ಪಾಲಕ್ಕಾಡ್ ಹತ್ಯೆ: ನಾಳೆ ಸರ್ವಪಕ್ಷ ಸಭೆ; ಮುಲಾಜಿಲ್ಲದೆ ಕ್ರಮ ಕೈಗೊಳ್ಳಲಾಗುವುದು: ಸಚಿವ ಕೆ. ಕೃಷ್ಣನ್ ಕುಟ್ಟಿ

                                                

                   ಪಾಲಕ್ಕಾಡ್:  ಪಾಲಕ್ಕಾಡ್ ಜಿಲ್ಲೆಯಲ್ಲಿ 24 ಗಂಟೆಗಳಲ್ಲಿ ಎರಡು ಕೊಲೆಗಳು ನಡೆದಿರುವ ಹಿನ್ನೆಲೆಯಲ್ಲಿ ನಾಳೆ ಸರ್ವಪಕ್ಷ ಸಭೆ ಕರೆಯಲಾಗಿದೆ. ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಮಧ್ಯಾಹ್ನ 3.30ಕ್ಕೆ ಸಚಿವ ಕೆ.ಕೃಷ್ಣನ್‍ಕುಟ್ಟಿ ಅಧ್ಯಕ್ಷತೆಯಲ್ಲಿ ಸಭೆ ನಡೆಯಲಿದೆ. ಪಾಪ್ಯುಲರ್ ಫ್ರಂಟ್-ಆರ್ ಎಸ್ ಎಸ್ ಕಾರ್ಯಕರ್ತರ ಹತ್ಯೆ ಹಿನ್ನೆಲೆಯಲ್ಲಿ ಜಿಲ್ಲೆಯಲ್ಲಿ ನಿಷೇಧಾಜ್ಞೆ ಮುಂದುವರಿದಿರುವ ಹಿನ್ನೆಲೆಯಲ್ಲಿ ಸಭೆ ನಡೆಸಲಾಗುತ್ತಿದೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.

            ಇದೇ ವೇಳೆ ಪ್ರಕರಣದಲ್ಲಿ ಪೋಲೀಸರು ಮುಲಾಜಿಲ್ಲದೆ ಕ್ರಮ ಕೈಗೊಳ್ಳುತ್ತಾರೆ ಎಂದು ಕೃಷ್ಣನ್‍ಕುಟ್ಟಿ ಮಾಹಿತಿ ನೀಡಿದರು. ಹಿಂಸಾಚಾರದ ಘಟನೆಗಳ ವಿರುದ್ಧ ಕಠಿಣ ಕ್ರಮಕ್ಕೆ ಸೂಚಿಸಲಾಗಿದೆ. ಎಲ್ಲ ಆರೋಪಿಗಳನ್ನು ಶೀಘ್ರವೇ ಬಂಧಿಸಲಾಗುವುದು. ಎರಡೂ ಪಕ್ಷಗಳು ತಾವೇ ಜವಾಬ್ದಾರರಾಗಬೇಕು. ಅಗತ್ಯಬಿದ್ದರೆ ದಬ್ಬಾಳಿಕೆ ಒಪ್ಪಿಕೊಳ್ಳಬೇಕಾಗುತ್ತದೆ ಎಂದು ಸಚಿವರು ಹೇಳಿದರು.

                   ಇಂತಹ ಘಟನೆಗಳು ಮರುಕಳಿಸುವ ಸಾಧ್ಯತೆ ಇರುವ ಕಡೆ ವಿಶೇಷ ಗಮನ ಹರಿಸಲಾಗುವುದು. ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವಂತೆ ಮುಖ್ಯಮಂತ್ರಿ ಸೂಚಿಸಿದ್ದು, ಹೊಸ ಪಡೆಯನ್ನು ಪಾಲಕ್ಕಾಡ್‍ಗೆ ಕಳುಹಿಸಲಾಗಿದೆ. ಇಂದು ಮಧ್ಯಾಹ್ನ 3 ಗಂಟೆಗೆ ಪಾಲಕ್ಕಾಡ್ ಜಿಲ್ಲೆಯಲ್ಲಿ ಎಲ್ ಡಿಎಫ್ ಸಭೆ ಆರಂಭಗೊಂಡಿದೆ ಎಂದು ಹೇಳಿದರು.

                  ಮೊದಲ ಕೊಲೆ ಶುಕ್ರವಾರ ಪಾಲಕ್ಕಾಡ್‍ನ ಎಲಪ್ಪುಲ್ಲಿಯಲ್ಲಿ ನಡೆದಿದೆ. ಎಸ್‍ಡಿಪಿಐ ಮುಖಂಡ ಜುಬೇರ್ ಹತ್ಯೆಗೀಡಾದರು. ಮುಂದಿನ ಕೊಲೆ ನಿನ್ನೆ ಮಧ್ಯಾಹ್ನದ ಸುಮಾರಿಗೆ ನಡೆಯಿತು. ಆರ್‍ಎಸ್‍ಎಸ್‍ನ ಮಾಜಿ ಶಾರೀರಿಕ್ ಪ್ರಮುಖ್  ಶ್ರೀನಿವಾಸ್ ಹತ್ಯೆಗೀಡಾದ ಎರಡನೇ ವ್ಯಕ್ತಿ. ಬಿಜೆಪಿ ಜಿಲ್ಲಾ ನಾಯಕತ್ವ ಪದೇ ಪದೇ ಜುಬೈರ್ ಹತ್ಯೆಯಲ್ಲಿ ಯಾವುದೇ ಕೈವಾಡವನ್ನು ನಿರಾಕರಿಸಿತ್ತು. ಇದಾದ ಬಳಿಕ ಶ್ರೀನಿವಾಸನನ್ನು ಹಗಲು ಹೊತ್ತಿನಲ್ಲಿ ದುಷ್ಕರ್ಮಿಗಳು ಹತ್ಯೆ ಮಾಡಿದ್ದರು.