ಕಂಡಕ್ಟರ್ ಇಲ್ಲದೆ ಸೀಟಿ ಊದುವವರು ಯಾರು?: ಕಂಡಕ್ಟರ್ ಇಲ್ಲದ ಮೊದಲ ಬಸ್‍ಗೆ ಬೀಗ ಜಡಿದ ಮೋಟಾರು ವಾಹನ ಇಲಾಖೆ!

                                                     

                    ಪಾಲಕ್ಕಾಡ್: ರಾಜ್ಯದ ಮೊದಲ ಕಂಡಕ್ಟರ್ ರಹಿತ ಬಸ್ ಗೆ ಮೋಟಾರು ವಾಹನ ಇಲಾಖೆ ಬೀಗ ಜಡಿದಿದೆ. ಮೋಟಾರು ವಾಹನ ಇಲಾಖೆ ಪ್ರಕಾರ ಕಂಡಕ್ಟರ್ ಇಲ್ಲದೆ ಬಸ್ ಸಂಚಾರ ಸಾಧ್ಯವಿಲ್ಲ. ಇದರಿಂದ ಬಸ್ ಸಂಚಾರಕ್ಕೆ ತಡೆ ನೀಡಲಾಗಿದೆ. 

                    ವಡಕಂಚೇರಿಯಿಂದ ಆಲತ್ತೂರ್‍ಗೆ ಕಂಡಕ್ಟರ್ ಇಲ್ಲದೆ ಬಸ್ ಸಂಚಾರ ಆರಂಭವಾಗಿತ್ತು.  ಇದಕ್ಕೆ ಸಂಬಂಧಿಸಿದ ಸುದ್ದಿಗಳು ಮುಖ್ಯವಾಹಿನಿಯ ಮಾಧ್ಯಮಗಳು ಸೇರಿದಂತೆ ಸಾಕಷ್ಟು ಗಮನ ಸೆಳೆದವು. ನಾಲ್ಕು ದಿನಗಳ ಹಿಂದೆ ಬಸ್ ಸಂಚಾರ ಆರಂಭವಾಗಿತ್ತು. ಆದರೆ, ಕಂಡಕ್ಟರ್ ಇಲ್ಲದೆ ಬಸ್ ಸಂಚಾರಕ್ಕೆ ಅವಕಾಶ ನೀಡುವುದಿಲ್ಲ ಎಂದು ಮೋಟಾರು ವಾಹನ ಇಲಾಖೆ ತಿಳಿಸಿದೆ. ಮೋಟಾರು ವಾಹನ ಕಾಯಿದೆ 219 ರ ಪ್ರಕಾರ ಬಸ್ಸಿನಲ್ಲಿ ಕಂಡಕ್ಟರ್ ಇರಬೇಕು ಎಂದು ಅಧಿಕಾರಿಗಳು ಹೇಳುತ್ತಾರೆ. ಇದರಿಂದ ಬಿಕ್ಕಟ್ಟಿನಲ್ಲಿರುವ ಬಸ್ ಮಾಲೀಕರು ಸೇವೆ ಆರಂಭಿಸಲು ಕಂಡಕ್ಟರ್‍ಗಾಗಿ ಪರದಾಡುತ್ತಿದ್ದಾರೆ.

               ಆಧುನಿಕ ಸೌಲಭ್ಯಗಳೊಂದಿಗೆ ಬಸ್ ನಿರ್ಮಿಸಲಾಗಿದೆ. ನೈಸರ್ಗಿಕ ಅನಿಲ |ಈ ಬಸ್ಸಿನ ಇಂಧನವಾಗಿದೆ. ಪ್ರಯಾಣಿಕರಿಗೆ ಶುಲ್ಕ ನೀಡಲು ವಿಶೇಷ ಬಾಕ್ಸ್ ಮತ್ತು ಗೂಗಲ್ ಪೇ ಸೌಲಭ್ಯವನ್ನು ಬಸ್‍ನಲ್ಲಿ ಅಳವಡಿಸಲಾಗಿತ್ತು. ಈ ಕಂಡಕ್ಟರ್ ರಹಿತ ಬಸ್‍ಗೆ ಪ್ರಯಾಣಿಕರಿಂದ ಭಾರೀ ಮನ್ನಣೆ ಸಿಗುತ್ತಿರುವ ಹೊತ್ತಿನಲ್ಲಿಯೇ ಮೋಟಾರು ವಾಹನ ಇಲಾಖೆಯ ಬೀಗ ಬಿದ್ದಿದೆ.