ನವದೆಹಲಿ :ಅನಿಯಂತ್ರಿತ ಕ್ಷೇತ್ರಕ್ಕೆ ಕಲ್ಲಿದ್ದಲು ಪೂರೈಕೆ ಕೊರತೆಯ ಹಿನ್ನೆಲೆಯಲ್ಲಿ ಕೈಗಾರಿಕಾ ಸಂಸ್ಥೆಗಳು ಈ ವಿಷಯದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಹಸ್ತಕ್ಷೇಪಕ್ಕಾಗಿ ಕೋರಿವೆ. ಹೆಚ್ಚಿನ ಬೇಡಿಕೆಯಿಂದಾಗಿ ಕೈಗಾರಿಕೆಗಳು ವಿನಿಮಯ ಕೇಂದ್ರಗಳಿಂದ ಹೆಚ್ಚಿನ ದರಗಳಲ್ಲಿ ವಿದ್ಯುತ್ ಖರೀದಿಸುವ ಅನಿವಾರ್ಯತೆಗೆ ಸಿಲುಕಿವೆ ಎಂದು ಅವು ಹೇಳಿವೆ.ದೇಶದ ವಿದ್ಯುತ್ ಉತ್ಪಾದನಾ ಸ್ಥಾವರಗಳು ಕಲ್ಲಿದ್ದಲು ಕೊರತೆಯನ್ನು ಎದುರಿಸುತ್ತಿರುವ ಹಿನ್ನೆಲೆಯಲ್ಲಿ ಈ ಬೆಳವಣಿಗೆಯು ಮಹತ್ವವನ್ನು ಪಡೆದುಕೊಂಡಿದೆ.ನಿರಂತರ ಕಲ್ಲಿದ್ದಲು ಕೊರತೆಯಿಂದಾಗಿ ಉಂಟಾಗಿರುವ ಬಿಕ್ಕಟ್ಟಿನಿಂದ ತತ್ತರಿಸಿರುವ ಉತ್ಪಾದನಾ ವಲಯದ ಪ್ರಮುಖ ವಿಭಾಗ, ಎಂಎಸ್‌ಎಂಇಗಳು ಮತ್ತು ಸ್ವಂತ ಬಳಕೆಗಾಗಿ ಸ್ವಯಂ ವಿದ್ಯುತ್ತನ್ನು ಉತ್ಪಾದಿಸುವ ಕೈಗಾರಿಕೆಗಳು 10 ಕೈಗಾರಿಕಾ ಸಂಘಗಳ ಒಕ್ಕೂಟದ ಮೂಲಕ ಪ್ರಧಾನಿಗಳಿಗೆ ಜಂಟಿ ಅಹವಾಲನ್ನು ಸಲ್ಲಿಸಿವೆ.ದೀರ್ಘಕಾಲೀನ ಇಂಧನ ಕೊರತೆಯು ಸ್ವಂತ ವಿದ್ಯುತ್ ಸ್ಥಾವರಗಳು (ಸಿಪಿಪಿ) ಸೇರಿದಂತೆ ಅಲ್ಯುಮಿನಿಯಂ,ಸಿಮೆಂಟ್,ಉಕ್ಕಿನಂತಹ ಹಲವಾರು ಉದ್ಯಮಗಳ ಮೇಲೆ ಗಂಭೀರ ಪರಿಣಾಮಗಳನ್ನು ಬೀರಿದೆ ಎಂದು ಅಹವಾಲಿನಲ್ಲಿ ತಿಳಿಸಿರುವ ಕೈಗಾರಿಕಾ ಸಂಸ್ಥೆಗಳು,ಪ್ರಚಲಿತ ಸ್ಥಿತಿಯಲ್ಲಿ ಕೈಗಾರಿಕೆಗಳು,ವಿಶೇಷವಾಗಿ ನಿರಂತರ ಉತ್ಪಾದನಾ ಸ್ಥಾವರಗಳು ವಿನಿಮಯ ಕೇಂದ್ರಗಳಿಂದ ವಿದ್ಯುತ್ ಅನ್ನು ಖರೀದಿಸುವ ಅನಿವಾರ್ಯತೆಗೆ ಸಿಲುಕಿವೆ ಮತ್ತು ಇದು ವಿದ್ಯುತ್ತಿಗೆ ಬೇಡಿಕೆ ಹೆಚ್ಚಲು ಹಾಗೂ ವಿನಿಮಯ ಕೇಂದ್ರಗಳ ವಿದ್ಯುತ್ ದರಗಳು ಗಣನೀಯವಾಗಿ ಹೆಚ್ಚಲು ಕಾರಣವಾಗಿದೆ ಎಂದು ಹೇಳಿವೆ.
DOCTYPE html>
.jpg)
