ಕೋವಿಡ್‌ ಜಾಗೃತಿ: ಮೊಬೈಲ್ ಕಾಲರ್ ಟ್ಯೂನ್ ಕೈಬಿಡಲು ಚಿಂತನೆ

              ನವದೆಹಲಿ: ಕೋವಿಡ್‌-19ರ ಕುರಿತು ಜನರಲ್ಲಿ ಜಾಗೃತಿ ಮೂಡಿಸಲು ದೂರವಾಣಿ ಕರೆಗಿಂತ ಮೊದಲು ಪ್ರಸಾರವಾಗುತ್ತಿದ್ದ ಧ್ವನಿ ಸಂದೇಶವನ್ನು ಕೈಬಿಡಲು ಸರ್ಕಾರ ಚಿಂತನೆ ನಡೆಸಿದೆ.

             ಈ ಧ್ವನಿ ಸಂದೇಶದ ಕಾರಣ ತುರ್ತು ಸಂದರ್ಭಗಳಲ್ಲಿ ನಿರ್ಣಾಯಕ ಕರೆಗಳು ವಿಳಂಬವಾಗುತ್ತಿದ್ದು, ಈ ಕಾರಣಕ್ಕೆ ಕೈಬಿಡಲು ಚಿಂತನೆ ನಡೆಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

             ಜಾಗೃತಿ ಮೂಡಿಸುವ ಧ್ವನಿ ಸಂದೇಶ ಮತ್ತು ಕಾಲರ್‌ ಟ್ಯೂನ್‌ ಅನ್ನು ಕೈಬಿಡಬೇಕೆಂದು ಆಗ್ರಹಿಸಿ ದೂರಸಂಪರ್ಕ ಇಲಾಖೆಯು ಕೇಂದ್ರ ಆರೋಗ್ಯ ಸಚಿವಾಲಯಕ್ಕೆ ಪತ್ರ ಬರೆದಿದೆ ಎಂದು ಹೇಳಿವೆ.

                  'ದೇಶದಲ್ಲಿ ಕೋವಿಡ್‌ ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಿರುವ ಕಾರಣ ಇದರ ಪ್ರಸಾರವನ್ನು ನಿಲ್ಲಿಸುವ ಕುರಿತು ಆರೋಗ್ಯ ಸಚಿವಾಲಯ ಚಿಂತನೆ ನಡೆಸಿದೆ ಎಂದೂ ಮೂಲಗಳು ತಿಳಿಸಿವೆ.