'ಕ್ಷಮಿಸು ಕೇರಳ': ಶೂಟೌಟ್ ಸೋಲಿಗೆ ಕೇರಳ ಬ್ಲಾಸ್ಟರ್ಸ್ ಗೋಲ್‍ಕೀಪರ್ ಗಿಲ್ ಕ್ಷಮೆಯಾಚನೆ

                                                    

                   ಪಣಜಿ: ಐಎಸ್ ಎಲ್ ಫುಟ್ ಬಾಲ್ ಫೈನಲ್ ಪಂದ್ಯದಲ್ಲಿ ಸೋಲಿನ ಬಳಿಕ ಕೇರಳ ಬ್ಲಾಸ್ಟರ್ಸ್ ತಂಡದ ಗೋಲ್ ಕೀಪರ್ ಪ್ರಭುಸುಖಾನ್ ಸಿಂಗ್ ಗಿಲ್ ಅಭಿಮಾನಿಗಳಲ್ಲಿ ಕ್ಷಮೆಯಾಚಿಸಿದ್ದಾರೆ. ಸೋಲಿನ ಜವಾಬ್ದಾರಿಯನ್ನು ತಾನು ತೆಗೆದುಕೊಳ್ಳುತ್ತೇನೆ ಮತ್ತು ತಪ್ಪುಗಳಿಂದ ಪಾಠ ಕಲಿಯುತ್ತೇನೆ ಮತ್ತು ಮುಂಬರುವ ಋತುಗಳಲ್ಲಿ ಉತ್ತಮ ಪ್ರದರ್ಶನ ನೀಡುತ್ತೇನೆ ಎಂದು ಗಿಲ್ ಹೇಳಿದರು.

                 "ಕ್ಷಮಿಸಿ ಕೇರಳ" ಎಂದು ಗಿಲ್ ಟ್ವೀಟ್ ಮಾಡಿದ್ದಾರೆ. ಮೊನ್ನೆ ಗೋವಾದ ಫಟೋರ್ಡಾ ಸ್ಟೇಡಿಯಂನಲ್ಲಿ ನಡೆದ ಪೆನಾಲ್ಟಿ ಪಂದ್ಯದಲ್ಲಿ ಬ್ಲಾಸ್ಟರ್ಸ್ ಸೋಲನುಭವಿಸಿತ್ತು. ಶೂಟೌಟ್‍ನಲ್ಲಿ ಹೈದರಾಬಾದ್‍ನ ಜೇವಿಯರ್ ಸಿವಿಯೆರೊ ಅವರ ಚೆಂಡನ್ನು ಹೊರತುಪಡಿಸಿ ಒಂದೇ ಒಂದು ಕಿಕ್ ಅನ್ನು ತಡೆಯಲು ಗಿಲ್‍ಗೆ ಸಾಧ್ಯವಾಗಲಿಲ್ಲ.

             ಫೈನಲ್‍ನಲ್ಲಿ ಸೋಲಿನ ಹೊರತಾಗಿಯೂ, ಕೇರಳ ಬ್ಲಾಸ್ಟರ್ಸ್ ಈ ಋತುವಿನ ಅತ್ಯುತ್ತಮ ಗೋಲ್‍ಕೀಪರ್‍ಗಾಗಿ ಗೋಲ್ಡನ್ ಗ್ಲೋವ್ ಪ್ರಶಸ್ತಿಯೊಂದಿಗೆ ಮರಳಿತು. ಗಿಲ್ ಗೋಲ್ಡನ್ ಗ್ಲೋ ಪ್ರಶಸ್ತಿಯನ್ನು ಪಡೆದರು. ಪಂದ್ಯಾವಳಿಯುದ್ದಕ್ಕೂ ಅತ್ಯುತ್ತಮ ಪ್ರದರ್ಶನ ನೀಡಿದ ಗಿಲ್ ಅವರಿಗೆ ಪ್ರಶಸ್ತಿ ಲಭಿಸಿದೆ.