ಗ್ರಾಮ ಪಂಚಾಯಿತಿ ಮತ್ತು ಜಿಲ್ಲಾ ಪಂಚಾಯಿತಿ ಜಂಟಿಯಾಗಿ ಸಿದ್ಧಪಡಿಸಿರುವ ಯೋಜನೆಗೆ `2.5 ಕೋಟಿ ಮೀಸಲಿಡಲಾಗಿದೆ. 8700 ಚದರ ಅಡಿಯ ಕ್ರೀಡಾಂಗಣವನ್ನು ಕ್ರೀಡೆ ಮತ್ತು ತರಬೇತಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಸ್ಪೋಟ್ರ್ಸ್ ಕೌನ್ಸಿಲ್ ಆಶ್ರಯದಲ್ಲಿ, ಬ್ಲಾಕ್ ಪಂಚಾಯತ್ ಸಹಯೋಗದಲ್ಲಿ ಆಯೋಜಿಸಲಾದ ಪೈಕ ಕ್ರೀಡಾಕೂಟವು ಅತ್ಯುತ್ತಮ ಕ್ರೀಡಾಪಟುಗಳನ್ನು ರೂಪಿಸಲು ಸಹಾಯ ಮಾಡುತ್ತದೆ.

                                      ಆರೋಗ್ಯ ಕ್ಷೇತ್ರದಲ್ಲಿ ಪ್ರಬಲÀ ಚಟುವಟಿಕೆಗಳು:

                ಮುಖ್ಯ ಆರೋಗ್ಯ ಕೇಂದ್ರಗಳು ಕುಂಬಳೆ ಮತ್ತು ಬದಿಯಡ್ಕ  ಸಿಎಚ್‍ಸಿಗಳು ಮತ್ತು ಒಂಬತ್ತು ಪ್ರಾಥಮಿಕ ಆರೋಗ್ಯ ಕೇಂದ್ರಗಳು, ಕಳನಾಡು ಹೋಮಿಯೋ ಆಸ್ಪತ್ರೆ, ನಾಲ್ಕು ಹೋಮಿಯೋ ಡಿಸ್ಪೆನ್ಸರಿಗಳು, 2 ಎನ್‍ಆರ್‍ಹೆಚ್‍ಎಂ ಡಿಸ್ಪೆನ್ಸರಿಗಳು ಮತ್ತು ಆಯುರ್ವೇದ ಆಸ್ಪತ್ರೆಗಳು. ಜೀವನಶೈಲಿ ರೋಗ ಚಿಕಿತ್ಸೆ, ಸಾಂಕ್ರಾಮಿಕ ರೋಗ ತಡೆಗಟ್ಟುವ ಯೋಜನೆಗಳು ಮತ್ತು ಉಪಶಮನ ಆರೈಕೆಯಂತಹ ವಿವಿಧ ಚಟುವಟಿಕೆಗಳನ್ನು ನಡೆಸಲಾಗುತ್ತಿದೆ. ಕೋವಿಡ್ ತಡೆಗಟ್ಟುವ ಚಟುವಟಿಕೆಗಳಿಗೆ ಅಗತ್ಯವಿರುವ ಮಾಸ್ಕ್‍ಗಳು, ಪಲ್ಸ್ ಆಕ್ಸಿಮೀಟರ್, ಪಿಪಿಇ ಕಿಟ್, ಸ್ಯಾನಿಟೈಜರ್ ಮತ್ತು ಇತರ ಉಪಕರಣಗಳು ಮತ್ತು ಸೇವೆಗಳನ್ನು ಬ್ಲಾಕ್ ಪಂಚಾಯತ್ ಒದಗಿಸಿದೆ.

                             ದ್ವಿತೀಯ ಉಪಶಾಮಕ ಆರೈಕೆ:

             ಸೆಕೆಂಡರಿ ಉಪಶಾಮಕ ಆರೈಕೆಯು ಅತ್ಯುತ್ತಮ ರೀತಿಯದ್ದಾಗಿದೆ. ಬದಿಯಡ್ಕ ಮತ್ತು ಕುಂಬಳೆ,  ಸಿಎಚ್‍ಸಿಗಳಿಗೆ ಉಪಶಾಮಕ ಆರೈಕೆಗಾಗಿ ಕ್ರಮವಾಗಿ 8,50,000 ಮತ್ತು 5,00,000 ರೂ. ಆಸ್ಪತ್ರೆಯ ಸಿಬ್ಬಂದಿ ತುಂಬಾ ಕಾಳಜಿಯಿಂದ ಹಾಸಿಗೆ ಹಿಡಿದವರಿಗೆ ಸೇವೆ ಸಲ್ಲಿಸುತ್ತಾರೆ.

