ರಾಜ್ಯ ವನಿತಾರತ್ನ ಪ್ರಶಸ್ತಿ ಪ್ರಕಟ; ವೈಕಂ ವಿಜಯಲಕ್ಷ್ಮಿ, ಡಾ. ಸುನಿತಾಕೃಷ್ಣನ್, ಸಾಂತಾ ಜೋಸ್ ಮತ್ತು ಡಾ.ಯು.ಪಿ.ವಿ.ಸುಧಾ ಅವರಿಗೆ ಒಲಿದ ಗೌರವ

                                         

                        ತಿರುವನಂತಪುರ: ಆರೋಗ್ಯ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ವೀಣಾ ಜಾರ್ಜ್ ಅವರು 2021ನೇ ಸಾಲಿನ ರಾಜ್ಯ ಸರ್ಕಾರದ ವನಿತಾರತ್ನ ಪ್ರಶಸ್ತಿಗಳನ್ನು ಪ್ರಕಟಿಸಿದ್ದಾರೆ. ಸಮಾಜ ಸೇವೆಗಾಗಿ ವನಿತಾ ರತ್ನ ಪ್ರಶಸ್ತಿಗೆ  ತಿರುವನಂತಪುರಂ ಪರುತಿಪ್ಪಾರ, ಶ್ರೀನಗರದ ಸಾಂತಾ ಜೋಸ್ ಆಯ್ಕೆಯಾಗಿದ್ದಾರೆ. ಸಂಕಷ್ಟಮಯ ಸನ್ನಿವೇಶಗಳಲ್ಲಿ ಗೆದ್ದು ತೋರಿಸಿದ ಮಹಿಳೆಯರಿಗಿರುವ ಪುರಸ್ಕಾರಕ್ಕೆ ಡಾ. ವೈಕಂ ವಿಜಯಲಕ್ಷ್ಮಿ, ಸ್ತ್ರೀಯರ ಮತ್ತು ಮಹಿಳೆಯರ ಸ್ವಾವಲಂಬನೆಗಿರುವ, ಸಬಲೀಕರಣಕ್ಕೆ ಪ್ರಜ್ವಲಾ ಡಾ. ಸುನೀತಾ ಕೃಷ್ಣನ್, ವಿದ್ಯಾಭ್ಯಾಸ ಕ್ಷೇತ್ರ ಮತ್ತು ವಿಜ್ಞಾನ-ತಂತ್ರಜ್ಞಾನ  ಕ್ಷೇತ್ರಗಳ ವಿಶೇಷ ಸಾಧನೆಗೆ ಕಣ್ಣೂರು ತಳಿಪರಂಬ ತ್ರಿಚಂಬಲಂದ ಡಾ. ಯುಪಿವಿ ಸುಧಾ ಅವರಿಗೆ ವಿಶೇಷ ಪ್ರಶಸ್ತಿ ಘೋಶಿಸಲಾಗಿದೆ. ತಿರುವನಂತಪುರದ ನಿಶಾಗಂಧಿ ಸಭಾಂಗಣದಲ್ಲಿ ಮಂಗಳವಾರ ಸಂಜೆ 5 ಗಂಟೆಗೆ ನಡೆಯಲಿರುವ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯ ರಾಜ್ಯ ಮಟ್ಟದ ಉದ್ಘಾಟನೆ ಸಂದರ್ಭದಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಪ್ರಶಸ್ತಿಗಳನ್ನು ವಿತರಿಸಲಿದ್ದಾರೆ. ಪ್ರಶಸ್ತಿಯು 1 ಲಕ್ಷ ರೂಪಾಯಿ ನಗದು, ಪ್ರಶಸ್ತಿ ಪತ್ರ ಮತ್ತು ನೆನಪಿನ ಕಾಣಿಕೆ ಒಳಗೊಂಡಿದೆ.

                 ಸಾಂತಾ ಜೋಸ್

              ಆಶ್ರಯವು 25 ವರ್ಷಗಳಿಂದ ತಿರುವನಂತಪುರಂನ ಆರ್‍ಸಿಸಿಯ ರೋಗಿಗಳಿಗೆ ಸೇವೆಗಳನ್ನು ಒದಗಿಸುತ್ತಿದೆ. ಆರ್‍ಸಿಸಿ ರೋಗಿಗಳು ಒಂಟಿಯಲ್ಲ ಎಂಬ ಭಾವನೆ ಮೂಡಿಸುವ ಜತೆಗೆ ಈಗಿರುವ ಯೋಜನೆ, ಯೋಜನೆಗಳ ಬಗ್ಗೆ ಕ್ಯಾನ್ಸರ್ ರೋಗಿಗಳಿಗೆ ಅರಿವು ಮೂಡಿಸಲಾಗುತ್ತಿದೆ. ಸಾಂತಾ ಜೋಸ್ ಕೂಡ ಅಲ್ಲಿಗೆ ಬರುವ ರೋಗಿಗಳ ಬೇಕು ಬೇಡಗಳನ್ನು ಅರಿತು ಆರ್ಥಿಕ ನೆರವು ಸೇರಿದಂತೆ ನಾನಾ ನೆರವು ನೀಡುತ್ತಿದ್ದಾರೆ.

