ಕೊಚ್ಚಿ: ಸಿಲ್ವರ್ ಲೈನ್ ಯೋಜನೆಗೆ ಕಲ್ಲು ಹಾಕಲು ಬಂದ ಅಧಿಕಾರಿಗಳ ವಿರುದ್ಧ ಮುವಾಟ್ಟುಪುಳದಲ್ಲಿ ಕೆಲವು ಕುಟುಂಬಗಳು ವಿರೋಧ ವ್ಯಕ್ತಪಡಿಸಿ ನಾಯಿಗಳನ್ನು ಛೂ ಬಿಟ್ಟ ಘಟನೆ ನಡೆದಿದೆ. ಗೇಟ್ ಮುಚ್ಚಿದ್ದರಿಂದ, ಅಧಿಕಾರಿಗಳು ಗೋಡೆ ಹಾರಿ ನಿವೇಶನದೊಳಗೆ ಕೌಂಪೌಂಡ್ ಹಾರಿ ಕಲ್ಲಿರಿಸುವುದನ್ನು ಗಮನಿಸಿ ಜನರು ಸಾಕುನಾಯಿಗಳನ್ನು ಛೂ ಬಿಟ್ಟರು. ಇದರಿಂದ ಅಧಿಕಾರಿಗಳು ಸರ್ವೇ ಕಲ್ಲಿರಿಸುವುದರಿಂದ ಹಿಂದೆ ಸರಿದರು. ಸಿಲ್ವರ್ ಲೈನ್ ಸರ್ವೇಕಲ್ಲಿರಿಸುವುದನ್ನು ವಿರೋಧಿಸಿ ಇಂದು ರಾಜ್ಯಾದ್ಯಂತ ಬೃಹತ್ ಪ್ರತಿಭಟನೆ ನಡೆದಿದೆ.
ತಿರುವನಂತಪುರಂ ಮುರುಕ್ಕಪುಳ ಮತ್ತು ಕೋಯಿಕ್ಕೋಡ್ ಮಾಥೋಟ್ಟಂನಲ್ಲಿ ಅಧಿಕಾರಿಗಳ ವಿರುದ್ಧ ಪ್ರತಿಭಟನೆಗಳು ನಡೆದವು. ಕಲ್ಲು ಇರಿಸಲು ಬಂದಿದ್ದ ಅಧಿಕಾರಿಗಳ ವಿರುದ್ಧ ಮಹಿಳೆಯರೂ ಪ್ರತಿಭಟನೆ ನಡೆಸಿದರು. ಮುರುಕ್ಕುಂಪುಳ ರೈಲು ನಿಲ್ದಾಣದ ಬಳಿಯ ಬಿಬಿನಾ ಕಾಟೇಜ್‌ನಲ್ಲಿರುವ ಬಿಬಿನಾ ಲಾರೆನ್ಸ್ ಅವರ ಮನೆಗೆ ಬಂದಾಗ, ಅಧಿಕಾರಿಗಳನ್ನು ಮಹಿಳೆಯರು ತಡೆದರು. ಎರಡನೇ ಸುತ್ತಿನ ಸರ್ವೇ ನಡೆಯಲಿದೆ ಎನ್ನುತ್ತಾರೆ ಬಿಬಿನಾ. ವರ್ಷಗಳ ಹಿಂದೆ, ಬಿಬಿನಾ ಅವರ ಹತ್ತು ಸೆಂಟ್ಸ್ ಆಸ್ತಿಯನ್ನು ರೈಲ್ವೆ ಮಾರ್ಗವನ್ನು ದ್ವಿಗುಣಗೊಳಿಸಲು ಸ್ವಾಧೀನಪಡಿಸಿಕೊಳ್ಳಲಾಗಿತ್ತು.
ಆ ದಿನ ಮನೆಯ ಮುಂಬದಿ ಮತ್ತು ದಾರಿ ನಷ್ಟವಾಗಿತ್ತು. ಈಗ ಉಳಿದಿರುವ ಮನೆಯಲ್ಲಿ ವಾಸವಾಗಿದ್ದಾರೆ. ರೈಲು ನಿಲ್ದಾಣದ ಮುಂದೆ ಕಾರು ನಿಂತಿದೆ. ಬಿಬಿನಾ ಕಾನೂನು ಹೋರಾಟದ ಮೂಲಕ ಪಡೆದ ಒಟ್ಟು ಮೊತ್ತ ಕೇವಲ 1 ಲಕ್ಷ ರೂ. ಈ ಪ್ರದೇಶದಲ್ಲಿ 23 ಮನೆಗಳು ಸಂಪೂರ್ಣವಾಗಿ ಅಥವಾ ಭಾಗಶಃ ನಾಶವಾಗುತ್ತವೆ ಎಂದು ಪ್ರತಿಭಟನಾಕಾರರು ಹೇಳುತ್ತಾರೆ.
ಕೋಝಿಕ್ಕೋಡ್ ಮಾಥೋಟ್ಟಂನಲ್ಲಿ ಸಿಲ್ವರ್ ಲೈನ್ ಸರ್ವೆ ಕಲ್ಲು ಅಳವಡಿಸುವುದನ್ನು ವಿರೋಧಿಸಿ ಪ್ರತಿಭಟನೆ ನಡೆದಿದೆ. ಯಾವುದೇ ಪೂರ್ವ ಸೂಚನೆ ನೀಡದೆ ಮರೆಯಲ್ಲಿ ಸರ್ವೆ ಕಲ್ಲು ಅಳವಡಿಸಲು ಬಂದಿದ್ದಾರೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು. ಕೆ-ರೈಲು ಕಂದಾಯ ಪೊಲೀಸ್ ಅಧಿಕಾರಿಗಳು ಹಾಗೂ ಇತರರು ಮಾತುಕತೆ ನಡೆಸಿದರೂ ಪ್ರತಿಭಟನಾಕಾರರು ಹಿಂದೆ ಸರಿಯಲಿಲ್ಲ. ನಂತರ ಪ್ರತಿಭಟನಾಕಾರರನ್ನು ಬಲವಂತವಾಗಿ ಹೊರಹಾಕಲಾಯಿತು. ಪೊಲೀಸ್ ರಕ್ಷಣೆಯಲ್ಲಿ ಸರ್ವೆ ಕಲ್ಲು ಅಳವಡಿಸುವ ಕಾರ್ಯ ಮುಂದುವರಿದಿದೆ.
DOCTYPE html>
