ಕ್ವಾರಿ ಮಾಲೀಕರಿಂದ ಹಣ ವಸೂಲಿ: ಕಾಸರಗೋಡು ಎಂಡೋಸಲ್ಫಾನ್ ವಿಶೇಷ ಸೆಲ್ ನ ಉಪ ಜಿಲ್ಲಾಧಿಕಾರಿ ಅಮಾನತು

                                                  

                   ಕಾಸರಗೋಡು: ಕ್ವಾರಿ ಮಾಲೀಕರಿಂದ ಹಣ ವಸೂಲಿ ಮಾಡಿದ ಎಂಡೋಸಲ್ಫಾನ್ ವಿಶೇಷ ಸೆಲ್ ನ  ಡೆಪ್ಯುಟಿ ಕಲೆಕ್ಟರ್ ಅವರನ್ನು ಕೊನೆಗೂ ಅಮಾನತುಗೊಳಿಸಲಾಗಿದೆ. ಡಿ. ಸಜೀದ್ ಅವರನ್ನು ಮುಂದಿನ ತನಿಖೆಗಾಗಿ ಅಮಾನತುಗೊಳಿಸಲಾಗಿದೆ ಎಂದು ಕಂದಾಯ ಸಚಿವರ ಕಚೇರಿ ತಿಳಿಸಿದೆ. ಈ ಬಗ್ಗೆ ವಿಸ್ತೃತ ತನಿಖೆಯ ಅಗತ್ಯವಿದೆ ಎಂದು ಸರ್ಕಾರ ಕಂಡುಕೊಂಡ ನಂತರ ಜಿಲ್ಲಾಧಿಕಾರಿಯನ್ನು ಮುಂದಿನ ತನಿಖೆಗಾಗಿ ಅಮಾನತುಗೊಳಿಸಲಾಗಿದೆ.

                                ಏನಾಗಿತ್ತು ಪ್ರಕರಣ: 

                ಮಾರ್ಚ್ 1 ರಂದು ಮುಳ್ಳೇರಿಯ ಬಳಿಯ ನೆಟ್ಟಣಿಗೆ ನಾಟೆಕಲ್ಲು ಭಾಗದಲ್ಲಿ ಕಾರ್ಯಾಚರಿಸುತ್ತಿರುವ ಕ್ವಾರಿಗಳಿಗೆ  ಸಜೀದ್ ಅವರು ವಾಹನದಲ್ಲಿ ತೆರಳಿದ್ದರು. ಅಲ್ಲಿಯ ಕ್ವಾರಿಗಳಿಂದ  ಆರ್‍ಡಿಒ ಹೆಸರಿನಲ್ಲಿ ಹಣ ವಸೂಲಿ ಮಾಡಲಾಗಿದೆ. ಕ್ವಾರಿ ವಾಹನಗಳನ್ನು ತಪಾಸಣೆ ನಡೆಸುತ್ತಿರುವುದನ್ನು ಕಂಡ ಮಾಲೀಕರು ಸಾಕ್ಷಿ ನೀಡಿದ ಹಿನ್ನೆಲೆಯಲ್ಲಿ ಅವರನ್ನು ಅಮಾನತುಗೊಳಿಸಲಾಗಿದೆ.

                         ವ್ಯಾಪಕ ದೂರಿನ ತನಿಖೆಯ ಪ್ರಾರಂಭ:

             ವಿಶೇಷ ಸೆಲ್ ನ ಅಪರ ಜಿಲ್ಲಾಧಿಕಾರಿ ಹಣ ವಸೂಲಿ ವಿಚಾರವಾಗಿ ಅಧಿಕಾರಿಗಳ ನಡುವೆ ಚರ್ಚೆಗೆ ಗ್ರಾಸವಾಗಿತ್ತು. ಕೆಲ ಮಾಧ್ಯಮಗಳಲ್ಲಿ ಸುದ್ದಿಯಾದ ಹಿನ್ನೆಲೆಯಲ್ಲಿ ಕಂದಾಯ ಇಲಾಖೆ ತನಿಖೆಗೆ ಆದೇಶಿಸಿತ್ತು. ಅಪರ ಜಿಲ್ಲಾಧಿಕಾರಿ ಮಂಡಳಿ ನಿಲ್ಲಿಸಿದ್ದ ವಾಹನದಲ್ಲಿ ಪ್ರಯಾಣಿಸುತ್ತಿದ್ದ ಅಧಿಕಾರಿಯೊಬ್ಬರು ಸುಲಿಗೆ ಮಾಡಿದ್ದಾರೆ ಎಂಬ ವದಂತಿ ಹಬ್ಬಿತ್ತು. ಈ ಬಗ್ಗೆ ತನಿಖೆ ನಡೆಸಿ ವರದಿ ಸಲ್ಲಿಸುವಂತೆ ಸಚಿವರು ಜಿಲ್ಲಾಧಿಕಾರಿಗೆ ಈ ಹಿಂದೆಯೇ ಸೂಚಿಸಿದ್ದರು. ಮಾರ್ಚ್ 19ರಂದು ತನಿಖಾ ವರದಿ ಸಲ್ಲಿಸಲಾಗಿತ್ತು.

