ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ವಿತರಣೆ, ಕಾರ್ಯಾಚರಣೆ ಮತ್ತು ಕ್ಲೋಸ್ ಮಾಡುವುದಕ್ಕೆ ಅಗತ್ಯವಾದ ಪ್ರಮುಖ ಮಾರ್ಗದರ್ಶಿ ಸೂತ್ರವನ್ನು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ಪ್ರಕಟಿಸಿದೆ. ಇದು ಈ ವರ್ಷ ಜುಲೈ 1ರಿಂದ ಚಾಲ್ತಿಗೆ ಬರಲಿದೆ.
ಈ ಕುರಿತ ಸಂಕ್ಷಿಪ್ತ ವಿವರ ಇಲ್ಲಿದೆ.
- ಕ್ರೆಡಿಟ್ ಕಾರ್ಡ್ ಕ್ಲೋಸ್ ಮಾಡುವುದಕ್ಕೆ ಮನವಿ ಬಂದ 7 ದಿನಗಳ ಒಳಗೆ ಅದನ್ನು ಅಂಗೀಕರಿಸಬೇಕು. ಇದು ಆ ಕ್ರೆಡಿಟ್ ಕಾರ್ಡ್ದಾರ ಬಾಕಿ ಪಾವತಿ ಇಲ್ಲ ಎಂಬುದನ್ನು ಖಾತರಿಪಡಿಸಿಕೊಂಡು ಮಾಡುವ ಷರತ್ತನ್ನು ಒಳಗೊಂಡಿದೆ.
- ಕ್ರೆಡಿಟ್ ಕಾರ್ಡ್ ಕ್ಲೋಸ್ ಮಾಡುವುದಕ್ಕೆ ಕ್ರಮ ತೆಗೆದುಕೊಂಡ ಕೂಡಲೆ ಇ ಮೇಲ್, ಎಸ್ಎಂಎಸ್ ಮುಂತಾದವುಗಳ ಮೂಲಕ ಈ ಬಗ್ಗೆ ಕಾರ್ಡ್ ಬಳಕೆದಾರರಿಗೆ ಮಾಹಿತಿ ನೀಡಬೇಕು.
- ಕ್ರೆಡಿಟ್ ಕಾರ್ಡ್ ಖಾತೆ ಮುಚ್ಚಲು ಮನವಿ ಸಲ್ಲಿಸುವುದಕ್ಕೆ ಕಾರ್ಡ್ ಬಳಕೆದಾರರಿಗೆ ಹಲವು ವೇದಿಕೆಗಳನ್ನು ಒದಗಿಸಬೇಕು. ಇದರಲ್ಲಿ, ಸಹಾಯವಾಣಿ, ನಿಶ್ಚಿತ ಇ ಮೇಲ್ ಐಡಿ, ಇಂಟರಾಕ್ಟಿವ್ ವಾಯ್್ಸ ರೆಸ್ಪಾನ್ಸ್ (ಐವಿಆರ್), ವೆಬ್ಸೈಟ್ನಲ್ಲಿ ಕಾಣುವಂತೆ ಇದರ ಲಿಂಕ್, ಇಂಟರ್ನೆಟ್ ಬ್ಯಾಂಕಿಂಗ್, ಮೊಬೈಲ್ ಆಪ್ ಮತ್ತು ಇತರೆ ವೇದಿಕೆಗಳು ಒಳಗೊಂಡಿವೆ.
- ಕ್ರೆಡಿಟ್ ಕಾರ್ಡ್ ಖಾತೆಯನ್ನು ಮುಚ್ಚುವ ಮನವಿಯನ್ನು ಅಂಚೆ ಅಥವಾ ನಿಶ್ಚಿತ ವಿಧಾನದ ಮೂಲಕವೇ ಕಳುಹಿಸಬೇಕು ಎಂದು ಗ್ರಾಹಕ ರಿಗೆ ಕ್ರೆಡಿಟ್ ಕಾರ್ಡ್ ವಿತರಕರು ಒತ್ತಡ ಹೇರುವಂತೆ ಇಲ್ಲ. ಇದು ವಿಳಂಬಕ್ಕೆ ಕಾರಣವಾದೀತು.
- ಒಂದೊಮ್ಮೆ ಕ್ರೆಡಿಟ್ ಕಾರ್ಡ್ ವಿತರಕರು ಕ್ರೆಡಿಟ್ ಕಾರ್ಡ್ ಕ್ಲೋಸ್ ಮಾಡುವ ಮನವಿ ಪಡೆದ ಏಳು ದಿನಗಳ ಒಳಗೆ ಅದನ್ನು ಅನುಷ್ಠಾನಗೊಳಿಸದೇ ಇದ್ದರೆ ದಿನಕ್ಕೆ 500 ರೂಪಾಯಿಯಂತೆ ಆ ಖಾತೆ ಮುಚ್ಚುವ ತನಕದ ದಿನಗಳ ಅವಧಿಯ ಮೊತ್ತವನ್ನು ಗ್ರಾಹಕರಿಗೆ ನೀಡಬೇಕು. ಇಲ್ಲಿ ಗ್ರಾಹಕರು ಯಾವುದೇ ಬಾಕಿ ಉಳಿಸಿಕೊಂಡಿರಬಾರದು.
- ಒಂದು ವರ್ಷಕ್ಕಿಂತ ಹೆಚ್ಚು ಅವಧಿಗೆ ಕ್ರೆಡಿಟ್ ಕಾರ್ಡ್ ಬಳಸದೇ ಇದ್ದರೆ ಆಗ ಆ ಕಾರ್ಡ್ ಮುಚ್ಚುವ ತೀರ್ವನವನ್ನು ಕ್ರೆಡಿಟ್ ಕಾರ್ಡ್ ವಿತರಕರು ಕೈಗೊಂಡು ಕಾರ್ಡ್ದಾರರಿಗೆ ಮಾಹಿತಿ ನೀಡಬೇಕು.
- ಈ ಮಾಹಿತಿ ಪಡೆದ ಬಳಿಕ 30 ದಿನಗಳ ಒಳಗೆ ಕಾರ್ಡ್ ಬಳಕೆದಾರರಿಂದ ಹಿಮ್ಮಾಹಿತಿ ಬಾರದೇ ಹೋದರೆ, ಬಳಕೆದಾರರು ಬಾಕಿ ಪಾವತಿಸಬೇಕಾದ್ದೇನೂ ಇಲ್ಲ ಎಂಬುದನ್ನು ಖಾತರಿಪಡಿಸಿಕೊಂಡು ಆ ಖಾತೆಯನ್ನು ಮುಚ್ಚಬಹುದು.
- ಕ್ರೆಡಿಟ್ ಇನ್ಪಾಮೇಷನ್ ಕಂಪನಿಗೆ ಈ ರೀತಿ ಮುಚ್ಚಿದ ಖಾತೆಯ ಮಾಹಿತಿಯನ್ನು 30 ದಿನಗಳ ಒಳಗೆ ಕ್ರೆಡಿಟ್ ಕಾರ್ಡ್ ವಿತರಣಾ ಕಂಪನಿ ಒದಗಿಸಬೇಕು.
- ಕ್ರೆಡಿಟ್ ಕಾರ್ಡ್ ಖಾತೆ ಮುಚ್ಚಿದ ಬಳಿಕ ಅದರಲ್ಲಿ ಬಳಕೆದಾರರ ಹಣ ಇದ್ದರೆ ಅದನ್ನು ಅವರ ಬ್ಯಾಂಕ್ ಖಾತೆಗೆ ವರ್ಗಾಯಿಸಬೇಕು.
DOCTYPE html>
.jpg)
