ಕೈಯೂರು ಚೀಮೇನಿ ಗ್ರಾಮ ಪಂಚಾಯಿತಿಯ ಕರಡು ಅಭಿವೃದ್ಧಿ ದಾಖಲೆ ಬಿಡುಗಡೆ

         ಕಾಸರಗೋಡು:  ಕೈಯೂರು ಚೀಮೇನಿ ಗ್ರಾಮ ಪಂಚಾಯಿತಿಯು 14ನೇ ಪಂಚವಾರ್ಷಿಕ ಯೋಜನೆ ಕರಡನ್ನು ಬಿಡುಗಡೆ ಮಾಡಲಾಗಿದೆ. ಅಭಿವೃದ್ಧಿ ಮತ್ತು ಸಮಾಜ ಸೇವೆಯಲ್ಲಿ ತನ್ನ ಶ್ರೇಷ್ಠತೆಯನ್ನು ಸಾಬೀತುಪಡಿಸುವ ಕರಡು ಗಮನ ಸೆಳೆದಿದೆ. ಶಾಸಕ ಎಂ.ರಾಜಗೋಪಾಲನ್ ಅವರು ಪಂಚಾಯಿತಿ ಅಭಿವೃದ್ಧಿ ಸಮಿತಿ ಸಂಚಾಲಕ ದಿಲೀಪ ತಂಗಚ್ಚನ್ ಅವರಿಗೆ ಕರಡು ಪ್ರತಿ ಬಿಡುಗಡೆ ಮಾಡಿದರು. ಮೂಲಸೌಕರ್ಯ ಅಭಿವೃದ್ಧಿ, ಕುಡಿಯುವ ನೀರು, ನೈರ್ಮಲ್ಯ, ಸಮಗ್ರ ಆರೋಗ್ಯ, ಸಂಪೂರ್ಣ ಶಿಕ್ಷಣ, ಬಡತನ ನಿರ್ಮೂಲನೆ, ಆಹಾರ ಸ್ವಾವಲಂಬನೆ, ಸಮಗ್ರ ಕೃಷಿ ಅಭಿವೃದ್ಧಿ, ಕೈಗಾರಿಕೆ, ಪ್ರವಾಸೋದ್ಯಮ, ಅಸಾಂಪ್ರದಾಯಿಕ ಇಂಧನ ಮೂಲಗಳ ಬಳಕೆ, ಕಾರ್ಬನ್ ನ್ಯೂಟ್ರಲ್ ಪಂಚಾಯತ್, ಡೋರ್ ಸೇವೆಗಳು ಮತ್ತು ವೃದ್ಧಾಪ್ಯ ಸೇವೆಗಳು, ಮಕ್ಕಳ ಸ್ನೇಹಿ ಪಂಚಾಯತಿಗಳು, ಆಧುನಿಕ ಕ್ರೀಡಾಂಗಣಗಳ ನಿರ್ಮಾಣ, ಸ್ಥಳೀಯ ಇತಿಹಾಸ ಬರವಣಿಗೆಯ ಪಂಚಾಯತಿ ಮಟ್ಟದ ಸಮನ್ವಯ, ಸಾಂಸ್ಕøತಿಕ ಮತ್ತು ಕ್ರೀಡಾ ಚಟುವಟಿಕೆಗಳು ಮತ್ತು ಜನತಾ ಸಮಿತಿಯ ಮೂಲಕ ಯೋಜನಾ ನಿರ್ವಹಣೆಯನ್ನು ಒಳಗೊಂಡಿದೆ. ಪಂಚಾಯಿತಿ ವ್ಯಾಪ್ತಿಯ ಸಂಪೂರ್ಣ ಪ್ರದೇಶಗಳನ್ನು ಮುಟ್ಟಿ ಅಭಿವೃದ್ಧಿ ದಾಖಲೆ ಸಿದ್ಧಪಡಿಸಲಾಗಿದೆ. ಕಾರ್ಯದರ್ಶಿ ಟಿ.ಎ.ಕೃಷ್ಣಕುಮಾರ್, ಉಪಾಧ್ಯಕ್ಷೆ ಎಂ.ಶಾಂತಾ, ಯೋಜನಾ ಸಮಿತಿ ಉಪಾಧ್ಯಕ್ಷ ಪಿ. ಕುಂಞÂ್ಞ ಕಣ್ಣನ್, ಮಾಜಿ ಅಧ್ಯಕ್ಷ ಎಂ.ಬಾಲಕೃಷ್ಣನ್, ವಿವಿಧ ರಾಜಕೀಯ ಪಕ್ಷಗಳ ಪರವಾಗಿ ಕಯಾನಿ ಕುಂಞÂ್ಞ ಕಣ್ಣನ್, ವೈಎಂಸಿ ಚಂದ್ರಶೇಖರನ್, ಅಸೈನಾರ್ ಮೌಲವಿ ಹಾಗೂ ಅಭಿವೃದ್ಧಿ ಸ್ಥಾಯಿ ಸಮಿತಿ ಅಧ್ಯಕ್ಷ ಎ.ಜಿ.ಅಜಿತ್ ಕುಮಾರ್ ಮಾತನಾಡಿದರು.