                   ವೈಕಂ ವಿಜಯಲಕ್ಷ್ಮಿ

           ವೈಕಂ ವಿಜಯಲಕ್ಷ್ಮಿ ಅವರು ಪ್ರತಿಕೂಲತೆಯನ್ನು ಮೆಟ್ಟಿನಿಂತು ಯಶಸ್ಸನ್ನು ಸಾಧಿಸಿದ ಗಮನಾರ್ಹ ಹಿನ್ನೆಲೆ ಗಾಯಕಿ. ಹುಟ್ಟು ದೃಷ್ಟಿ ವಿಕಲಚೇತನರಾಗಿದ್ದ ವಿಜಯ ಲಕ್ಷ್ಮಿ ಅವರಿಗೆ ಬಾಲ್ಯದಿಂದಲೂ ಸಂಗೀತದಲ್ಲಿ ಆಸಕ್ತಿ. ರಾಜ್ಯ ಶಾಲಾ ಯುವಜನೋತ್ಸವದಲ್ಲಿ ಶಾಸ್ತ್ರೀಯ ಸಂಗೀತಕ್ಕೆ ಪ್ರಥಮ ಸ್ಥಾನ ಲಭಿಸಿದೆ. ವೈಕಂ ವಿಜಯಲಕ್ಷ್ಮಿ ಅವರು ಶಾಸ್ತ್ರೀಯ ಸಂಗೀತಗಾರ್ತಿ, ಚಲನಚಿತ್ರ ಗಾಯಕಿ ಮತ್ತು ಗಾಯತ್ರಿ ವೀಣಾ ವಾದಕಿಯಾಗಿ ಹೆಸರುವಾಸಿಯಾಗಿದ್ದಾರೆ.

                         ಡಾ. ಸುನಿತಾ ಕೃಷ್ಣನ್

            ಪಾಲಕ್ಕಾಡ್ ಮೂಲದ, ಭಾರತದ ಪ್ರಮುಖ ಮಾನವ ಹಕ್ಕುಗಳ ಹೋರಾಟಗಾರ್ತಿ ಡಾ. ಸುನಿತಾ ಕೃಷ್ಣನ್. ಪ್ರಜ್ವಲ ಹೈದರಾಬಾದ್ ಮೂಲದ ಎನ್‍ಜಿಒ ಆಗಿದ್ದು, ಮದ್ಯದ ಕಳ್ಳಸಾಗಣೆ ಮತ್ತು ಲೈಂಗಿಕ ಶೋಷಣೆಯ ವಿರುದ್ಧ ಆಂಧ್ರಪ್ರದೇಶದಲ್ಲಿ ಕಾರ್ಯನಿರ್ವಹಿಸುತ್ತದೆ. ಮಾನವ ಹಕ್ಕುಗಳಲ್ಲಿನ ಶ್ರೇಷ್ಠತೆಗಾಗಿ ಅಂತರರಾಷ್ಟ್ರೀಯ ಪ್ರಶಸ್ತಿ ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ಅವರು ಗೆದ್ದಿದ್ದಾರೆ. 2016 ರಲ್ಲಿ ಅವರು ಪದ್ಮಶ್ರೀ ಪ್ರಶಸ್ತಿಗೆ ಭಾಜನರಾಗಿದ್ದರು. 

                    ಡಾ. ಯುಪಿವಿ ಸುಧಾ:

       ಇವರು ಭಾರತದ ರಕ್ಷಣಾ ಸಚಿವಾಲಯದ ಅಡಿಯಲ್ಲಿ ಏರೋನಾಟಿಕಲ್ ಡೆವಲಪ್‍ಮೆಂಟ್ ಏಜೆನ್ಸಿಗೆ ಬೆಂಗಳೂರಿನಲ್ಲಿ ಸಂಶೋಧನಾ ಸಹವರ್ತಿಯಾಗಿದ್ದಾರೆ. ಭಾರತದಲ್ಲಿ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ಯುದ್ಧ ವಿಮಾನಗಳ ವಿನ್ಯಾಸದಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ. ಮಾನವರಹಿತ ಸ್ಟ್ರೈಕ್ ವಿಮಾನ ವಾಹನಗಳ ವಿನ್ಯಾಸ ಮತ್ತು ತಂತ್ರಜ್ಞಾನದ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಜೊತೆಗೆ, ಅವರು ಸಾಕ್ಷರತೆ ಮತ್ತು ಸಾಮಾಜಿಕ ಚಟುವಟಿಕೆಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ.