ಸಿಎನ್‌ಜಿ ಬೆಲೆ 80 ಪೈಸೆ ಏರಿಕೆ, ಕಳೆದ ಒಂದು ತಿಂಗಳಲ್ಲಿ ಒಟ್ಟು 4 ರೂ. ಹೆಚ್ಚಳ

           ನವದೆಹಲಿ:  ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯಿಂದ ಕಂಗಾಲಾಗಿರುವ ಜನತೆಗೆ ಕೇಂದ್ರ ಸರ್ಕಾರ ಈಗ ಸಿಎಎನ್ ಬೆಲೆ ಮತ್ತೆ 80 ಪೈಸೆ ಹೆಚ್ಚಿಸುವ ಮೂಲಕ ಶಾಕ್ ನೀಡಿದೆ. ಇದರೊಂದಿಗೆ ಇನ್‌ಪುಟ್ ನೈಸರ್ಗಿಕ ಅನಿಲದ ಬೆಲೆ ದಾಖಲೆಯ ಮಟ್ಟಕ್ಕೆ ತಲುಪಿದೆ.

               ಇಂದ್ರಪ್ರಸ್ಥ ಗ್ಯಾಲ್ ಲಿಮಿಟೆಡ್(ಐಜಿಎಲ್) ವೆಬ್‌ಸೈಟ್‌ನಲ್ಲಿ ಪೋಸ್ಟ್ ಮಾಡಲಾದ ಮಾಹಿತಿಯ ಪ್ರಕಾರ, ದೆಹಲಿಯ ರಾಷ್ಟ್ರೀಯ ರಾಜಧಾನಿ ಪ್ರದೇಶ(ಓಅಖಿ)ದಲ್ಲಿ ಸಿಎನ್ ಜಿ ಬೆಲೆಯನ್ನು 60.01 ರೂ. ಯಿಂದ 60.81 ರೂ.ಗೆ ಹೆಚ್ಚಿಸಲಾಗಿದೆ.

             ಕಳೆದ ಒಂದು ತಿಂಗಳಲ್ಲಿ ಆರನೇ ಬಾರಿ ಸಿಎನ್‌ಜಿ ಬೆಲೆ ಏರಿಕೆಯಾಗಿದ್ದು, ಒಟ್ಟು ಕೆಜಿಗೆ ಸುಮಾರು 4 ರೂ.ಗಳಷ್ಟು ದರ ಏರಿಕೆಯಾಗಿದೆ. ಜಾಗತಿಕವಾಗಿ ಅನಿಲ ಬೆಲೆ ಏರಿಕೆಯ ಹಿನ್ನೆಲೆಯಲ್ಲಿ ಈಗ ಮತ್ತೆ ಬೆಲೆ ಹೆಚ್ಚಿಸಲಾಗಿದೆ.

              ಕಳೆದ ಎರಡು ವಾರಗಳಿಗಿಂತ ಕಡಿಮೆ ಅವಧಿಯಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ ಪ್ರತಿ ಲೀಟರ್‌ಗೆ 6.40 ರೂ. ಹೆಚ್ಚಳ ಮಾಡಲಾಗಿದೆ ಮತ್ತು ಅಡುಗೆ ಅನಿಲ ಎಲ್‌ಪಿಜಿ ದರವನ್ನು ಪ್ರತಿ ಸಿಲಿಂಡರ್‌ಗೆ 50 ರೂಪಾಯಿ ಹೆಚ್ಚಳವಾಗಿದೆ.

           ನೋಯ್ಡಾ, ಗ್ರೇಟರ್ ನೋಯ್ಡಾ ಮತ್ತು ಗಾಜಿಯಾಬಾದ್‌ನಲ್ಲಿ ಸಿಎನ್‌ಜಿ ಪ್ರತಿ ಕೆಜಿಗೆ 63.38 ರೂ., ಗುರುಗ್ರಾಮ್‌ನಲ್ಲಿ ಕೆಜಿಗೆ 69.17 ರೂ.ಇದೆ.