                           ಮಹಿಳೆಯರು, ವೃದ್ಧರು ಮತ್ತು ಅಂಗವಿಕಲರ ಪಾಲನೆ: 

              ಕಾಸರಗೋಡು ಬ್ಲಾಕ್ ಪಂಚಾಯತ್‍ನ ಜನಸಂಖ್ಯೆಯಲ್ಲಿ ಹೆಚ್ಚು ಪಾಲು ಮಹಿಳೆಯರು. ಕುಟುಂಬಶ್ರೀ ಸೇರಿದಂತೆ ನಾನಾ ಯೋಜನೆಗಳಿಂದ ಮಹಿಳೆಯರ ಸಾಮಾಜಿಕ, ಆರ್ಥಿಕ ಸ್ಥಿತಿ ಬದಲಾಗಿದೆ. ಜಾಗೃತ ಸಮಿತಿಗಳು, ಮಹಿಳಾ ಗುಂಪುಗಳಿಗೆ ಸ್ವ-ಸಹಾಯ ಗುಂಪುಗಳು ಮತ್ತು ಹದಿಹರೆಯದವರಿಗೆ ಪೌಷ್ಟಿಕಾಂಶದ ಸೇವೆಗಳನ್ನು ಒದಗಿಸುವ ಜಾಗೃತಿ ತರಗತಿಗಳು. ವಿಕಲಚೇತನ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನ ಹಾಗೂ ಪಂಚಾಯತಿಗಳಿಗೆ ಆಹಾರಧಾನ್ಯ ಹಂಚಿಕೆ ಮಾಡಲಾಯಿತು. ವೃದ್ಧರ ಡೇ ಕೇರ್ ಮತ್ತು ಆರೋಗ್ಯಕರ ಸಾಮಾಜಿಕ ವಾತಾವರಣಕ್ಕಾಗಿ ಡೇ ಕೇರ್ ಯೋಜನೆಗೆ `5 ಲಕ್ಷ ಬ್ಲಾಕ್ ಹಂಚಿಕೆ ಮಾಡಲಾಗಿದೆ.

                           ವಸತಿ ಯೋಜನೆಗಳ ಅನುಷ್ಠಾನ

                   ಲೈಫ್ ಮತ್ತು ಪಿಎಂಎವೈ ನಂತಹ ವಸತಿ ಯೋಜನೆಗಳು ಪರಿಣಾಮಕಾರಿಯಾಗಿ ನಡೆಯುತ್ತಿವೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ವಸತಿ ಯೋಜನೆಗಳಿಗೆ ಮಾತ್ರ 73,67,600 ಕೋಟಿ ರೂ.ಮೀಸಲಿಡಲಾಗಿದೆ.

                                 ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ಕಲ್ಯಾಣ ಚಟುವಟಿಕೆಗಳು

               ಪರಿಶಿಷ್ಟ ಪಂಗಡಗಳಿಗೆ ಲೈಪ್ ವಸತಿ ಯೋಜನೆ ಹಂಚಿಕೆ ಮತ್ತು ವಿದ್ಯಾರ್ಥಿಗಳಿಗೆ ಮೆರಿಟೋರಿಯಲ್ ವಿದ್ಯಾರ್ಥಿವೇತನ ನೀಡಲಾಗುವುದು. ಬ್ಲಾಕ್ ಪಂಚಾಯಿತಿ ವತಿಯಿಂದ ಪರಿಶಿಷ್ಟ ಜಾತಿಯವರಿಗೆ ಜೀವ ವಸತಿ ಯೋಜನೆ, ವಿದ್ಯಾರ್ಥಿಗಳಿಗೆ ಮೆರಿಟೋರಿಯಸ್ ಸ್ಕಾಲರ್ ಶಿಪ್, ಕುಡಿಯುವ ನೀರಿನ ಟ್ಯಾಂಕ್, ವಿವಿಧ ಕಾಲೋನಿ ರಸ್ತೆಗಳ ಕಾಂಕ್ರೀಟ್ ಕಾಮಗಾರಿ, ಕುಡಿಯುವ ನೀರು ಮತ್ತು ಚರಂಡಿ ಕಾಮಗಾರಿಗಳನ್ನು ಕೈಗೆತ್ತಿಕೊಂಡಿದೆ.

                             ಉತ್ಪಾದನಾ ವಲಯದಲ್ಲಿ ಅತ್ಯುತ್ತಮ ಸಾಧನೆ

             ಸುಭಿಕ್ಷ ಕೇರಳ ಯೋಜನೆಯಡಿ ಹಣವನ್ನು ಒದಗಿಸಲಾಗಿದೆ ಮತ್ತು ಯೋಜನೆಯ ಭಾಗವಾಗಿ ಭತ್ತದ ಕೃಷಿಗೆ ಕೂಲಿಯನ್ನು ನೀಡಲಾಯಿತು. ಹೈನುಗಾರರಿಗೆ ಪ್ರಯೋಜನಗಳು, ನೀರಾವರಿಗಾಗಿ ಕೆರೆಗಳ  ನವೀಕರಣಗಳು ಮತ್ತು ವಿಸಿಬಿ ಮತ್ತು ಚೆಕ್ ಡ್ಯಾಂ ನಿರ್ಮಾಣವು ಉತ್ಪಾದನಾ ಕ್ಷೇತ್ರದಲ್ಲಿ ಬ್ಲಾಕ್ ಪಂಚಾಯತ್ ಜಾರಿಗೊಳಿಸಿದ ಯೋಜನೆಗಳಾಗಿವೆ.