ಕೇರಳದಲ್ಲಿ ಪರಿಸ್ಥಿತಿ ಗಂಭೀರ: 29ರಂದು ಅಮಿತ್ ಶಾ ಕೇರಳಕ್ಕೆ ಆಗಮಿಸಿದಾಗ ವಿಷದ ವಿವರ ನೀಡಲಾಗುವುದು: ಕೆ.ಸುರೇಂದ್ರನ್

                     ಪಾಲಕ್ಕಾಡ್: ಕೇರಳದಲ್ಲಿ ಪಾಪ್ಯುಲರ್ ಫ್ರಂಟ್‍ಗೆ ಪಿಣರಾಯಿ ವಿಜಯನ್ ಸರ್ಕಾರ ಎಲ್ಲ ರೀತಿಯ ನೆರವು ಮತ್ತು ಬೆಂಬಲ ನೀಡುತ್ತಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಕೆ.ಸುರೇಂದ್ರನ್ ಹೇಳಿದ್ದಾರೆ. ಆದ್ದರಿಂದಲೇ ಪಿಣರಾಯಿ ಸರಕಾರ ಪಾಪ್ಯುಲರ್ ಫ್ರಂಟ್ ವಿರುದ್ಧದ ಪ್ರಕರಣಗಳ ಸಿಬಿಐ ತನಿಖೆಯನ್ನು ವಿರೋಧಿಸುತ್ತದೆ ಎಂದಿರುವರು.

                           ಎಸ್‍ಡಿಪಿಐ ನಡೆಸಿದ ಕೊಲೆಗಳಲ್ಲಿ ಆರೋಪಿಗಳಿಗೆ ಪೋಲೀಸರು ಮತ್ತು ಸಿಪಿಎಂ ನೆರವು ನೀಡುತ್ತಿದೆ ಎಂದು ಸುರೇಂದ್ರನ್ ಹೇಳಿದ್ದಾರೆ.

                    ಕೇರಳದಲ್ಲಿ ಬೆಳೆದಿರುವಂತಹ ವಿಷಮ ಪರಿಸ್ಥಿತಿ ಬೇರೆ ಯಾವ ರಾಜ್ಯದಲ್ಲೂ ಇಲ್ಲ. ಇದು ಇಡೀ ದೇಶಕ್ಕೆ ಅಪಾಯವಾಗಿದೆ. ಪಾಲಕ್ಕಾಡ್, ಅಲಪ್ಪುಳ ಮತ್ತು ವಯಲಾರ್‍ನಲ್ಲಿ ನಡೆದ ಹತ್ಯೆಗಳನ್ನು ಪ್ರತ್ಯೇಕ ಘಟನೆಗಳೆಂದು ಪರಿಗಣಿಸುವುದು ಈ ಕ್ರಮವಾಗಿದೆ.

                  ಇದು ದೇಶ ಎದುರಿಸುತ್ತಿರುವ ದೊಡ್ಡ ಅಪಾಯ. ಕೇರಳದ ಸಂದಿಗ್ಧ ಪರಿಸ್ಥಿತಿಯ ಕುರಿತು ಕೇಂದ್ರ ಸರ್ಕಾರಕ್ಕೆ ಮಾಹಿತಿ ನೀಡಲಾಗುವುದು. 29ರಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಕೇರಳಕ್ಕೆ ಆಗಮಿಸಿದಾಗ ಈ ವಿಚಾರಗಳನ್ನು ಅವರ ಗಮನಕ್ಕೆ ತರಲಾಗುವುದು ಎಂದು ಸುರೇಂದ್ರನ್ ತಿಳಿಸಿರುವರು.

                   ಹಿಂದಿನ ಎಲ್ಲಾ ಪ್ರಕರಣಗಳಲ್ಲಿ, ಪೋಲೀಸರು ಅಪರಾಧಿಗಳನ್ನು ಬಂಧಿಸಲು ಅಥವಾ ಪಿತೂರಿಯನ್ನು ಬಹಿರಂಗಪಡಿಸಲು ಪ್ರಯತ್ನಿಸಲಿಲ್ಲ. ಪಾಲಕ್ಕಾಡ್‍ನಲ್ಲಿ ನಡೆದ ಸಂಜೀತ್ ಹತ್ಯೆ ಪ್ರಕರಣದ ತನಿಖೆ ನಡೆಸುವಂತೆ ಸಿಬಿಐ ಹೈಕೋರ್ಟ್‍ಗೆ ಮನವಿ ಮಾಡಿತ್ತು. ರಾಜ್ಯ ಸರಕಾರ ಎಸ್ ಡಿಪಿಐ ಪರ ನಿಲುವು ತಳೆದಿದೆ. ಸಿಬಿಐ ಬಂದರೆ ಷಡ್ಯಂತ್ರ ಬಯಲಿಗೆ ಬರುತ್ತದೆ ಎಂಬ ಭಯದಿಂದ ಉಗ್ರರಿಗೆ ನೆರವಾಗಲು ಸರಕಾರ ಇಂತಹ ನಿಲುವು ತಳೆದಿದೆ ಎಂದು ಸುರೇಂದ್ರನ್ ಹೇಳಿದ್ದಾರೆ.