ಕೆ.ಎಸ್.ಇ.ಬಿ ವಿವಾದ; ಅಧ್ಯಕ್ಷರ ವಿರುದ್ಧ ಎಡ ಸಂಘಟನೆಯಿಂದ ಧರಣಿ; ಮಧ್ಯಪ್ರವೇಶಿಸಲು ಸಾಧ್ಯವಿಲ್ಲ ಎಂದ ವಿದ್ಯುತ್ ಸಚಿವರು

                                            

                ತಿರುವನಂತಪುರ: ಕೆಎಸ್‍ಇಬಿ ಅಧ್ಯಕ್ಷ ಬಿ. ಅಶೋಕ್ ವಿರುದ್ಧ ಎಡಪಂಥೀಯ ಸಂಸ್ಥೆಯಾದ ಕೆಎಸ್‍ಇಬಿ ಅಧಿಕಾರಿಗಳ ಸಂಘ ಧರಣಿ ನಡೆಸಿದೆ. ತಿರುವನಂತಪುರ ವಿಭಾಗದ ಕಾರ್ಯಪಾಲಕ ಇಂಜಿನಿಯರ್ ಜಾಸ್ಮಿನ್ ಬಾನು ಅವರನ್ನು ಅಮಾನತುಗೊಳಿಸಿರುವುದನ್ನು ವಿರೋಧಿಸಿ ಈ ಮುಷ್ಕರ ನಡೆಸಲಾಯಿತು. ಸಮಸ್ಯೆ ಇತ್ಯರ್ಥವಾಗದಿದ್ದಲ್ಲಿ ಅನಿರ್ದಿಷ್ಟಾವಧಿ ಧರಣಿ ಮುಂದುವರಿಸುವುದಾಗಿ ಸಂಘಟನೆ ತಿಳಿಸಿದೆ.

                 ಕೆಎಸ್ ಇಬಿ ಅಧಿಕಾರಿಗಳ ಸಂಘದ ರಾಜ್ಯ ಪದಾಧಿಕಾರಿ ಜಾಸ್ಮಿನ್ ಬಾನು ಉಪಸ್ಥಿತರಿದ್ದರು. ವಿಭಾಗ ಕಾರ್ಯಪಾಲಕ ಎಂಜಿನಿಯರ್ ಹುದ್ದೆಯಿಂದ ವಿನಾಕಾರಣ ಅಮಾನತು ಮಾಡಲಾಗಿದೆ ಎಂದು ಸಂಘಟನೆ ಆರೋಪಿಸಿದೆ.

                    ಇದರಿಂ|ದ ಮಧ್ಯಾಹ್ನದವರೆಗೆ ಮುಷ್ಕರಕ್ಕೆ ಕರೆ ನೀಡಲಾಗಿತ್ತು. ಜಾಸ್ಮಿನ್ ಬಾನು ಅವರು ಅನುಮತಿ ಇಲ್ಲದೆ ರಜೆ ತೆಗೆದುಕೊಂಡಿದ್ದು, ಇದಕ್ಕಾಗಿ ಅಮಾನತುಗೊಳಿಸಲಾಗಿದೆ ಎಂದು ಅಧ್ಯಕ್ಷರು ತಿಳಿಸಿದರು. 

                ಇದೇ ವೇಳೆ ವಿದ್ಯುತ್ ಸಚಿವ ಕೆ.ಎಸ್. ಕೃಷ್ಣನ್ ಕುಟ್ಟಿ ರಂಗಕ್ಕೆ ಬಂದಿದ್ದು ಕೆಎಸ್‍ಇಬಿಯಲ್ಲಿನ ವಿವಾದಕ್ಕೆ ಸಂಬಂಧಿಸಿದಂತೆ ಇದುವರೆಗೆ ಯಾವುದೇ ದೂರುಗಳು ಬಂದಿಲ್ಲ ಎಂದು ವಿದ್ಯುತ್ ಸಚಿವರು ಹೇಳಿದರು. ಕೆಎಸ್‍ಇಬಿ ಕಂಪನಿಯಾಗಿರುವುದರಿಂದ ಸರ್ಕಾರದ ಹಸ್ತಕ್ಷೇಪ ಸೀಮಿತವಾಗಿದೆ. ನೀತಿ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಅಧಿಕಾರ ಮಾತ್ರ ಸರಕಾರಕ್ಕಿದೆ. ದೈನಂದಿನ ವ್ಯವಹಾರಗಳಲ್ಲಿ ಹಸ್ತಕ್ಷೇಪ ಮಾಡುವುದಿಲ್ಲ ಎಂದು ಸಚಿವರು ಹೇಳಿದರು. ಮುಖ್ಯಮಂತ್ರಿ ಜತೆ ಮಾತನಾಡಿ ಸಮಸ್ಯೆ ಬಗೆಹರಿಸಲು ಪ್ರಯತ್ನಿಸುವುದಾಗಿ ತಿಳಿಸಿದರು.