                                    ವಾಹನದ ಲಾಗ್ ಪುಸ್ತಕದಲ್ಲಿ ಅಸ್ಪಷ್ಟತೆ:

                 ಜಿಲ್ಲಾಧಿಕಾರಿ ವಾಹನದಲ್ಲಿದ್ದ ಲಾಗ್ ಬುಕ್ ಪ್ರಕಾರ ಅಂತರ ವ್ಯತ್ಯಾಸದಿಂದ ಈ ಅಧಿಕಾರಿ ಸಿಕ್ಕಿಬಿದ್ದಿದ್ದಾರೆ. ಮತ್ತು ಅಧಿಕಾರಿಗೆ ಸ್ಪಷ್ಟ ವಿವರಣೆ ನೀಡಲು ಸಾಧ್ಯವಾಗಲಿಲ್ಲ. ವಾಹನವನ್ನು ಫೆಬ್ರವರಿ 28, 2022 ಮತ್ತು ಮಾರ್ಚ್ 2, 2022 ರ ಮಧ್ಯೆ ಬಳಸಲಾಗಿದೆ ಎಂದು ವರದಿಯಾಗಿದೆ. ಆದರೆ ಅಂದು ಅಧಿಕೃತ ವಾಹನ ಬಳಸಿಲ್ಲ ಎಂದು ಆರೋಪಿ ಅಪರ ಜಿಲ್ಲಾಧಿಕಾರಿ ಹೇಳಿಕೆಯಲ್ಲಿ ತಿಳಿಸಲಾಗಿದೆ. ಮಾರ್ಚ್ 2 ರಂದು ಅವರು ಕಲೆಕ್ಟರೇಟ್ ನಿಂದ ನೀಲೇಶ್ವರ ಕೇಂದ್ರೀಯ ವಿದ್ಯಾಲಯದವರೆಗೆ 221 ಕಿ.ಮೀ ಪ್ರಯಾಣಿಸಿದ್ದರು ಎಂದು ದಾಖಲಾಗಿತ್ತು. ಕಲೆಕ್ಟರೇಟ್ ಕಚೇರಿಯಿಂದ ನೀಲೇಶ್ವರಂಗೆ 110 ಕಿ.ಮೀ.ಮಾತ್ರ ದೂರ.  ಗಮ್ಯಸ್ಥಾನ ಮತ್ತು ಪ್ರಯಾಣದ ಅಗತ್ಯವನ್ನು ದಾಖಲಿಸಲಾಗಿಲ್ಲ.

                                            ಆರ್‍ಡಿಒ ಕೂಡ ಅಧಿಕಾರಿ ವಿರುದ್ಧ ಹೇಳಿಕೆ: 

                   ಆರ್‍ಡಿಒ ಹೆಸರಿನಲ್ಲಿ ವಸೂಲಿ ಮಾಡಲಾಗಿದೆ ಎಂಬ ಮಾಹಿತಿ ಮೇರೆಗೆ ಪರ್ಸನಲ್ ಸೆಕ್ಯುರಿಟಿ ಅಧಿಕಾರಿಯಿಂದ ಘಟನೆ ನಡೆದಿದ್ದು, ತನಿಖೆ ನಡೆಸಲಾಗಿದೆ. ಇದರ ಆಧಾರದ ಮೇಲೆ ವಾಹನದ ಲಾಗ್ ಬುಕ್ ಪರಿಶೀಲಿಸಲಾಯಿತು. ಕಾಸರಗೋಡು ಆರ್‍ಡಿಒ ಪ್ರಕಾರ, ಜಿಲ್ಲಾಧಿಕಾರಿ (ಎಲ್‍ಎ) ಅವರ ವಾಹನದಲ್ಲಿ ಆರ್‍ಡಿಒ ಮತ್ತು ತಹಸೀಲ್ದಾರ್ ಹೆಸರಿನಲ್ಲಿ ವಸೂಲಿ ಮಾಡಲಾಗಿದೆ.

                                         ಕಂದಾಯ ಇಲಾಖೆಗೂ ಮುಖಭಂಗ:

                          ಕಾಸರಗೋಡು ಎಂಡೋಸಲ್ಫಾನ್ ವಿಶೇಷ ಸೆಲ್ ನ ಡೆಪ್ಯುಟಿ ಕಲೆಕ್ಟರ್ ಅಧಿಕಾರಿಯ ಕ್ರಮ ಸರಕಾರ ಮತ್ತು ಕಂದಾಯ ಇಲಾಖೆಗೆ ಮುಖಭಂಗ ಎಸಗಿರುವುದು ತನಿಖೆಯಲ್ಲಿ ಕಂಡು ಬಂದಿದೆ.