ನವದೆಹಲಿ: ಬೋಲ್ಟ್ (BOLT) ಕಂಪೆನಿಯ ಜೊತೆ ಸಹಭಾಗಿತ್ವ ಹೊಂದಿ ದೇಶಾದ್ಯಂತ ಮುಂದಿನ ಒಂದು ವರ್ಷದಲ್ಲಿ 50 ಸಾವಿರ ಚಾರ್ಜಿಂಗ್ ಕೇಂದ್ರಗಳನ್ನು ಸ್ಥಾಪಿಸಲಾಗುವುದು ಎಂದು ಹೀರೋ ಎಲೆಕ್ಟ್ರಿಕ್(Hero electric) ಕಂಪೆನಿ ಬುಧವಾರ ತಿಳಿಸಿದೆ.
ಈ ಸಹಭಾಗಿತ್ವದಡಿಯಲ್ಲಿ, ಬೋಲ್ಟ್ ಚಾರ್ಜರ್ ಗಳನ್ನು ದೇಶಾದ್ಯಂತ ಹೀರೋ ಎಲೆಕ್ಟ್ರಿಕ್ ನ 750ಕ್ಕೂ ಹೆಚ್ಚು ಟಚ್ ಪಾಯಿಂಟ್ ಗಳಲ್ಲಿ ಸ್ಠಾಪಿಸಲಾಗುತ್ತಿದ್ದು ಇದರಿಂದ ನಾಲ್ಕೂವರೆ ಲಕ್ಷ ಗ್ರಾಹಕರಿಗೆ ಅನುಕೂಲವಾಗಲಿದೆ. ಅಲ್ಲದೆ ಸುಮಾರು 2 ಸಾವಿರ ಹೀರೋ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಸವಾರರಿಗೆ ಉಚಿತವಾಗಿ ಬೋಲ್ಟ್ ಚಾರ್ಜಿಂಗ್ ಘಟಕಗಳು ಸಿಗಲಿದೆ.
ದೇಶದಲ್ಲಿ ಕಾರ್ಬನ್-ಮುಕ್ತ ವ್ಯವಸ್ಥೆಯನ್ನು ಸಕ್ರಿಯಗೊಳಿಸುವುದು ಮತ್ತು ಎಲೆಕ್ಟ್ರಿಕ್ ವಾಹನಗಳ ಅಳವಡಿಕೆಯನ್ನು ವೇಗಗೊಳಿಸುವುದು ನಮ್ಮ ಉದ್ದೇಶವಾಗಿದೆ. ಈ ಸಹಯೋಗವು ನಿಗದಿತ ಗುರಿಯನ್ನು ತಲುಪಲು ನಮ್ಮ ಪ್ರಯತ್ನಗಳನ್ನು ವ್ಯಾಪಕಗೊಳಿಸುತ್ತದೆ ಎಂದು ನಾವು ಭಾವಿಸುತ್ತೇವೆ ಎಂದು ಹೀರೋ ಎಲೆಕ್ಟ್ರಿಕ್ ಸಿಇಒ ಸೊಹಿಂದರ್ ಗಿಲ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಪಾಲುದಾರಿಕೆಯು ಒಟ್ಟಾರೆಯಾಗಿ ಉದ್ಯಮಕ್ಕೆ ಪ್ರಯೋಜನವನ್ನು ನೀಡುತ್ತದೆ. ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಸವಾರರಿಗೆ ಭಾರತದಲ್ಲಿ ಚಾರ್ಜಿಂಗ್ ಸ್ಟೇಷನ್‌ಗಳಿಗೆ ಸುಲಭವಾಗಿ ಪ್ರವೇಶಿಸಲು ಅನುವು ಮಾಡಿಕೊಡುತ್ತದೆ ಎಂದು ಹೇಳಿದರು.
ಈ ಸಹಯೋಗವು ಲಕ್ಷಗಟ್ಟಲೆ ಹೀರೋ ಎಲೆಕ್ಟ್ರಿಕ್ ಗ್ರಾಹಕರಿಗೆ ತಡೆರಹಿತ ಚಾರ್ಜಿಂಗ್ ಅನುಭವವನ್ನು ನೀಡಬಹುದು. ಈಗಿರುವ ಹೀರೋ ಎಲೆಕ್ಟ್ರಿಕ್ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್ ಅನ್ನು ಅನ್ವೇಷಣೆ, ಬುಕಿಂಗ್ ಮತ್ತು ಪಾವತಿಗಾಗಿ ಬಳಸಬಹುದು ಎಂದರು.
ಈ ಸಹಯೋಗವು ಲಕ್ಷಗಟ್ಟಲೆ ಹೀರೋ ಎಲೆಕ್ಟ್ರಿಕ್ ಗ್ರಾಹಕರಿಗೆ ತಡೆರಹಿತ ಚಾರ್ಜಿಂಗ್ ಅನುಭವವನ್ನು ನೀಡುತ್ತದೆ. ಹೀರೋ ಎಲೆಕ್ಟ್ರಿಕ್ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್ ಅನ್ನು ಅನ್ವೇಷಣೆ, ಬುಕಿಂಗ್ ಮತ್ತು ಪಾವತಿಗಾಗಿ ಬಳಸಬಹುದು. "ಚಾರ್ಜರ್ ಆನ್-ಡಿಮಾಂಡ್" ಅನ್ನು ಹೊಂದುವುದರೊಂದಿಗೆ, ಮುಂದಿನ 2 ವರ್ಷಗಳಲ್ಲಿ 1 ಮಿಲಿಯನ್‌ಗಿಂತಲೂ ಹೆಚ್ಚು ಚಾರ್ಜಿಂಗ್ ಪಾಯಿಂಟ್‌ಗಳನ್ನು ಸ್ಥಾಪಿಸುವ ಗುರಿಯಿದೆ ಎಂದು BOLT ಸಹ-ಸಂಸ್ಥಾಪಕ ಜ್ಯೋತಿರಂಜನ್ ಹರಿಚಂದನ್ ಹೇಳಿದ್ದಾರೆ.
DOCTYPE html>
